Chapter 81

CHAPTER 81

NANG tuluyan nang mawala sa kaniyang paningin si Owen at si Anastashia doon lang bumigay ng lubusan ang kaniyang katawan. Hindi niya akalain na ganito pala hahantong ang lahat nang pinaghirapan niya. Sa isang iglap, gumuho ang lahat. Mismong si Owen, para na rin siyang tinalikuran nito. Galit siya kay Anastashia dahil sa kinuha na naman nito ang anak niya. Galit siya sa kaniyang sarili dahil hindi man lang niya naipaglaban ang kaniyang anak.

Napaluhod na lamang siya sa sahig. Nanghihina ang buong katawan. Ang ilayo si Owen sa kaniya ay isang napakahirap na sitwasyon. Alam niyang dadaan ang mga araw na parati lang niya itong iisipin.

“Kuya,” sambit ni James. Noon lang din niya namalayan na nasa harapan na pala niya ito.

Hinawakan siya nito sa kaniyang balikat. Hinimas-himas nito ang kaniyang balita na para siyang isang batang binawian ng cotton candy.

Umiyak na rin siya. This was the first time na nakita siya ni James umiyak bilang isang ama. Ito ang unang nakita n