Chapter 98

Hindi ako makagalaw. Nanatili akong nakatitig kay Vivian ng ilang minuto. Magkapatid si Vanessa at Vivian sa ama. Anak siya ni Henry Lacsamana at lolo niya si Don Alberto.

"Mukhang nagulat yata kita," nakangising sabi ni Vivian saka tiningnan ang mga kasama namin sa loob ng meeting room. "Hindi ko aakalaing biglang lulubog ang kompanya mo, Liam."

Ngumiti ako at naglakad papalapit sa kaniya. "Palubog pa lang, Vivian," I corrected. "Hindi ko rin aakalaing may balak ka pa lang mag-invest sa kompanya ko makalipas ang ilang taon."

"Well, well, well. Kagustohan ito ni Vanessa," bulong niya. Hindi ko pinahalata sa kaniya ang aking pagkagulat. Idinaan ko na lang sa ngiti ang sinabi niya nang napansin ko ang paglingon ng lahat sa amin.

Tumikhim si Anton kaya naagaw niya ang atensiyon ng lahat. "Mukhang nandito na ang lahat. Sisimulan na natin ang pagpupulong para maaga tayong matapos at makauwi."

Sumang-ayon naman ang lahat sa sinabi ni Anton. Iginiya ko si Vivian sa pinakadulong upua