Kabanata 128

Bakas ang stress kay Nanay pag-uwi nila ni Tiya Marga. Galing na sila sa bahay bago nagtungo rito sa shop. Gusto ko sanang itanong kung anong kinahinatnan ng pagbisita nila kay Venus at kung nakausap ba nila si Tita Chime pero hindi ko iyon magagawa sa maraming tao.

Abala kami ni Olive sa pag-aasikaso sa mga customer habang si Alias naman ay masayang kinakausap ng mga empleyado. Bawal ang bata rito lalo na't likas ang kalikutan ng anak ko pero dahil kay Ruan na nagpresintang magbantay sa kaniya, tiwala akong wala siyang naiistorbo rito.

Oo, tama. Si Ruan ay himalang narito matapos idahilang kailangan ko ng magbabantay kay Alias. Umalis sina Russel at Arcel para sa patuloy na imbestigasyon.

“Doon ka nga!” pang-ilang bulyaw na ito ni Olive sa kaniya. Itinataboy niya si Ruan sa tuwing napapalapit sa puwesto niya.

“She's angry, Mama!” Alias showed his shocked face. Hindi naman mukhang takot kundi animo'y nagsusumbong na awatin ko si Olive.

Ruan just s