Isang linggo na ang nakalipas mula nang mangyari ang insidente sa bar pero hanggang ngayon ay ‘di pa rin nakikita ni Elyssa ang anino ni Louie. At bakit ko ba siya hinahanap? Gigil na tanong niya sa isip dahil hindi mawala-wala si Louie sa balintataw niya nitong mga nakaraang araw. Kahit si Jevy ay ginugulo ang isip niya dahil sa pagtawag nito ngunit hindi iyon naging hadlang upang hindi siya makapag-concentrate sa trabaho. . Nasa packaging area siya at nag-i-inventory nang bigla siyang lapitan ng ngiting-ngiting si Marra. Marahil tapos na ang quarterly general meeting ng mga ito, kung saan halos lahat ng section head at supervisors ay kasali. Pati yata department manager ay naroon rin. Nandoon din kaya si Louie? Elyssa wonders what the meeting is about lalo na nang makita ang malapad na ngiti ng pinsan. Siguradong may magandang nangyari. "Hey, cousin! I have a very good news for you!" Agad na bungad nito sa kanya at excited siyang niyakap. "What is it!?" nagniningning ang matang ta
Putok ang butseng bumalik sa canteen si Elyssa pagkagaling niya sa opisina ni Louie. Naiinis siya dahil hindi niya maintindihan ang sarili. Alam niyang mahal niya si Jevy, pero bakit kapag kaharap niya ang boss niya ay kakaiba ang tibok ng kanyang puso? Kahit ganoon pa man ay pilit niyang pinakalma ang sarili dahil ayaw niyang mapansin ng pinsan at ng kaibigan ang kumplikadong ekspresyon na nakabalatay sa mukha niya. Lalo na si Marra. Malakas itong mangilatis. Kaagad na natanaw ni Elyssa ang dalawa pagkapasok niya sa canteen dahil hindi pa nakaalis ang mga ito kaya nilakihan niya ang bawat hakbang upang maki-chicka pa sa mga ito bago matapos ang break-time nila. Malapad ang ngiti niya at nakatutok sa dalawa ang kanyang tingin. Malapit na siya sa mesang kinaroroonan nina Marra nang biglang may tumayong isang babae sa mesang dadaanan niya at sa saktong pagtayo nito ay bumundol ito sa katawan niya. Sa sobrang lakas ay bahagya siyang napaatras. Kung hindi lang mabilis ang reflexes niya a
Kinagabihan naunang umuwi si Marra sa kanila dahil mas maaga ang labas nito. Maaga ang pasok nito kinabukasan dahil change of shift na ulit sila. Habang sila ni Ellen ay sa susunod na umaga pa ang duty. Silang dalawa ngayon ni Ellen ang magkasabay. Hatinggabi na kaya madalang na ang sasakyan na nasa daan sa tapat ng factory na pinapasukan. Kung meron man dumating ay may sakay na agad iyon o ‘di kaya ay naunahan sila ng ibang katrabaho na nagmamadali ring umuwi. Mayroon silang service bus, ang problema siksikan lagi at ayaw ng dalawa makisabay dahil hindi naman gaanong kalayuan ang apartment nila. Kapag wala pang darating na taxi sa loob ng halos sampung minuto nilang paghihintay saka sila walang choice kundi makipagsiksikan. Elyssa and Ellen were now waiting for a taxi to bring them back to their apartment, but it was already five minutes long, yet no taxi was in sight. Kasalukuyan silang nagtatawan at nagkukuwentuhan habang nag-aabang ng taxi nang biglang may kotseng huminto sa hara
“Why?” Nang makabawi ay saka nagtanong si Elyssa. “I like you.” Muling napatulala si Elyssa sa sinabi ng kaharap at kaagad na kumabog ang dibdib ng malakas. Hindi siya makapaniwala kung tama ba ang narinig. Pasalamat siya dahil kakaunti na lang ang mga taong naroon. Isa pa mahina ang pagkakasabi niyon ni Louie na tanging siya lang ang nakakarinig. "I like you, Elyssa!" muling pahayag ng boss niya. Malamlam ang mga mata nito habang nakatitig sa kanya at sa tulong ng ilaw sa kalsada ay kitang-kita niya ang maamong ekspresyon mula roon. Bahagyang nahimasmasan ang dalaga nang muling nagsalita ang kaharap. Seryoso ba ‘tong mokong na ‘to? Nagko-confess ba siya sa’kin? "Ow c'mon, Mr. Fuentebella. Huwag ako ang ihanay mo sa listahan ng mga babae mo. Iba ako sa kanila." Totoo ba’ng pinagsasabi nito? How come, ang isang tulad mo, magkakagusto sa isang simpleng tulad ko? "You are right, Miss Castillo. Iba ka sa kanila that’s why I like you!" Nanatiling seryoso ang mukha ng binata. Walang ha
Bago hawakan ang cellphone upang padalhan ng mensahe ang lalaking sanhi ng pagkabigo ay malalim na humugot ng hininga si Elyssa upang pakalmahin ang rumaragasang pagtibok ng puso. Kagabi pa niya ito naisip na gawin ngunit ngayon lang siya nagkaroon ng lakas ng loob. Ipinangako niya sa sarili na pahihirapan niya muna si Jevy ngunit siya mismo ang hindi nakatiis dahil napagpasyahan niyang katagpuin ito. Her inner heart was calling for it. This talk will be about either their closure or if they could mend their ruined relationship. Kung ano ang magiging resulta ay saka pa lang niya malalaman. Nasa trabaho na ang pinsan habang si Ellen ay sa lugar ng boyfriend nito kaya walang sinuman ang mag-uusisa sa kung anuman ang gagawin niya. No one will stop her about this stupidness. After sending Jevy a message saying about their meeting, Elyssa got ready. She showered and primed herself, putting on light makeup with a dash of pink lipstick. She wore a simple above-the-knee black skirt and pair
“Hey, cousin. Are you still there?” Napapitlag si Elyssa nang marinig ang biglang pagtawag ng pinsan sa pangalan niya mula sa kabilang linya. Malayo kasi ang iniisip niya at ni ano man ay wala siyang naiintindihan sa sinabi ni Marra. Ang isip niya ay lumilipad pa rin sa pagkikita nila ng dating kasintahan. Tungkol sa bawat katagang binigkas sa kanya ni Jevy. Hanggang ngayon ay nanonoot pa rin iyon sa kanyang kalamnan. Marahil nga kapag mahal natin ang isang tao ay hindi natin sila agad-agad nakakalimutan, hindi natin sila kayang iwanan. At higit sa lahat ay kaya nating patawarin kung ano man ang kanilang pagkakasala. Wala pang isinagot si Elyssa sa sinabi sa kanya ni Jevy. Humingi siya sa binata ng oras upang ibigay ang sagot niya kung tatanggapin niya itong muli ngunit positibo si Elyssa na magiging marupok na naman siya at makikipagbalikan siya sa binata. Napabuntong-hininga siya nang wala sa oras na kapansin-pansin sa matalas na pandinig ni Marra ngunit malaking himala na wala it
Napayakap nang wala sa oras sa sarili si Elyssa pagkababa ng chopper nang biglang umihip ang hangin at sumalubong sa kanya ang lamig niyon. Hindi nakapagtataka dahil mag-a-alas dose na ng hatinggabi. Bagama’t dis-oras na ay hindi maipagkaila ang maliwanag na dalampasigan na kanilang binabaan. Sandaling natigilan si Elyssa dahil sa napagmasdan. Nagtatakang ipinalibot niya ang tingin sa maputing buhangin na naabot ng liwanag nang nakapalibot na ilaw. “Wait! Dalampasigan? Saan ako dinala ng mokong na ‘to? At saan sina Marra? Bakit nasa dagat, eh, ang alam ko hindi naman ito ang pupuntahan namin?” Sunod-sunod at naguguluhang tanong ni Elyssa sa sarili nang mapagtantong sa ibang lugar siya dinala ng boss niya. Yakap pa rin ang sarili ay tinakbo niya ang pagitan nila nila ni Louie na ngayon ay medyo malayo na ang agwat sa kanya. Sa tangkad ba naman nito kaya ganoon na lang ito kabilis maglakad. Sandali lang siya nagmuni-muni ay iniwanan na agad siya nito. Nakausli ang labing binilisan pa
Louie was getting annoyed every minute that pass without Elyssa’s shadow. Magkasalubong na ang kilay niya habang nakaharap sa kakainit lang na pagkain na ngayon ay muli na namang lumamig. Magta-tatlumpong minuto na siyang naghihintay sa pagbabalik ng dalaga upang sabay silang kumain ngunit hindi pa rin ito lumalabas sa kuwarto na ikinakainis niya.Nagpasya siyang katukin ito sa kuwarto na halos hindi maipinta ang mukha. Naghihinala siyang sinasadya nitong magtagal sa loob upang inisin siya na ikinataas ng kilay niya. Nang makarating sa second floor kung saan naroon ang nag-iisang kuwarto ay kaagad siyang kumatok upang kunin ang pansin ng dalaga. Ilang segundo ang kanyang pinalipas upang hintayin ang sagot mula sa loob pero wala ni isang tunog na nanggagaling sa loob. Nagtaka si Louie. Is she sleeping?Upang hindi mabulabog ang nasa loob ay tumigil siya sa pagkatok at dahan-dahang pinihit ang seradura upang buksan ang pinto. Nang umawang ang pinto na saktong makakapasok siya ay agad siy