Chapter 5

Pamayamaya naman ay dumating na si Josiah na kababalik lang. Hindi siya nakangiti at hindi rin nakasimangot. Sobrang seryoso ang mukha niya kaya hindi ko maiwasang hindi siya tignan.

"Mabuti naman nakabalik kana. Ang tagal mona nga at mas mukhang matagal pa si Clara!" reklamo ko sa kaniya.

Napailing naman siya at napaupo sa tabi ko. Sandali naman akong napalingon sa grupo nila Stefan na nagtatawanan dahil sa mga pinag-uusapan nila at nakita ko ngang nakatitig sa akin si Stefan kaya mabilis akong nag-iwas nang tingin sa kaniya.

Hindi naman nagsalita si Josiah dahil sobrang seryoso pa rin ng mukha niya kaya naman para mawala iyon ay bahagya kong tinusok ang tagiliran niya para patawanin siya pero hindi naging effective iyon sa kaniya kaya napabuntonghininga na lang.

"I'm just gonna get some drinks," sabi niya sa akin pagkatapos ay mabilis na tumayo at umalis doon.

Napakagat naman ako sa labi ko at napailing bago tuluyang tumayo rin para sundan siya. Napaisip tuloy ako kung pinagbigyan siya ng kapatid ko para makipagsayaw sa kaniya. Nagdadalawang isip naman ako kung itatanong ko 'yon sa kaniya lalo na at ngayon ko lang siya nakitang ganito kaseryoso.

"Josiah, wait! Sama ako sa'yo," sabi ko at binilisan pa ang paglalakad para maabutan ko siya.

Kahit masakit ang paa ko ay pinilit ko naman ang sarili ko na makalapit sa kaniya. Sigurado akong nasaktan siya sa kung ano man ang dahilan kaya hindi ako papayag na magiging malungkot na lang siya ngayong gabi lalo na at alam kong kapatid ko ang dahilan kung bakit siya nagkakaganito ngayon.

"Are you alright? What happened to you?" tanong ko sa kaniya nang makarating kami sa drinks area.

Nanghingi naman siya ng whiskey roon at binigyan naman siya kaagad. Nagulat naman ako nang bigla niyang ininom 'yon.

"Jos! Dahan-dahan lang," sabi ko sa kaniya.

Muli siyang nanghingi roon at patuloy lang naman siyang binibigyan. Napailing na lang tuloy ako at nanghingi rin ng sa akin.

"What are you doing?" tanong niya habang nakakunot ang noo.

"Gusto mo maglasing, right? Ito sasamahan kita," sagot ko naman sa kaniya pagkatapos ay nagkibit ako ng balikat.

Gumuhit sa lalamunan ko ang mainit na alak hanggang sa loob ng tiyan dahil sa tapang nito at kahit na hindi ko gusto ang lasa ay nanghingi akong muli.

"Stop it, Eli. Masyadong hard ang mga 'yan," suway niya sa akin.

"Hindi naman. Ang sarap nga e," sabi ko pagkatapos ay muling nilagok ang pangalawang shot.

"Don't give her another shots. Mabilis malasing 'yan," sabi naman ni Josiah sa bartender na naroon pagkatapos ay kumuha siya ng wine at inabot sa akin.

"Ano'ng gagawin ko rito?" tanong ko naman sa kaniya habang nakataas ang kilay.

"'Yan na lang ang inumin mo at baka malasing ka kaagad," sagot niya sa akin.

"So what's happening to you? Naisayaw mo ba ang kapatid kong si Stella?" tanong ko naman kaagad sa kaniya dahil hindi ko na napigilan ang sarili ko.

Kita ko naman ang bahagyang pagkunot ng noo niya at napahugot nang malalim na hininga.

"Ikaw, naisayaw ka rin ng crush mo hindi ba? Swerte niyong dalawa ni Clara," sabi niya sa akin.

"What? Paano akong magiging swerte e hindi ko naman gusto ang Stefan na 'yon! Si Clara lang ang swerte at mukhang enjoy na enjoy dahil hanggang ngayon ay hindi pa rin bumabalik sa table natin," sunod-sunod ko namang sagot sa kaniya.

"I'm happy for her," sagot din naman niya sa akin pagkatapos ay nagkibit ng balikat.

Napatango naman ako dahil ganoon din ang nararamdaman ko para sa kaibigan pero hindi pa rin makakatakas sa akin si Josiah ngayon dahil mukhang iniiba niya ang usapan at hindi niya man lang sinagot ang tanong ko kaya inulit ko 'yon sa kaniya.

"Ang tanong ko ang sagutin mo. Naisayaw mo ba ang kapatid ko? For sure naisayaw mo dahil antagal mo rin nawala," sabi ko pagkatapos ay nagkibit ng balikat.

"Oo naisayaw ko siya pero saglit lang dahil may nag-aya na rin kaagad sa kaniyang magsayaw," sagot naman niya sa akin pagkatapos ay napainom na naman sa alak na hawak niya.

"At bakit ka naman pumayag ba makipagsayaw siya sa iba?" tanong ko habang nakakunot ang noo ko.

"At sino rin naman ako para hindi pumayag?" tanong din naman niya sa akin.

"His future boyfriend. Duh?!" sagot ko pagkatapos ay inirapan siya.

Sarkastiko naman siyang natawa at napailing kaya hindi naalis ang tingin ko sa kaniya. Ang ganitong mga reaksyon ni Josiah ay ngayon ko lang nakita kahit na matagal na kaming magkaibigan kaya naman curious ako kung ano ba talaga ang nangyayari sa akin.

"Ang sarap sanang pakinggan niyan, Eli pero hindi e. Your sister have already boyfriend. Ang sabi niya sa akin noon ay maghintay lang ako sa kaniya hanggang sa maka-graduate siya ng college," sunod-sunod na sabi niya sa akin kaya natahimik lang ako.

"Tinupad ko naman ang sinabi niya na hintayin ko siya. Nakita mo naman kung paano ko iwasan ang mga babaeng nagpapapansin sa akin para lang sa kapatid mo pero hindi ko lang talaga inaasahan ngayon. Na habang naghihintay pala ako sa kaniya, nagmamahal na siya ng iba. How ridiculous, right?" patuloy niya sa pagsasalita pagkatapos ay napailing.

Napakagat ako sa labi ko habang pinapakinggan ko ang pagkukwento ni Josiah. Wala akong alam sa paghihintay na ganoon na sinabi ng kapatid ko dahil hindi naman talaga mahilig magkwento si Josiah. Kahit ako ay shocked ngayon sa nalaman.

"Bakit hindi mo sinasabi sa akin?" tanong niya.

Napakunot naman ang noo ko, "Sabihin ang alin?" nagtatakhang tanong ko.

"Na may ibang nanliligaw na pala kay Stella. For sure nagpupunta 'yon sa bahay niyo at nakikita mo. Bakit hindi mo sinabi sa akin? Bakit hinayaan mong umasa pa ako?" sunod-sunod niyang sabi at tanong sa akin kaya sunod-sunod din ang pag-iling ko.

"Jos, I-I didn't know what you're talking about. Sa tingin mo ba magagawa ko 'yon sa'yo?" sagot at tanong ko naman sa kaniya.

Napailing lang naman siya at tinignan ako gamit ang punong-puno ng disappointment sa mga mata niya bago ako tuluyang iniwanan doon. Nalaglag naman ang panga ko at napatanong sa sarili.

"Bakit parang kasalanan ko?" bulong ko sa sarili.

"Where's, Jos?" tanong sa akin ni Clara nang makabalik na siya sa table namin.

Bumalik din ako sa table namin kanina nang matapos akong iwanan ni Josiah doon at akala ko rito siya nagpunta pero hindi ko siya naabutan dito.

Napailing naman ako bilang sagot kay Clara habang nakatulala ako. Maingay na roon kanina pa dahil nag-aasaran na naman ang mga boys. Kinausap pa nga ako ni Stefan kanina kaya lang ay hindi ko masyadong naintindihan dahil iniisip ko si Josiah. Hindi ko lang siya maintindihan kung bakit ako ang sinisisi niya sa pagkakaroon ng boyfriend ni Stella kahit wala naman talaga akong alam.

"Hindi mo alam kung nasaan siya? Baka nagsasayaw pa sila ni Stella?" tanong na naman sa akin ni Clara.

"No. Tapos na silang magsayaw kanina pa at tapos na rin ang kanta at sayawan kaya sigurado akong hindi na sumasayaw 'yon," sagot ko sa kaniya.

"Then where is he? Sandali at tatawagan ko na lang," sabi ni Clara pagkatapos ay kinuha na ang phone niya sa purse niya para tawagan si Josiah.

Napabuntonghininga naman ako at kinuha ang wine na nasa harapan para uminom. Wala talaga akong alam na may boyfriend na si Stella lalo na at wala namang lalaking nagpupunta sa bahay para ligawan siya.

"Stop calling him, Clara. Baka hindi na bumalik 'yon dito. He's mad at me," sabi ko nang mailapag ko ang glass ng wine sa table.

"He's mad at you? Ano'ng dahilan? That's impossible! Duh!" hindi naman makapaniwalang sabi ni Clara sa akin.

"Ako ang sinisisi niya sa pagkakaroon ng boyfriend ni Stella. Wala naman akong alam doon dahil kung hindi niya sinabi sa akin kanina ay hindi ko malalaman na may boyfriend na pala ang kapatid ko!" sunod-sunod na pagrereklamo ko naman.

"May boyfriend na si Stella?!" gulat na tanong naman ni Clara sa akin dahilan nang pagtango ko.

"At hindi ko alam kung paano dahil wala namang dumadalaw o nagpupunta sa bahay para manligaw kay Stella. Ako ang unang makakaalam no'n, Clara alam mo 'yon," patuloy ko sa pagsasalita.

Humugot naman nang malalim na hininga si Clara at bahagyang hinagod ang balikat ko habang tumatango-tango.

"I know and I believe you. Hayaan mo at kakausapin ko si Josiah kapag nakita ko siya. Baka nabigla lang 'yon dahil alam naman nating parehas na sa kapatid mo lang patay na patay 'yon," sunod-sunod namang sagot sa akin ni Clara para pagaanin ang loob ko.

Nanatili naman kami sandali roon at ang grupo nila Stefan ay hindi pa rin umalis doon. Natanaw ko naman ang pagtitig muli sa akin ni Stefan pero nag-iwas na lang ako ng tingin dahil naiilang ako.

"Set up na raw ang venue for our after party. Game ba kayo guys?" tanong ni Julius, isa sa mga kasama sa grupo nila Stefan.

Napahugot ako nang malalim na hininga dahil may after party pa nga pala. Iginala ko tuloy ang mga mata ko para hanapin muli si Josiah dahil hindi siya sumasagot sa mga tawag namin sa kaniya ni Clara.

"Eli," tawag sa akin ni Stefan.

Napalingon naman ako sa kaniya at bahagyang itinaas ang dalawa kong kilay na para bang nagtatanong kung ano ang kailangan niya sa akin.

"Are you coming for after party?" tanong niya.

Hindi naman ako nakasagot kaagad dahil napatingin ako sandali kay Clara. Tumango naman siya sa akin kaya bumalik ang tingin ko kay Stefan bago tumango rin sa kaniya bilang sagot.

"Yeah," sagot ko pagkatapos ay nagkibit ng balikat.

Napangisi naman siya at napatango dahil sa sagot ko bago bumaling sa mga kaibigan niya.

"Okay, guys! Sasama na ako," sabi niya sa mga kaibigan niya.

"Oh akala ko ba gusto mong magpahinga nang maaga ngayong gabi dahil may training ka bukas?" tanong sa kaniya ni Julius.

"Pwede ko naman ipagpaliban 'yon sa susunod na araw. Gusto ko rin muna maglibang," sagot naman niya sa mga kaibigan niya pagkatapos ay bahagyang napatingin sa akin muli kaya naman nag-iwas ako ng tingin sa kaniya.

"Sus! Nalaman mo lang na pupunta si Eliana kaya sasama kana rin!" pang-aasar naman ng isa pa niyang kaibigan doon.

Napailing na lang ako at napabuntonghininga bago muling tumingin kay Clara na nakangisi na rin ngayon kaya naman nagkunot ako ng noo sa kaniya.

"Mukhang type ka nga talaga ni Stefan. Nabanggit din kasi sa akin ni Elijah kanina," bulong niya sa akin.

Napairap naman ako dahil doon. Hindi ako naniniwala at hindi ako sang-ayon na magustuhan na lang niya ako kaagad-agad.

"Oh bakit gan'yan ang reaction mo? Pogi naman 'yang si Stefan at basketball player pa. Matalino at mabait. Pasok na pasok sa standards mo," dagdag na sabi pa ni Clara nang makita niya ang pag-irap na reaksyon ko.

"Mas mataas na ang standards ko ngayon, Clara. Sabihin na nating gwapo, mabait at matalino siya pero hindi pa rin natin maipagkakaila na babaero yan," sunod-sunod naman na sabi ko sa kaniya pagkatapos ay muli na naman akong napairap.

"Paano mo namang nalaman na babaero? Subukan mona ulit kaysa naman kay Jackson!" sagot naman niya sa akin.

Napailing na lang ako dahil dinadamay na naman niya ako sa kabaliwan niya.

"You know what? Hahanapin ko na lang muna si Josiah. Maiwan ka r'yan kung gusto mo," sabi ko sa kaniya pagkatapos ay tumayo na roon.

"Huh? Iiwanan mo ako? Sasama ako!" nagmamadaling sabi niya kaya naman sinimulan ko nang umalis doon.

Nakalimutan ko pa ngang magpaalam sa mga kasama namin doon pero narinig ko naman ang boses ni Clara na mukhang nagpapaalam sa mga kasama namin.

"Maghiwalay kaya tayo para mabilis natin siyang mahanap? Hahanapin ko rin ang Daddy niya at itatanong ko kung nasaan si Jos," sabi ni Clara kaya naman napatango ako.

"Mabuti pa nga. Magtawagan na lang tayo kapag nahanap na natin siya," sagot ko naman.

Naghiwalay na nga kaming dalawa ni Clara at halos lahat nang makita kong mga ka-schoolmates namin ay pinagtatanungan ko kung nakita ba si Josiah hanggang sa natanaw ko naman si Stella sa table nila kasama ang mga kaibigan niya. Hindi naman ako lumapit kaagad sa kanila dahil hinanap ko ang boyfriend na tinutukoy kanina ni Josiah. Natanaw ko naman may lalaki nga siyang katabi at halata naman na kaedad niya 'yon. Nagtatawanan sila roon kaya naman hindi na ako nagdalawang isip pa na lumapit doon.

"Stella," tawag ko sa kapatid.

Napaangat naman kaagad ang tingin niya sa akin at nakita ko ang gulat sa mga mata niya nang makita ako kaya naman pinanatili ko ang seryoso kong mukha.

"A-Ate Eli," tawag niya rin sa akin at napatingin muna sa lalaking katabi niya bago tumayo.

"Can we talk?" tanong ko sa kaniya.