Chapter 27

“How about you, Miss Gabriella?”

Lumipas ang tatlong araw mula nang maganap ang pagnanakaw ni Rey Jhon ng halik kay Gabriella. Hindi pa rin maalis sa utak niya kung paano ito nagulat nang makitang may abs na siya. Gusto niya talagang humalakhak sa tagpong iyon pero tudo pigil siya, ayaw niyang makatanggap ng isang malutong na sampal mula kay Gabriella.

Baka hindi lang isang sampal. Baka may pasobra pa dahil special siya.

Halos isang oras na rin mula nang pumasok siya sa classroom na ito at nakita na naman niya ang dalaga. Bawat tanong niya ay inuuna niya munang tanungin si Gabriella bago tanungin ang ibang estudyante niya. Gusto niya kasing makitang magpigil ng galit ang dalaga at paikutin ang mga mata nito. Na para bang sa paggawa no’n ay makakaganti ito sa kaniya.

Lumabas ang matamis na ngiti sa labi niya nang makitang magkasalubong na ang mga kilay ni Gabriella at umikot pa ang mga mata. Ramdam na ramdam na niya kung gaano kainit ang dugo ni Gabriella sa kaniya ngayon pero gusto la