Chapter 5

Samantalang ang lalaking nakakita kaninang tanghali kina Berry sa labas ng club ay nakabalik na sa loob ng opisina nito bilang CEO (Chief Executive Officer.) sa kanilang kumpanya.

Pagkatapos niyang maihatid ang matalik niyang kaibigan na si Cyrus sa bahay nito ay agad siyang nagbalik sa Construction Company nila.

"Shlt!" murang wika ni Jayden dahil sa naiinis siya sa sarili kanina pa. Hindi siya makapagfocus sa kanyang ginagawa dahil sa paulit-ulit niyang naalala ang mukha ng babaeng nanalamin sa salamin ng kanyang kotse.

Kanina pa siya sa harap ng screen ng laptop niya pero wala siyang nagagawa o natatapos. Napatayo na siya sa kanyang swivel chair upang makapag-isip ng kanyang gagawin para maalis sa isipan niya ang mukha ng babaeng probinsyana.

Paroo't parito, pabalik-balik na ang lakad niya sa loob ng kanyang opisina. Ngunit walang ibang pumapasok sa isipan niya. Nag-aalala siya para sa babaeng probinsyana.

Naalala niya ng pumasok ito sa loob ng club kasama ang dalawang babae at naisip niyang hindi maganda ang kahahantungan ng mga babaeng bagong salta sa siyudad. Pansin pa naman niya na may pagkainosente rin ang babae.

Sa isipan pa naman niya ay baka sapilitan papagsayawin o gawing parausan ng costumer sa club ang babaeng nakita niya. Naiisip pa lang niya iyon ay nakakaramdam na siya ng panibugho sa taong gagawa nun sa babae.

Hindi maintindihan ni Jayden ang sarili kung bakit siya sobrang nag aalala sa babae at kung bakit hindi ito mawala sa kanyang isipan. Samantalang hindi naman niya kilala ang babae at unang beses pa lamang niya na nasilayan ang mukha ng babaeng iyon. Sinubukan na niyang idivert sa iba ang isipan niya pero bumabalik pa rin siya sa pag-aalala para sa babae.

Naalala ni Jayden ang puting panyo na pagmamay-ari ng babae, kaya inilabas niya mula sa bulsa ng kanyang suot na slack pants ang panyo ni Berry at tinitigan niya iyon.

"I think, you really need my help woman, kaya siguro hindi ka mawala-wala sa aking isipan. Sana ay okay ka lang sa mga oras na 'to at sana ay makita kitang muli mamaya Berry," sambit ni Jayden na walang ibang nakaririnig.

Malalim siyang nag-iisip ng gagawin n'ya para mailigtas ang babae sa kapahamakan ng tumunog naman ang kanyang cellphone at agad niyang inaccept ang call ng hindi man lang sinipat sa screen ng phone niya kung sino ang caller.

"Hi Babe, where are you?" tinig ng isang babae na nakilala agad ni Jayden kung sino.

Napangisi si Jayden ng marinig ang boses ni Ishie Mallari na isang International Fashion Model.

Almost five months ng magka-fling sina Jayden at Ishie, na nagsimula sa one night stand after nilang magkakilala sa isang sikat na night bar sa Malate at sa tingin naman nila ay compatible naman silang dalawa, kaya naging exclusively dating sila, hanggang sa naging humored boyfriend na nga siya ng modelo sa social media dahil kilala naman si Ishie bilang fashion model sa magazine at influencer na rin at si Jayden naman ay sikat na car racer.

"Babe, nasa opisina ako, why?" tanong ni Jayden.

"Nothing, just checking on you Babe,"sagot ng babae sa kabilang linya.

"Oh really?! I thought you miss me, kaya ka tumawag," nakangiting turan niya.

Narinig ni Jayden ang mahinang hagikhik ng dalaga.

"You, where are you?" tanong niya pa kay Ishie.

"Mall in North Edsa, buying gift for a friend para sa birthday party niya tomorrow," normal lang na sagot ng babaeng kausap ni Jayden.

"Nasa malapit ka lang pala, gusto mong pumunta rito? I know you miss me, that's why napatawag ka," pag-iimbita ni Jayden kay Ishie, na napapangisi pa.

"Are you sure, you wanna see me? gusto mo ngayon na ba sa opisina mo or kita na lang tayo later sa restaurant na malapit lang sa kumpanya ninyo para magdinner?" sambit na tanong ng babaeng halata naman sa boses na naiexcite na may halong pang-aakit ang pagkakasabi nito ng kataga kay Jayden.

Napailing naman ang lalaki sa sinabi ni Ishie gayong halata naman sa babae na gusto nito ang pag iimbita niya rito. "Busy later, may importanteng lakad kami nila Cyrus," sagot niya kay Ishie kahit wala naman talaga silang lakad na magkakaibigan dahil may plano siya para mamayang gabi.

"Uhmm.. Okay!, sige, darating ako," humahagikhik na saad ni Ishie sa kanya.

"Okay, I'll wait you here, see you, babe!" seryoso naman niyang turan bago ini-off ang phone call.

Saglit na nawala sa isip ni Jayden ang babae sa labas ng club sa kanyang isipan. Ibinalik n'ya sa kanyang bulsa ang puting panyo at pinindot ang button ng intercom na connected sa table ng secretary niya ng mapansin niyang wala na pala siyang bottled water.

"Yes boss?" tanong agad ng secretary niyang si Arianne mula sa intercom.

"Can you please, give me a cup of coffee and bring me some bottled water please, wala na akong stock dito," aning utos niya sa sekretarya.

"Ah okay po, Boss," ani namang saad ni Arianne at mabilis na kumilos matapos makipag usap sa boss niya sa intercom.

Dala ang isang tasang kape at apat na bottled ng mineral water ay pumasok si Arianne sa loob ng opisina ng boss niya.

"Boss, your coffee and water," saad ng secretary kay Jayden na nakatuon na sa ginagawa sa laptop nito.

"Thanks, ilapag mo na lang diyan, Arianne. Nga pala parating si Ishie, padiretsuhin mo na lang pagdating niya," seryosong wika ng lalaki na nakuha na agad ni Arianne ang ibig iparating sa kanya ng boss.

"Okay boss, sige po!" at iniwan na ang boss sa loob ng opisina.

Ilang minuto lang ay dumating na rin si Ishie na napakaganda at napakasopistikada nito sa suot na kulay itim na halter mini dress na hakab na hakab sa makurba nitong katawan. Suot ang wallet sling bag at naka-stiletto na sandals na 3 inches ang taas na lalong nagpatangkad pa sa babae.

Paglapit pa lang ni Ishie sa table ni Arianne ay agad itong binati ng sekretarya ni Jayden na hindi man lang pinagkaabalahan na batiin din o ngitian man lang si Arianne.

Tumayo na ang secretary ni Jayden at kinatok ang pinto ng boss na hindi na rin hinintay pa na sumagot ang boss niya at bahagyang ibinukas ang pintuan ng opisina ni Jayden at naglakad papasok si Ishie na hindi man lang nagpasalamat sa sekretarya ni Jayden.

Naningkit na lang ang mata ni Arianne sa girlfriend ng boss niya ng sa pagpasok ng babae ay ito na mismo ang kusang nagsara na itinaboy pa siya sa pamamagitan ng pag gesture nito ng kamay sa harapan niya at narinig pa niyang inilock ang pintuan ng kanyang boss.

Napailing at nagkibit balikat na lamang si Arianne dahil alam niyang gagawin na naman ng boss niyang motel room ang opisina nito.

Gwapo ang boss niyang CEO ng Gallardo Curtis Construction Company, pero hindi niya type ang isang Jayden Pereira Curtis na mabait nga ay papalit-palit naman ito ng babae.

Alam niyang hindi rin magtatagal ay magsasawa rin ang CEO nila sa Ishie Mallari na iyon at darating din ang babaeng magpapatino sa babaero niyang boss.