KABANATA 36

"Kinausap ako," mahinahong sagot ko. Hindi ko na kailangan sabihin sa kanya ang pinagusapan namin. Basta alam niyang kinausap ako ni Ivan, yun na yun.

"Anong gagawin mo ngayon sa kanya?" balik niyang tanong sa akin. Tinanong ko siya ng ganito kanina, ngayon ako naman ang tinanong niya.

"Iiwasan ko rin siya," sagot ko. Pero habang sinabi ko ito sa kanya parang mahihirapan ako lalo na't sunod ng sunod si Ivan sa akin.

"Anong ngiti na yan?" tanong niya. "Kung gusto mong makausap siya, edi kausapin mo. Wag mo akong gayahin, hindi purket iiwas ako, iiwas ka rin."

Umiling ako sa kanya at iniwas nalang ang usapan doon. Ngayon naalala ko si kuya, sasabihin ko sa kanya ang napagusapan namin. Hindi naman ito bago sa akin.

"Nagkasagutan kami ni kuya kanina," malungkot kong sabi. Kahit minsan naramdaman kong controlado ako ni kuya, nalulungkot pa rin ako sa huling pinagusapan namin.

"Anong nangyari?" nag-alala niyang tanong. Hindi talaga kami umabot ni kuya sa ganito, ngayon lang. Siguro nagsasaw