CHAPTER 67

ADRIAN KYLE...

"Ano pa ang hinihintay mo d'yan Adrian? Nasa sayo ang bone marrow pero parang gusto mo na lang dumikit ng dumikit d'yan kay Nalie," sita sa kan'ya ni Peter.

Nakita n'ya kung paano ito pandilatan ni Nalie ngunit katulad kanina ay inirapan lamang nito ang kaibigan. Napailing na lamang s'ya dahil sa ugali ni Peter ngayon. May pagka bugnutin din ito minsan at parang si Henry din ang ugali na sala sa lamig, sala sa init.

Hindi n'ya pa naitanong kay Nalie kung gaano ka close o katagal na ang pagkakaibigan ng dalawa ngunit sa nakikita n'ya sa mga ito ay mukhang matagal ng magkakilala ang kasintahan at ang kan'yang pinsan.

At dahil doon ay nakaramdam s'ya ng kaunting selos dahil sa matagal na pinagsamahan ng mga ito.

"Adrian, hello? Nagbibingi-bingihan?" si Peter sa kan'ya. Matalim n'ya itong tinapunan ng tingin ngunit binalewala lamang ng binata at ginantihan din s'ya ng isang matalim na tingin.

Hindi n'ya na lamang pinatulan ang loko-lokong pinsan at hinarap na lamang si Nal