CHAPTER 66

ADRIAN KYLE...

Nakaupo s'ya sa loob ng chapel habang nakatingin ng mariin sa altar kung saan may imahe ng holy family kung saan si Joseph, Mary at baby Jesus ang naroon.

Ngayon ang araw ng operasyon ni Alonso at bago gagawin ang operasyon ng bata ay naisipan n'yang pumasok sa chapel ng naturang hospital.

Hindi s'ya madasaling tao ngunit sa oras na ito ay hindi n'ya napigilan ang dumaan sa chapel para magdasal. Hiniling n'ya sa taas na sana ay magiging successful lang ang gagawing bone marrow transplant kay Alonso.

Mahigit na s'ya isang oras sa chapel habang hinihiling n'ya ang kaligtasan ng kan'yang anak. Yes! Anak n'ya na si Alonso at ang pakiramdam ng isang ama ay nararamdaman n'ya na simula ng una nilang pagkikita ni Alonso.

May ngiti na unti-unting sumilay sa kan'yang labi habang nakatingin sa larawan ng holy family sa harap.

Naiimagine n'ya ang pamilya nilang tatlo ni Nalie. Excited na s'yang ipaalam kay Nalie ang tungkol kay Alonso. Alam n'ya na maintindihan s'ya ni Nalie sa kan