BILLIONAIRE'S SPECIAL MENU C9

COURTNEY ANNIKA...

Pabagsak s'yang naupo sa kan'yang upoan ng mawala sa kan'yang harapan si Bambie at Niana. Hindi talaga s'ya tinantanan ng dalawa hangga't hindi n'ya sinasabi sa mga ito kung sino ang nagpadala sa kan'ya ng mga bulaklak.

At wala s'yang nagawa kundi ang umamin sa mga ito na si Chuck ang nagpadala ng mga bulaklak sa kan'ya. Para namang hihimatayin sa kilig ang dalawa ng kumpirmahin n'ya na tama ang hinala ni Niana sa tao na s'yang nagbigay ng mga bulaklak sa kan'ya.

At s'ya din ay hindi pa rin maka move on sa ginawa ni Chuck sa kan'ya. Ito ang kauna-unahang pagkakataon na nakatanggap s'ya ng mga bulaklak mula sa isang lalaki at inaamin n'ya na kinilig s'ya sa ginawa ng binata. Hindi n'ya alam kung ano ang trip nito sa buhay at sa kan'ya. Ngunit kahit ganon ay pinasaya s'ya ng binata sa mga simpling bagay na ginagawa nito.

Hindi n'ya sinagot ang message nito kanina dahil nahihiya s'ya sa dalawang marites na panay ang tukso sa kan'ya. Kaya naman ngayon na wala na ang dal