BILLIONAIRE'S SPECIAL MENU C25

MELCU CHUCK...

Lihim na nagtagis ang kan'yang bagang habang nakatingin sa luhaang mukha ni Courtney. Ramdam n'ya ang sakit at pighati na nararamdaman ng asawa at hindi n'ya mapigilan ang maikuyom ang kan'yang kamao dahil sa galit sa pamilya nito.

Galit s'ya sa ama nito na itinuring si Courtney na parang hindi anak. Dinaig pa ng asawa n'ya ang isang alipin kung tratuhin ng pamilya nito. At habang pinapahid ang luha ng asawa ay lihim n'yang nasabi sa kan'yang sarili na hinding-hindi na iiyak ulit si Courtney.

Na hindi n'ya na hahayaan pa ulit na saktan ng kahit sino ang kan'yang asawa. Dadaan muna ang magbabalak na saktan si Courtney sa ibabaw ng kan'yang bangkay bago magawa ng mga ito ang binabalak.

"C-Chuck," nagising lang s'ya ng marinig ang pagtawag ng asawa sa kan'yang pangalan. Sinalubong n'ya ang mga mata nito at mababanaag ang pag-aalala sa mga mata ng babae.

Alam n'ya kung bakit! Nag-aalala ito na baka magalit s'ya dito sa kan'yang mga nalaman. Oo nga at galit s'ya ngunit hind