BILLIONAIRE'S SPECIAL MENU C136

COURTNEY ANNIKA...

Kanina n'ya pa hindi nakikita si Chuck at hindi n'ya alam kung nasaan ito. Kanina pa s'ya hanap ng hanap sa asawa ngunit wala talaga ito sa buong bahay. Wala naman itong sinabi sa kan'ya at ngayon lang din nangyari na nawala ito o hindi n'ya nakita pagkagising n'ya.

Madalas kasi ay ang gwapong mukha ni Chuck ang nabubungaran n'ya pagdilat ng kan'yang mga mata sa umaga ngunit ngayong araw ay kakaiba dahil kanina pa s'ya gising at magtatanghali na ngunit walang Chuck ang nagpakita sa kan'ya.

Nagpakawala s'ya ng hangin bago tumayo sa pagkakaupo sa kama. Kung ayaw ni Chuck na magpakita sa kan'ya ay s'ya na lang ang bababa para hanapin ito. Nakakatawa man ngunit hinahanap-hanap n'ya na sa lahat ng oras ang presensya ni Chuck. At kapag hindi n'ya agad ito makita, pakiramdam n'ya ay nanghihina s'ya at hindi makagalaw ng maayos. Parang may kulang at hindi buo ang kan'yang araw kapag wala ang presensya ni Chuck.

Pababa s'ya ng hagdan ng makasalubong n'ya ang kan'yang kap