BILLIONAIRE'S BEAUTIFUL TROUBLE-MAKER 10

AARON ISAAC...

Nakatulogan n'ya na lang ang inis kagabi sa mga pinagagawa ng katulong n'ya. Dumagdag pa si Tres at Pungkol na hindi n'ya alam kung bakit lasing ang mga ito na umuwi sa bahay n'ya.

Iminulat n'ya ang mga mata ngunit isa lang ang nakakakita ng maayos.

Ang isa ay malabo at alam n'ya kung bakit. Paniguradong namamaga ito dahil sa suntok na natanggap mula sa babae kahapon.

"Fvck!" mariing mura n'ya habang bumabangon sa kama. Dumiretso s'ya sa banyo at humarap sa salamin.

At isang mura na naman ang lumabas sa kan'yang bibig nang makita ang kan'yang mata na parang mata ng panda na may pabilog na itim.

"Damn it!" kuyom ang mga kamao at igting ang mga panga na sabi n'ya. Naghanap s'ya ng cream na pwedeng ipahid sa namamagang mga mata.

"Sir nand'yan po ba kayo?" natigil ang paghahanap n'ya nang marinig ang boses ng kan'yang katulong. Lumapit s'ya sa pintoan at marahas na binuksan iyon.

"What do you want?" singhal n'ya rito ngunit napaawang ang labi nito at nanlaki ang mga mata.