Chapter 25

UMUPO ako sa sun lounger at tiningnan ang bata sa tabi ni Elisia, iyong asawa ni Lance. Maputi ang bata, halatang mana sa ina. Ang pisngi nito ay pulang-pula. Hanggang balikat ang kulot-kulot nitong buhok.

"Hi!" bati ni Elisia nang napansin ako.

"Hello! Ang cute naman ng baby mo! Anong pangalan?"

"Ross!" Ginalaw ni Elisiaa ang kamay ni Ross. "Say 'hi' to tita? Kaibigan ka ni Damon?" Bumaling siya sa akin.

"Uhmmm." Umiling ako. "I'm Gwen..."

Tinanggap ni Elisia ang nakalahad kong kamay. Nanliit ang mga mata niya. Para bang narinig niya na ang pangalan ko o nakilala niya na ako kung saan. I saw here noong exhibit but I never really had a formal conversation with her.

"Kung ganoon ay kaibigan ka ni Avon?" tanong niya.

Umiling din ako. "I'm with Lance's cousin. Si André Roble Coleman..." sabi ko, unsure if I should say that.

"Oh!" Tumango siya at ngumisi. "He's here?"

Ngumisi ulit ako at tumingin sa batang may mapupulang labi. Manang mana ito kay Lance, ang namana nito kay Elisia ay ang p