Chapter 33.1

SA LITANYANG IYON ng dalaga ay kapwa natigilan si Rohi at Warren na parang parehong nakarinig ng bagay na nagpagulatantang sa kanilang dalawa. Para kay Rohi, bago iyon sa kanyang pandinig. Ito ang unang pagkakataon na nagawa siyang tawagin ng dalaga sa mismong harapan ni Warren. Ni hindi kababakasan ng takot ang mukha. Para naman kay Warren, pakiramdam niya ay tinamaan siya ng kidlat sa harap-harapang ginawa ng kanyang kaibigan. Isang kalapastanganan iyon sa kanya.

Talagang tinawag ni Viana si Rohi sa pangalan upang kunin ang atensyon niya?

Kailan pa sila naging magkaibigan at nag-uusap nang ganito?

Ni hindi niya inaasahang may contact pa rin silang dalawa hanggang ngayon. Isa pa, alam ni Daviana kung ano sa buhay niya si Rohi. Mortal na kaaway niya ito simula ng mga bata pa lang sila. Kung kaya naman hindi niya maintindihan kung bakit ginagawa iyon sa kanya ng dalaga. Naghihiganti ba ito sa kanyang mga kasalanang nagawa?

“Viana…”

Hindi siya pinansin ni Daviana na dire-diretso n