Kabanata 0546

BOOK 2

AFTER MARRIAGE: HER HUSBAND BECOMES CRUEL

Oliver Gadaza and Alia Nyla Hermosa Story

BLURB

Malapit na sa salitang halos perpekto ang relasyon nina Alia Nyla Hermosa at Oliver Gadaza na nagsimula sa hindi nila inaasahang panahon at tumagal ng apat na taon, ngunit nagbago ang lahat ng ipakilala ng dalaga ang nobyo sa kanyang kapatid na si Normandy Hermosa. Lingid sa kanyang kaalaman ay mortal na kaaway pala ng kapatid niya ang nobyo at may masama itong nagawa noon sa kanya. Nang inaya si Alia na magpakasal ni Oliver ng secret wedding ay hindi nagdalawang isip doon ang dalaga. Ganun kasi ang ginawa ng kapatid ni Oliver na naging asawa ng kanyang amo kung kaya ni katiting ay hindi siya naghinala na may masamang plano sa kanya ang nobyo. Subalit, ilang buwan pagkatapos ng kanilang kasal ay hinimok siya nitong mag-resign na sa kanyang trabaho. Noong una ay ayaw niya itong pagbigyan, ngunit nang dramahan siya nitong para iyon sa binubuo nilang pamilya; walang nagawa si Alia kung hindi ang tuparin ang hiling ng kanyang asawa. Ang hindi niya alam, doon niya lubusan itong makikilala. Doon niya makikita ang tunay na pagkatao ng lalaking kanyang minahal at pinakasalan na kung kailan nakatali na sila sa bawat isa ay saka pa niya nakita ang tunay na kulay at hangarin kung bakit siya nito ginawang asawa. Hindi iyon nang dahil sa pagmamahal at pangarap na bumuo ng sariling pamilya, dahil pala iyon sa paghihiganti sa kanyang kapatid.

Mabago pa kaya ni Alia ang lalaking sobrang minahal at maibalik ito sa dati?

Hanggang saan kaya dadalhin ng nakatanim na galit niya sa puso si Oliver?