LOVE OR DECEPTION

CHAPTER 3: The Cheater's and her Lover's

JOAQUIN JEREMY DAWSON ALQUIZA

"I love you.. Honey! I love you.. Lizzy! Lizcel Borromeo! Mahal kita!hahaha.." Malakas niyang sigaw ng dahil sa katuwaan na sinabayan pa niya ng paghalik sa nobya.

Masayang-masaya siya ng gabing iyon.

"Hey! Ano ka ba Joaquin tumigil ka nga! Ang corny mo! Bawiin ko na lang kaya!hihihi" Pabirong saad pa ni Liscel.

"Ano ka wala ng bawian 'yon ha!" Niyakap niya ito ulit ng mahigpit at hinalikan sa noo.

"Oh! Sige na shower lang muna ako." Biglang iwas naman ng dalaga na hindi nagpahalata

"Baka hindi ako dito matulog ngayon, uuwi ako sa bahay." Saad ulit ni Liscel na tila ba may pagmamadali, na para bang walang naganap kanina lang..

"Ha! Bakit, akala ko pa naman dito ka na matutulog gabi na ah?! Ngayon lang tayo nagkita ulit iiwan mo na ako agad?!" Saad ni Joaquin, nasa tono rin nito ang lungkot dahil sa sinabi ng nobya.

"Hey! Honey h'wag ka nang malungkot, namiss kasi kita kaya ako narito ngayon. Pero alam mo naman na may trabaho pa ako, madaling araw ang alis namin bukas. Kaya kailangan kong magready, nasa bahay pa 'yong mga gamit ko. Besides nakapag-usap naman na tayo tungkol sa wedding, okay na 'yun. Ako na bahalang magsabi kay Daddy at ikaw naman ang humanap ng Wedding Organizer para mag-asikaso ng kasal natin, okay lang ba 'yon? Promise a week before our wedding pahinga na ako, Okay?" Tila ba napaka-simple lang na pahayag ni Liscel sa kanya.

"Ah! Bakit ba lagi na lang niyang inuuna ang career niya? Kung minsan nakakainis na!" Bulong ng isip ni Joaquin ngunit hindi naman niya maisatinig at hindi rin niya magawang magreklamo. Natatakot kasi siyang bawiin pa nito ang pagpayag na magpakasal sa kanya at baka mag-away pa sila.

"Hon! Sige na please!" Pakiusap pa ni Liscel, niyakap nito si Joaquin at naupo pa sa kandungan nito. Habang nakaupo naman si Joaquin sa gilid ng kama.

Nakasuot na ito ng roba at handa na rin sanang maligo.

Alam ni Liscel na ito ang kahinaan ni Joaquin kapag naglalambing na siya. Sigurado siyang mahal siya ng nobyo at hindi rin matatangihan.

Pagganito na si Liscel nalulusaw na ang inis ni Joaquin sa nobya.

"Sige na nga, maligo kana!" Saglit na huminga muna siya ng malalim at muling nagpatuloy. "Para maihatid na rin kita sa inyo." Hindi na rin nito natiis si Liscel.

"Nope! Huwag na, kaya ko namang magdrive, magpahinga ka na lang kagagaling mo lang sa b'yahe, kaya matulog kana alam kong pagod ka. Huwag kang mag-aalala, tatawag naman ako kapag nasa bahay na ako, okay?" Hindi na rin siya tumutol sabagay medyo malapit naman ang Makati sa San Juan.

"Sige na, bahala ka na nga!" He sighed again.

"Hon! Galit ka ba?" Tanong ni Liscel habang pinagmamasdan siya nito.

"Hindi ako galit sige na maligo ka na!"

"Sure ka Hon? I love you!" Saad ni Liscel at ngumiti ng ubod ng tamis. Kaya naman tuluyan ng nalusaw ang ano mang tampo ni Jaquin sa nobya.

"Sige na, ligo na! O sabay na lang kaya tayo?" Pabiro pa itong pinalo ni Joaquin sa puwit, kaya patakbo itong pumasok ng banyo habang tumatawa. Nagpanggap itong hindi narinig ang huling sinabi niya.

Habang sa isip ni Joaquin.. Ang ganda talaga ng fiancee ko, hindi kataka taka na isa siyang modelo. Mataas si Liscel at balingkinitan ang katawan morena, magandang magdala ng damit at maayos sa sarili. Baka nga manalo pa ito kung sasali sa Miss Universe. Proud na bulong pa niya sa sarili.

Pagkatapos maligo ni Liscel agad na rin itong nagpaalam para umalis. Hinatid lang niya ito sa elevator, hindi na ito nagpahatid pa sa kanya sa ibaba, mas kailangan daw kasi niya ang pahinga.

May kakaiba man siyang nararamdaman ngunit hindi niya ito binigyan ng pansin. Pagkahatid niya kay Liscel, agad na rin siyang bumalik sa kanyang kwarto at naligo.

Pagkatapos humiga na rin siya sa kama upang magpahinga. Dahil hindi pa naman siya nakakaramdam ng antok kaya habang nakahiga mataman siyang nag-isip.

Panahon na siguro para isipin niya ang sarili, sa idad niya ngayong bente tres.

Marami na rin siyang na-achieved, at the age of twenty one, he was graduated with flying colors a cum lau'de. Aside from that, he was a top 3 in board exam. Sino ba ang tatanggi sa kanyang magpakasal?

Siya si Joaquin Jeremy Alquiza, isa siyang Account Executive hindi lang dito sa Pilipinas maging sa ibang bansa. Siya rin ang nagme-maintain ng Family Business nila sa loob at labas ng bansa. Bilang isang Hotelier ang Hotel and restaurant nila sa Italy at Hotel and resort sa Australia ay kabilang sa mga priorities niya.

Bukod pa sa nakatakda niyang manahin sa kanyang abwelo, marami pa siyang assets para hindi siya maghirap sa buhay maging ang kanyang magiging pamilya.

Dalawa lang silang magkapatid, ang kanyang kuya Joseph na isa nang Architect. Nagtratrabaho ito sa isang constraction firm, na pag-aari ng kaniyang Tito Andrew na asawa ng kapatid ng kanyang Papa. Bilang representative ng share ng kanilang Ama sa kompanya nito.

Ang kanilang ama na si Liandro Alquiza ang tumatayong ama at ina sa kanilang magkapatid. Simula pa noong siya ay 3 taong gulang pa lamang. Sabay kasing namatay sa isang aksidente ang kanyang Mama at Ate Angel. Ayon na rin sa kwento ng kanyang Papa, tumaob ang bangkang sinasakyan nila noon, nang minsang ipasyal sila ng kanyang Mama sa laot.

Madalas daw ipasyal sila ng kanilang ina sa dagat, ngunit noong araw na iyon isang trahedya ang nangyari. Huli na ng maabutan sila ng kanyang ama, nakita na lang nito na mag-isa na lang siya sa bangka.

Basang-basa siya at umiiyak, tinatawag niya ang ina at kapatid. Hinanap ng ama nila ang asawa at panganay na anak, pero patay na ng matagpuan ang mga ito sa dagat.

Base sa teyorya ng kanyang ama nailigtas siya ng Ina ngunit hindi ang panganay na anak na babae at marahil magkasama ang mga itong tinangay ng dagat.

Mahabang panahon din, bago naka-recover si Joaquin. Madalas siyang dinadalaw ng masamang panaginip, nagigising na umiiyak. Hanggang sa kalaunan unti-unti rin namang nalagpasan niya ang lahat.

------------

Nasa parking lot na si Liscel sa ibaba ng Condo, nang isang lalaki ang sumalubong dito. Bigla siya nitong hinawakan sa braso at hinila papasok sa isang sasakyan.

Nagulat si Liscel sa umpisa, subalit nang makilala na nito ang lalaki ay agad rin ngumiti....

"Bakit ang tagal mo bumaba, nasarapan ka na ba sa kandungan ng lalaking 'yon? Kaya nakalimutan mo na ako, kanina pa ako dito ah!" Sa tono nitong nagtitimpi ng galit.

"Ano ka ba naman Warren, nagseselos ka ba? Alam mo namang hindi ganu'n kadaling lusutan si Joaquin, buti nga hindi siya nakahalata!" Sagot ni Liscel sa kausap na lalaki.

"Kailan mo ba talaga balak hiwalayan ang gagong 'yon?" Muling tanong nito bago kinalma ang sarili...

"Alam mo namang hindi pa p'wede ngayon, para din naman sa atin ito. Lagot ako kay Daddy kapag ngayon ako nakipaghiwalay, lalo na at may balak si Daddy na pumasok sa pulitika. Malaki kasi ang maitutulong ni Tito Liandro sa kanya." Paliwanag ni Liscel dito.

"At ako walang maitutulong, kaya isasantabi mo na lang ako ganu'n ba?" Sagot naman nito.

"Ano ka ba? Hindi ngayon ang oras para mag-inarte ka. Alam mo naman na ikaw ang mahal ko, kaya p'wede ba huwag ka munang makisabay ngayon." Pakiusap ni Liscel at kasunod nito... "Pumayag na nga pala akong magpakasal sa kanya." Malinaw nitong saad.

"What? So tapos na tayo ganu'n?" Iritableng tanong pa nito.

"Pwede bang pakinggan mo muna ako, alam mong magpapakasal lang naman ako sa kanya para sa kapakanan namin ni Daddy. Pwede namang magfile ng annulment, ako na ang bahala doon. Kapag nakuha na ni Daddy ang gusto niya, hindi na 'yon tututol kahit hiwalayan ko si Joaquin. Saka malaki rin ang nagagawa niya sa modeling career ko. Alam mo namang siya ang sumusuporta sa akin sa mga gastusin ko." Sabi pa ni Liscel.

"Ano nga ba ang magagawa ko. Eh' hindi naman ako kasing yaman ng gagong 'yon!" Sagot nito na puno ng insikyuridad.

"Sweetheart! Hayaan mo na lang muna ako okay? Promise, pagkatapos naman ng lahat ng ito magsasama na rin tayo at hindi na maghihiwalay okay?" Dagdag na paliwanag ni Liscel sa lalaki. Saglit naman itong humugot ng paghinga at saka sinimulan na ring paandarin ang sasakyan. Makalipas lang ang ilang sandali, nakarating na pala sila sa bahay nila sa San Juan.

"Please!" Muling sinuyo ni Liscel ang lalaki, habang bumababa sila ng sasakyan.

"Sige na, pumasok na tayo sa loob ng bahay n'yo. Sandali nga pala, sigurado ka bang hindi uuwi ang parent's mo ngayon?" Tanong nito.

"Hindi! Next week pa ang balik nila dito, one week sila sa Cebu kaya libre tayo manatili dito for a week." Malambing na saad ni Liscel habang panay ang baba at taas ng kamay nito sa braso ng lalaki.

"Paano si Joaquin?" Kunwari namang hindi ito apektado kahit na kanina pa rin ito nasasabik sa babaing kalaguyo.

"Ako na ang bahala doon, huwag kang mag-alala, head over hills naman 'yon sa akin kaya hindi 'yun makakahalata. Saka tuwang tuwa siya nang pumayag na ako sa kasal. Kaya kahit anong sabihin ko doon, tiyak na makikinig iyon sa akin." Kampanteng saad ng dalaga.

"Sabagay tatanga-tanga naman talaga 'yon at sa sobrang pagmamahal yata sayo. Nakalimutang matalino siya!hahaha." Tuso itong tumawa.

Pagpasok nila ng bahay. Agad bumungad sa kanila si manang Fe' nabigla man sa nakita wala naman itong magagawa.

"Halika na, doon na tayo sa room mo." Agad na bulong ni Warren. Habang panay naman ang kagat nito sa punong tainga ng dalaga. Wala rin itong pakialam sa presenya ng matandang kasambahay.

"Sandali lang Manang nagugutom pala ako, dalhan n'yo kami ng snack sa itaas bilisan n'yo ha?" Walang pasintabi na utos naman ni Liscel sa matanda.

"Opo Mam!" Maikling sagot nito, nakatingin lang ito sa dalawa. Hindi na kasi bago sa matanda ang pangitaing ito. Dahil matagal na itong ginagawa ng amo.

"Ayaw mo bang ako na lang ang kainin mo?" Saad pa ng binata habang nakapulupot ang mga braso sa beywang ng babae.

"Sira!hihihi" Humagikgik na tila ba kinikiliti naman ang dalaga.

Parehong walang pakialam kahit sino pa ang makakita sa mga ito.

Pumanhik na rin agad ang dalawa, na sinundan ng lihim na pag-ismid ng matanda ng tumalikod na ang mga ito. Napapailing na lang ang matandang kasambahay, kilala din kasi nito si Joaquin at nakakaramdam ito ng awa para sa totoong nobyo ng Amo. Subalit wala siyang magawa, kabisado niya ang ugali ng mga amo lalo na si Liscel.

---------------

Nakahanda na sanang matulog si Joaquin ng may mapansin siya sa kabilang side ng kama, nang pulutin na niya ito. Isa pa lang pocket organizer, saglit na binuklat-buklat pa niya ito upang malaman kung sino ba ang nagmamay-ari ng Organizer?

Iniisip na niyang kay Liscel ito gusto lang niyang makumpirma. Dito nakalagay ang schedule ng mga photoshoot ng dalaga dito sa Pilipinas. Naisip rin niya na maaaring mahalaga itong organizer.

Ngunit may napansin siyang kakaiba "Teka, wala naman siyang schedule para bukas ah', bakit siya nagsinungaling sa akin?" Pabulong na tanong niya sa sarili.

Nagtataka man hindi na lang niya ito binigyang pansin. Baka naman nabago? Para kasing may kausap ito sa phone kanina, nang saglit siyang magpunta ng banyo. Narinig pa nga niyang agad itong nagpaalam sa kausap ng palabas na siya, hindi na lang niya ito pinagtuunan ng pansin. May tiwala naman siya kay Liscel alam niyang hindi siya nito magagawang lokohin.

Saglit siyang nag-isip, hanggang sa huli nagpasya siyang kunin na ang susi ng kotse at umalis. Naisip niyang dalhin na lang itong organizer sa bahay nila Liscel, tutal maaga pa naman.

_______

BORROMEO'S RESIDENT

"Magandang gabi po! Manang Fe' si Liscel po tulog na ba?" Magalang na pagbati ni Joaquin sa matandang babae ng pagbuksan siya nito ng pinto.

Kabisado na ni Joaquin na si manang Fe ang palaging nagbubukas ng pinto. Kaya naman palagi siyang may nakalaang masayang ngiti para sa matanda.

"S-sir! Kayo po pala, a-ano po ang ginagawa n'yo dito? H-hindi kayo dapat naparito" Sunod sunod at tila nalilitong saad ni manang Fe.

Nakapagtataka?

Hindi man niya maintindihan pero parang may napansin siyang kakaiba sa kilos ng matanda. Para kasing hindi ito mapakali ng mga oras na iyon at napansin rin niyang panay ang tingin nito sa likuran.

Bahagya lang nitong ibinukas ang sliding door at tila humarang pa ito sa kanyang daraanan.

Kaya ng malingat ito tuloy- tuloy na siyang pumasok.

Subalit...

____

"Nakuh! Huwag sandali lang anak!" Paghabol nito sa kanya at sinubukan pa siya nitong pigilan sa kanyang braso. Kaya't muli siyang napalingon na puno ng pagtataka!

A-ano bang problema nito?

*****T. Y.

By: LadyGem25

06-29-22