79

“Bumaba na ang lagnat niya, Ma’am.”

Mula sa paghahalo ng gatas sa baso ay napalingon si Ashley sa pintuan. Naroroon si Aling Choleng, nakataas sa kamay nito ang hawak na thermometer. Tinawagan niya ito kanina. Wala naman siyang ibang maisip na lapitan maliban dito. She didn’t know what to do. Wala siyang firsthand experience sa pag-aalaga ng bata lalo na at may sakit pa. Bahagya niya itong tinanguan at ibinalik ang pansin sa ginagawa. Para kasing hindi niya matagalan ang pagtitig sa mga mata nito. She always had that feeling that people are judging her. Or maybe, paranoid siyang masyado. Narinig niya ang mga hakbang ni Aling Choleng. Tumabi ito sa kanya, nanahimik. May gusto itong sabihin, nagdalawang-isip lang.

“May sasabihin po kayo,” siya na ang nag-ungkat. Itinabi niya ang baso ng gatas at ang mansanas naman ang hinugasan sa ilalim ng gripo.

“Hindi siya maaaring maging pamalit sa nawala sa’yo.”

It rendered her speechless. Pansamantala siyang napahinto sa ginagawa. Wala naman si