Chapter 63

Matapos pakainin ang anak ay nakiusap muna si Sunday kay Jennie na bantayan si Lexi. Hindi nila nakasabay sa pagkain si Matteo at hindi pa niya ito nakikita simula kaninang pumasok s'ya dito sa resthouse.

Lumabas s'ya para hanapin ito. Nagtungo s'ya sa dalampasigan at tumingin sa paligid. At sa kanan niya'y nakita niya ito. Sa harap nito'y kahoy na sinisigaan.

Habang pinapanood niya ito ay ramdam niya ang malungkot nitong presensya. At kahit s'ya ay nadadala sa ipinapakita nitong emosyon.

Napabuntong-hininga s'ya at lakas loob na lumapit sa lalaki. Walang imik s'yang umupo sa tabi nito. Tumingin naman ito sa kaniya.

"It's cold here," ani nito.

Gustuhin man niyang magalit at sigawan ito dahil sa ginawa nito ay hindi niya magawa.

"Payag na ako," sabi niyang hindi tumitingin sa lalaki. Nakita naman niya sa gilid ng kaniyang mata na lumingon ito sa kaniya. "S-Sige. P-Payag na akong k-kunin mo si L-Lexi," garalgal ang boses niyang sabi pero