Chapter 47

Bago tuluyang umalis sina Callix at Isabel sa beach resort na 'yon ay pinasalamatan muna nila ang may-ari nito at ang mga staffs sa serbisyo nito sa kanilang dalawa sa loob ng isang linggo. Ang anak ng may-ari ang nandoon kaya ito ang pinasalamatan nila. Masayang-masaya rin ang mga ito nang pasalamatan nila. Umaasa ang mga ito na muli silang magbabalik na magkasama muli.

Habang nasa himpapawid sila pabalik nang Maynila ay nakatulog si Isabel. Ginising lang siya ng boyfriend niya na si Callix nang malapit na sila lumapag sa airport. Hindi naman nila kailangan na buhatin ang mga dala nilang maleta dahil may nagbubuhat nito. Pagkalabas na pagkalabas nila sa airport ay kaagad naman na sumakay sila sa sasakyan na naghihintay sa kanila sa labas.

Wala pa ngang ten minutes ay tumunog ang cell phone ni Callix. Alam na niya kung sino ang posibleng tumatawag sa kanya at walang iba kundi ang Tita Daisy niya. Hindi nga siya nagkamali dahil pagkakuha niya ng cell phone niya sa bulsa ng pants niya