Kabanata 95: Joy's revenge

Jade's POV

Linggo ng umaga, walang pasok ang asawa niyang si Ricks kaya naman abala silang mag-asawa sa munting garden nila. Nagdidilig siya ng halaman habang ito naman ay inaayos ang mga halamang nakasabit sa labas ng gate nila.

Napahinto sa ginagawa si Jade nang may makita siyang isang lalaking naka-helmet na huminto sa tapat ng gate nila at kinawayan ang asawa niyang si Ricks at saka may inabot dito.

Hindi sana papansinin ni Jade ang lalaki dahil naisip niyang baka delivery man lang ito at nag-recieved lang ng parcel ang asawa niya pero ganoon na lamang ang panlalaki ng mga mata niya nang makita niyang nagtanggal ito ng helmet at lumingon sa gawi niya dahilan kung bakit muntik na siyang mabuwal sa kinatatayuan, mabuti na lang at nakahawak kaagad siya sa pader ng bahay nila.

Si Ramon kasi ang nakita niya! Isa sa mga dating tauhan na binayaran niya para ipapatay ang ex-girlfriend ng asawa niya! Biglang dinagundong ng matinding kaba ang dibdib ni Jade dahil bakit ngayon lang ito nagp