Chapter: 9 - DeceptionChapter 9ISANG masalimuot na linggo na naman ang mabagal na lumipas. Walang ginawa si Jovy kung hindi magkulong lang sa kuwarto. May mga inspirational books na binigay si Rosela sa kaniya, nagbabasa siya para maibsan ang pagkabagot. Si Rodjak ay masigasig at masugid sa ginagawa nitong panunuyo sa kaniya. Balewala sa lalaki kahit hindi niya ito pinapansin at madalas nagtutulug-tulugan siya tuwing pumapasok ito roon sa kuwarto niya. Narinig niya ang mababaw na katok mula sa pinto. Tiniklop niya ang aklat na binabasa at tumingin doon. Hindi naman kumakatok si Rodjak kapag pumapasok doon. Baka isa sa mga kasambahay. Tumayo siya para pagbuksan ang sinumang nasa labas pero nahawi ang pinto at kasunod na sumilip ang foodcart, tulak-tulak ng congressman. "Hindi pa ako nagugutom," masungit niyang sabi at naglakad patungo sa kama. "Hinatid ko na sakali magutom ka mamaya, may meeting ako sa doctor ko at baka matagalan kami." Itinuloy pa rin nito ang food cart sa coffee table na nasa sulok.
Last Updated: 2025-04-21
Chapter: 8 - misplacedChapter 8 ST. ELIZABETH Village. Bumaba ng sasakyan si Jovy mga ilang metro ang layo mula sa bahay nila. Naglakad na lang siya habang mabagal na bumubuntot sa kaniya si Rodjak at ang mga bodyguards nito sakay ng dalawang SUV. Tahimik ang bahay nang pumasok siya ng gate. Gusto lang niyang pumuslit doon at kumuha ng isang photo album para may masilip siya tuwing namimiss niya ang kaniyang mag-aama. Maglilinis na rin siya saglit at maglalaba. Siguradong tambak na ang labahin dahil abala sa trabaho at sa hospital si Kris. Hindi rin sila sanay dati pa na umasa sa pamilya nito. Nahinto siya nang may naamoy na parang may nasusunog. Natilihan siya nang makita ang pagbulusok ng usok pataas sa papawirin. Nagmula iyon sa likod-bahay. Taranta siyang tumakbo papunta roon. Baka ang tambakan ng wood scraps ang nasusunog. Awang ang mga bibig na nag-ugat siya sa lupa nang madatnan doon ang biyenan niya at isang babaeng nakatalikod sa kaniyang gawi pero pamilyar sa kaniya ang hubog ng katawan. Sa
Last Updated: 2025-04-20
Chapter: 7 - CompromiseChapter 7BINUKSAN ni Jovy ang walk-in cabinet at kinagat ang ibabang labi nang tumama ang mga mata niya sa mga mamahaling gamit sa loob. Kasing-laki ng kuwarto niya ang area na iyon. Laman ang signature dresses na naka-patent mismo sa gumawa, designer bags, footwears, mga alahas at ibang fashion items. Lahat nang mayroon sa kuwartong iyon ay ginto-ginto ang halaga. Ipinaramdam sa kaniya kung ganoon kayaman ang nagmamay-ari ng mansion. Kahit kurtina at simpleng place mat sa coffee table ay pwede yatang mai-sangla dahil sa nakalululang presyo. Pumasada ang mga mata niya sa mga bestidang nakahilera sa gawing kanan at nakasabit sa stand. Pumili siya ng dark green dress, kimono style at may flutter sleeves. Hanggang sa ibaba ng tuhod niya ang haba at malambot ang tela. Kinuha niya iyon mula sa hanger at binalingan ang shoes. Dinampot niya sa rack ang puting high heel, lace up knot at hindi ganoon kahaba ang takong, mga 1¹/² inch lang siguro. Binitbit niya ang mga iyon palabas. Nahinto
Last Updated: 2025-04-19
Chapter: 6 - AccusationDISPERATE, bumalik ng hospital si Kris. Sa unang pagkakataon sa buhay niya iginupo siya ng pagkatalo at pagod. Nangmamanhid ang puso niya pero bakit walang tigil ang hagupit ng kirot? Para bang gusto na lang niyang tumigil sa paghinga, kung pwede lang. Kahit ilang minuto lang. Isasara muna niya ang utak at kalimutan ang mundo, kalimutang buhay siya. Ang daming plano na tumatakbo sa isip niya pero nangangamba siyang gawin. Baka magkamali siya at lalo lang malagay sa alanganin si Jovy. Para itong babasaging bagay na kunti pa ay tuluyan nang madudurog at baka hindi na niya mahawakan. Kaya wala siyang nagawa kanina kundi ang umalis na lang muna. Hindi niya pwedeng ipilit ang gusto niya dahil hindi nagtatagpo ang katwiran nilang dalawa. "Nasaan ang asawa mo? Kanina pa kita tinatanong?" makulit na utas ng kaniyang ina. "Para kang robot diyan na naubusan ng baterya. Nasaan si Jovy?"Blangkong tiningnan niya ang magulang at saglit na sinuyod ang buong kuwarto. Hindi man lang niya napansing
Last Updated: 2025-04-16
Chapter: 5 - The UnbornChapter 5PAGDATING kay Jovy, sinasagad ni Kris ang sarili. Pagmamahal, pagsisikap para sa pamilya nila at kung ano ang mga responsibilidad niya bilang asawa at ama ng kanilang mga anak. Binibigay niya ang lahat. Hindi niya naisip na magtira para sa kaniyang sarili dahil naniniwala siyang mahal siya ng asawa at ang pagmamahal nito ay higit pa sa sapat para paulit-ulit siyang buuin araw-araw. Pumihit siya paalis, dama ang humahabol na tanaw ni Jovy kung kailan nakatalikod na siya. Sinadya niyang ibaba ang kaniyang depensa para isipin ng mga bodyguards ni Rodjak na sumuko siya. Nang dumistansiya ng ilang hakbang ang mga ito'y umikot siya pabalik at sinugod ang congressman. Bangkay siyang uuwi kung hindi rin lang niya maisasama ang asawa. "Kris!"Kasabay ng malakas na tili ni Jovy ay ang pagbira niya nang malakas na suntok. Sapul sa mukha si Rodjak na sadyang hindi umilag dahil hinawi nito palayo ang asawa niya at ginawang pananggalang ang saliri sa kaniyang atake. Nasira ang balanse
Last Updated: 2025-04-15
Chapter: 4 - The Other ManChapter 4NAMALUKTOT si Jovy habang nakasiksik sa headboard ng kama. Niyakap ang magkasalikop na mga tuhod at isinubsob doon ang mukha. Yugyog ang mga balikat. Ayaw na yatang tumila ng mga luha niya tulad ng ulan sa labas na sige pa rin ang pagbuhos. Alam niyang walang saysay ang umiyak dahil pinili naman niyang gawin ang kasalanang iyon. May pagkakataon siyang tumanggi. May lakas siyang tumutol. May karapatan siyang ipaglaban kung ano ang tama pero isinara niya ang katinuan at hinulog ang sarili sa bangin. Kahit buong buhay siyang magsisi, hindi na niya mababawi ang kataksilang ginawa. Kahit araw-gabi pa siyang magluksa para sa namamatay niyang puso, hindi na niya mabubura ang bakas at marka ni Rodjak sa kaniyang pagkababae. At ang masakit, mas nangingibabaw iyon kaysa sa mahabang pinagsamahan nila ni Kris. Tunay nga na kahit isang beses lamang gawin ang pangit na kasalanan, kayang-kayang pa rin nitong takpan ang ganda at dalisay na pagmamahalan katulad kung ano ang mayroon sila ng
Last Updated: 2025-04-15
LOGIN
