dou doulu

Si Felicity Chavez— bente-otso anyos, at ulila na sa ama't ina ay napilitang magpakasal sa kanyang ka-blind na si Thorin Sebastian dahil sa tiyahin niya. Lagi kasi nitong isinusumbat ang pagkukop nito sa kan'ya at sa t'wina'y sinasabing kailangan na niyang mag-asawa nang sa gayon ay makaalis na siya sa poder nito. Kalaunan, natuklasan ni Felicity na ibang lalaki ang pinakasalan niya at hindi ang kanyang ka-blind date. Ayon sa kanyang tiyahin, nag-back out daw ang dapat sana ay ka-blind date niya ng araw na iyon. Huli na nang malaman ni Felicity ang bagay na iyon dahil nagpakasal na siya sa hindi isang estrangherong lalaki. Wala namang naging problema si Felicity nang magsama sila ni Thorin Sebastian dahil mukhang matino at may magandang trabaho sa isang malaking kompanya bilang Information Technology expert. Simple rin ang kanilang pamumuhay bilang mag-asawa kahit na may pagka-cold si Thorin at parang anak ng bilyonaryo kung magsalita at kumilos. Ngunit lingid sa kaalaman ni Felicity, na ang ang asawa niyang si Thorin Sebastian ay kilala rin bilang Thorin Evans, isang bilyonaryo at isa sa pinakamayamang pamilya sa Luzon. Itinago ni Thorin ang identity sa kanyang asawa dahil gusto niyang i-test kung anong klaseng babae ang pinakasalan niya. Ano kaya ang gagawin ni Felicity kapag nalaman niya ang totoong identity ng kanyang napangasawa? Magpasalamat kaya siya dahil sa wakas ay nakaahon na siya sa kumunoy ng kahirapan? O kamumuhian niya ito dahil sa pangloloko? May mamuo kayang pag-ibig sa dalawang taong may magkaibang personalidad at katayuan sa buhay?