"Anong nangyari dyan sa kamay mo babes?" takang tanong ni Ricks sa nobya nang sunduin niya ito sa trabaho. Nakita kasi niya na may band aid ang palad mga nito."Ah wala ito babes.." sagot ni Joy habang iniiwas dito ang palad niyang nahiwa ng bubog kanina, medyo mahapdi pa kasi iyon."Eh ano naman iyang nasa paa mo?" nag-aalalang tanong ulit ni Ricks, hindi rin nakaligtas sa paningin niya pati ang mga paa nitong may benda.At dahil hindi na makahanap pa ng idadahilan si Joy ay sinabi na niya sa nobyo ang totoo-- na may isang babaeng customer kanina na parang sinadya siyang bagsakan ng bote sa mga paa."Kanina kasi babes, may customer ako na nagtatanong ng presyo ng wine ang kaso lang noong i-aabot na niya sa akin ang bote ay nabitawan niya kaya iyon nabasag sa paanan ko." paliwanag niya sa nobyo. Nangunot muna ang noo nito bago muling nagsalita."Napakatanga naman pala ng customer na iyon!" sabi nito."Eh kumusta na pala 'yang mga sugat mo? Masakit pa ba babes?" hindi nawawala ang pag-

Malapit na ang kasal nila Ricks at Joy kaya naman napakasaya nila habang naghahanda sa nalalapit nilang kasal. Subalit isang umaga ay isang masamang balita ang dumating sa kanila. Sinugod ang nanay ni Ricks sa hospital dahil bigla na lamang daw itong bumagsak mula sa ginagawang pagluluto."Ano Rhiya?! Nasa hospital si inay at isang linggo na?! Bakit hindi ni'yo man lang ipina-alam sa akin?" sunod-sunod na tanong ni Ricks sa kapatid habang kausap ito sa cellphone.Naroon sila ni Joy sa botique dahil nagsusukat ito ng gown na isusuot nito para sa kasal nila sa susunod na linggo nang biglang tumunog ang cellphone niya at pakiramdam niya ay para siyang sinabugan ng bomba sa mga narinig mula sa kapatid. May colon cancer daw ang kaniyang ina at isang linggo na itong nasa hospital. Ayaw nitong ipasabi sa kaniya ang kalagayan nito dahil alam nitong abala sila ni Joy sa pag-aasikaso sa nalalapit nilang kasal pero hindi na nakatiis ang kapatid niya at tinawagan siya dahil wala daw pera ang mga

Matamang tinitigan ni Ricks ang napakalaking gusali na nasa kaniyang harapan. Naroon siya ngayon para pumunta sa opisina ng lalaking tumawag sa kaniya kahapon. Susugal na siya at magtitiwala sa sinabi nitong matutulungan siya nito. Tinapat na kasi siya ng doktor kaninang umaga na kung hindi pa maisasagawa ang operasiyon ng kaniyang ina sa lalong madaling panahon ay baka hindi na kayanin ng katawan nito kaya wala na siyang ibang choice kung hindi ang magbakasakali sa inaalok ng lalaking tumawag sa kaniya. Tinawagan muna niya ito at sinugurong naroon ito bago siya tuluyang pumasok sa gusali. Pagpasok pa lang niya sa loob ng gusali ay namangha na siya sa laki at ganda niyon at ang mga taong nasa loob noon ay mukhang mga kagalang-galang at talagang may mga sinabi sa buhay. Bigla ay nakaramdam siya ng panliliit sa sarili pero ganoon na lamang ang panlalaki ng mga mata niya dahil biglang nahagip ng paningin niya si Jade! Naka-corporate attire ito habang taas noong naglalakad sa pasilyo n

"Saan ba tayo pupunta babes? Bakit kailangan nating mag empake ng mga gamit natin?" naguguluhang tanong ni Joy sa nobyong si Ricks habang nagmamadali ito sa pagliligpit ng mga gamit nila."Basta babes malalaman mo na lang kapag nakalipat na tayo." sagot nito na hindi man lang siya nililingon kaya wala ng nagawa pa si Joy kun'di ang tulungan na lang din ito sa ginagawa.Mahabang biyahe din ang ginugol nila bago nakarating sa lugar na sinasabi nito. Batid ni Joy na nasa probinsiya sila dahil na rin sa naamoy niyang sariwang hangin at natatanaw na mga puno."Nandito na tayo babes." saad ni Ricks habang ipinapasok sa loob ng two storey house ang kanilang mga maleta pero sa loob niya ay sobrang nasasaktan siya dahil ito na ang umpisa na mawawalay siya sa pinakamamahal niyang si Joy.Nagtataka namang nakasunod lang si Joy sa nobyo, ni hindi man lang niya nahalata ang kalungkutan sa tinig ng nobyo."Nasaan pala tayo babes? At saka kaninong bahay ito?" takang tanong niya dito, hindi naman kas

Kanina pa hindi mapakali si Ricks habang nasa loob eroplano-- hindi niya inaasahang pupunta sila ng ibang bansa ni Jade ora mismo para doon mag honeymoon. Nagulat na lamang siya nang abutan sila ng plane ticket ni Don Julio papuntang Maldives at sabihin nitong enjoy-in nila roon ang kanilang honeymoon ni Jade. Kanina pa din naka-off ang cellphone niya at alam niyang nag-aalala na ang nobya niyang si Joy sa kaniya kaya gumawa siya ng paraan upang makausap ito. Nagpa-alam siya sa asawa na niyang si Jade na pupunta muna ng banyo. Pagbukas pa lamang ni Ricks ng cellphone ay agad na tumambad sa kaniya ang 20 texts messages at 10 miss calls na galing sa nobyang si Joy. Sobra siyang nakonsensiya ng mabasa ang mga text messages nito. "Ingat sa biyahe babes." "Babes nakarating ka ba sa trabaho mo ng maayos?" "Kumusta pala ang operasiyon ni inay?" "Wag kang mag-alala kasama ako sa pagdar