All Chapters of My Young Daddy (Tagalog): Chapter 11

“H-hindi na ako aalis, dito lang ako. P-pero hayaan mo akong alagaan ka, okay? Hindi kita maaaring pabayaan sa ganiyang sitwasyon,” ani Mikaela. Unti-unting lumuwag naman ang pagkakayakap nito sa kaniya hanggang tuluyan siyang binitawan.Mabilis ang kaniyang mga kilos. Kumuha siya ng bimpo at maliit na planggana, nilagayan niya iyon ng maligamgam na tubig. Nang bumalik siya sa higaan nito ay nakapikit pa rin ang binata, ngunit ang mga kilay ay magkadikit na tila may sakit na dinaramdam.Muli, sinalat niya ang noo ni Crixzus. Napabuntonghininga siya nang madama ang init mula sa balat nito.“Kung alam ko lang na magkakaganito ka, hindi na sana ako pumayag na lumabas tayo,” aniya sa mababang tinig. Sinimulan niyang dampian ng basa at maligamgam na bimpo ang noo at leeg nito. Umaasa siya na sa ganoong paraan ay maiibsan ang init nito sa katawan. Ngunit, ilang minuto na ang lumipas ay ganoon pa rin. Panaka-naka pa’y umuungol ito.“Hindi bumababa ang lagnat mo. H-hindi sapat ang pagdampi n