All Chapters of Just a Bride, Not a Wife: Chapter 21 - Chapter 30

"Wow perfect!!! The most beautiful bride of the year!", nakangiting sambit ng baklang si Georgia. Natupad nga ang pangarap nito na siya ang mag-aayos kay Valerie sa araw ng kanyang kasal. Samantalang si Valerie ay hindi alam kung ano ang mararamdaman sa mga sandaling iyon habang tinitingnan niya ang kanyang sarili sa harap ng salamin. Ang araw na ikakasal siya ang isang bagay na pinakamimithi niya sa kanyang buhay. Bata pa lamang siya ay pinapangarap na niya ang makapagsuot ng traje de boda. Bagama't dumating nga ang araw na ito sa buhay niya, ngunit hindi naman makatotohanan. Kung hindi lang sana siya niloko ni Ivan, siguro nga'y masaya siya ngayon habang nakasuot ng bridal gown. "Ma'am? Ba't para hong malungkot kayo?", nagtatakang tanong ni Georgia. "Ah, siguro nalungkot kayo ma'am dahil ilang sandali na lang at tuluyan na po kayong mamamaalam sa inyong pagkadalaga, di po ba?', nakangiting wika ng bakla. "Ah, eh..parang ganu'n na nga Georgia", pagsisinungaling ni Valerie. "Na

Ah iha, kumusta? Pinatulog ka ba ng apo ko kagabi?", nanunuksong tanong ni Donya Lucita kay Valerie habang kumakain sila ng almusal. Ngumiti lang tipid ang dalaga dahil hindi naman niya alam kung anong isasagot niya. Hindi naman niya maaaring sabihin sa lola ni Lester na hindi sila nagsiping ng apo nito."Uhm, iha sana mabubuntis ka na kaagad para naman mas magiging masaya kayong mag-asawa. Alam mo bang gusto ng apo ko ang maraming mga anak, dahil nga nag-iisa lang siya", nakangiting wika ni Donya Lucita.Biglang nabilaukan si Valerie sa kanyang narinig. Nais ng lola ni Lester na magkaanak sila? Oh my God!!! Paano naman mangyayari 'yon gayong wala namang nangyari sa kanila ng apo nito?"La, sa ngayon po hindi muna namin iniisip ng asawa ko ang ganyang mga bagay kasi gusto pa po naming sulitin ang panahon namin sa isa't isa. Eh, di ba po pag nagkakaanak na, mahahati na po ang oras?", depensang sagot ni Lester.Biglang tumawa ng malakas si Donya Lucita."Hay naku, ikaw talaga apo. Pero

Hindi maintindhihan ni Lester kung bakit biglang uminit ang kanyang ulo nang marinig niya na ang tumawag kay Valerie ay ang ex-boyfriend nitong si Ivan. Buong akala kasi niya ay ni restrict na ng dalaga ang number ng kanyang dating nobyo ngunit ano pa't may contact pa rin ito sa kanya. Dahil ayaw na niyang magtatalo na naman sila ni Valerie, lumabas na lang muna siya ng kwarto at nagtungo sa terrace. Medyo sumasakit nga ang kanyang ulo dahil nakaubos siya ng apat na boteng beer. Pagkatapos kasi siyang tawagan ni Scarlet kaninang umaga ay na bad trip siyang bigla at si Valerie ang kanyang napagbuntunan ng galit. Para makaiwas sa kanilang pagtatalo ng dalaga ay umalis siya at bumiyahe papuntang Maynila. Tinawagan niya si Leandro dahil ito lang naman ang nakakaalam ng sikreto niya at doon niya inilabas ang kanyang sama ng loob. Naalala pa niyang tinanong ng kanyang kaibigan kung mahal pa nga ba niya si Scarlet. Ngunit ang isinagot lang niya ay hindi niya alam dahil gulong-gulong ang kany

Pasado alas dose na ng hating gabi at hindi pa rin dinalaw ng antok si Valerie ngunit ang kanyang mga kapatid ay kanina pa tulog na tulog. Gaya ng dati kasama niya ang mga ito sa malaking katre sa kwarto. Panay nga ang kwento ni Aises sa kanya pagkatapos nilang maghapunan ngunit nang mag alas diyes na ay tumigil na rin ito sa kakadaldal. Kagaya ng nakasanayan na, nakahiga siya sa gilid ng kama, at katabi naman niya si Aises at si Bela. Isa lang ang katre sa loob ng kwarto ngunit kasya naman silang tatlo. Gawa lang ito sa kahoy at nilagyan lang ng foam para hindi naman gaanong matigas pag hinihigaan. Inisip ni Valerie kailangan na ring bumili ng mga bagong kagamitan sa bahay nila kagaya ng washing machine, bagong refrigerator, electric fan at tv. Ensakto dahil sabado bukas kaya susulitin niya ang kanyang bakasyon para makasama ang kanyang mga mahal sa buhay. Nasa ganoong pag-iisip si Valerie nang sumagi sa kanyang isipan ang gwapong mukha ni Lester. Iniisip niya kung bakit nais niton

"Ate payakap naman po", paglalambing na wika ni Aises kinaumagahan nang magising sila. Lumipat naman si Bela at tumabi rin ito sa kanyang ate kaya napapagitnaan si Valerie ng dalawa niyang kapatid. Nakahiga pa rin silang tatlo sa katre at sinusulit ang mga oras na nakakasama pa nila ang isa't isa. Ngayon kasi ang balik ni Valerie sa Maynila kaya't nilalambing muna siya nina Aises at Bela."Ate, kailan ka uli uuwi dito?", tanong ni Aises."Baka sa susunod na buwan, pero hindi ako mangangako ha. Alam niyo naman na ayaw kong umabsent sa trabaho", sagot ni Valerie at saka nito kiniliti ang kanyang kapatid. Sumasabay din si Bela sa pangingiliti kay Aises kaya malakas itong napatili habang tawa ng tawa ito.Ito ang isa sa mga bagay na mami-miss ni Valerie sa kanyang mga kapatid. Malambing kasi at palabiro ang mga ito lalo na si Aises. Saglit siyang nakaramdam ng lungkot dahil ilang oras na lang ay babalik na siya ng Maynila at hindi niya alam kung kailan siya muling makakauwi.Maya'y maya'y