All Chapters of Into Your Arms Tonight : Chapter 41 - Chapter 50

SAMANTALA, maagang nakarating si Ian sa mansyon nila sa Batangas. Naabutan pa niya ang amang si Manuel na abalang naghahanda dahil tila may pupuntahan itong importante. Aligaga rin itong inaayos ang suot na polo at ilang ulit na sinuklay ang buhok na numinipis na dahil sa katandaan. Bagama’t may ibubuga pa rin naman ang ama na isa sa mga tinitingala ng mga kababaihan noon pagdating sa pagandahang lalaki. Nagkataon nga lamang na mali ang minahal ni Manuel dahil sinaktan lamang ito ng madrasta. Wala sa loob na sinundan ni Ian ng tingin ang bawat kilos ng ama. Hindi rin siya napansin nito na ilang beses nang dinaanan nito. Maging ang mga kasambahay nila ay hindi magkandaugaga sa bawat utos ng matanda. Naisip ni Ian na kung nandito lamang si Manang Bell ay siguradong nakagalitan na nito ang ama. Napailing-iling habang bahagyang napangisi si Ian nang maalala ang kaingayan ng matandang katiwala, at kasabay nga niyon ay ang pag-alala niya kay Cassandra. Sagl

LIHIM na napailing si Ian habang pinagmamasdan ang papalapit na mag-lola na kilalang-kilala niya. Paano nga ba niya makalilimutan ang batang naging dahilan kung bakit ginusto niyang magkaroon ng anak ngayon?Nang araw na maghiwalay sila ng bata ay hindi niya maunawaan ang sarili kung bakit sabik na sabik siyang muling makita ang bata? Inakala ni Ian noon na nais lamang niyang magkaanak na. Iyon din naman kasi ang ikinukulit sa kaniya ng ama kaya marahil ganoon ang nararamdaman niya.Napagtanto ng binata na ang batang kinagiliwan niya noon at ang kasama nitong lola sa park na pinagtambayan niya, sapagkat hindi niya mahanap kung saan nakatira si Cassandra, ay ang mismong madrasta pala niyang si Dolores na kaytagal nang nawalay at ayaw magpakita sa kanilang mag-ama. Mahinang napapalatak na lamang si Ian kung paano siya pinaglaruan ng tadhana. Hindi niya akalaing ang babaeng ayaw na ayaw niyang makita at hiniling na sana’y huwag nang magparamdam sa kanil

PABALING-BALING si Cassandra sa kaniyang higaan. Kanina pagkatapos niyang tawagan ang ina ay nagpasya siyang maidlip muna sandali bago ang kanilang hapunan. Sigurado naman kasi siyang tatawagin ni Manang Bell kapag oras na ng kainan. Subalit ilang minuto na siyang nakapikit ay hindi pa rin siya dalawin ng antok. Makalipas nga lamang ang trenta minutos sa ganoong gawi ay nakarinig ng katok ang dalaga. Nagmulat siya ng mga mata at sinipat ang orasan sa kaniyang braso upang malaman kung anong oras na? Nakita niyang alas-singko y media pa lamang ng hapon. Mabilis siyang bumangon sa pagkakahiga upang pagbuksan ang taong kumakatok. Nang pagbukas nga niya ng pintuan ay nabungaran niya si Joshua na nakatayo roon. Nakapagbihis na rin ito na kasalukuyang nakasuot ng puting polo at puting khaki short. Basa pa rin ang buhok nito na nakasuklay patalikod kung kaya nagmukha talaga itong malinis sa paningin. Maliban pang sadyang perpekto ang katawan nito na animo modelo sa

NAGMAMADALING nag-empake si Cassandra ng kaniyang mga damit. Mabuti na nga lamang na isang maleta lang ang bitbit niya nang magtungo sila roon ni Ian kung kaya sampung minuto lamang ang nakalilipas ay handa na siyang umalis.Nagmamadali siyang bumaba ng hagdan. Nasalubong pa niya si Manang Bell na nagtatakang nakatitig sa kaniya. Pinaglipat-lipat nito ang tingin sa kaniyang mukha at sa tangan niyang maleta.Hindi siya nakakilos sa kinatatayuan at bahagyang umiwas ng tingin dito. Nahihiya siyang harapin ito dahil sa biglaan niyang pagpapasya.Si Joshua naman ay kanina pa nakapagpaalam sa matanda na babalik na sa Manila. Pinigilan pa nga ito ni Manang Bell sapagkat gabi na at delikado na sa daan. Alas-otso na ng hating-gabi ng mga sandaling iyon at talaga namang madilim na ang buong kapaligiran.Gayunpaman ay hindi nagpapigil ang binata sa nais kung kaya wala nang nagawa ang matanda.“

NANG makarating si Ian at Raid sa gate ng subdivision kung saan nakatira ang binata ay nakita nila ang ilang individual na nakaluhod at may posas. Hindi nila mabistahan ang itsura ng bawat isa sapagkat nakayuko ang mga ito at halatang nanginginig sa takot dahil hindi nila malaman ang kanilang kasalanan kung bakit sila hinuhuli at pinipigilang makalabas. Samantalang ang iba ay halata ang galit dahil sa pagpipigil sa kanila ng mga guard doon at ilang mga armadong lalaki na tauhan ng detective agency na pinapunta ni Raid. “Damn it! I’ll make sure to sue you all!” galit na banta pa ng ilan, iyon nga lamang ay wala ring magawa dahil nakaposas. May mga nakahandusay rin sa sahig na pawang duguan dahil nanlaban. Bagama’t buhay pa ang mga ito ay siguradong nabalian ng tadyang o kaya ay ng buto sa bawat parte ng katawan. Mga pawang naka uniporme rin ang mga ito na halatang mga tauhan ng mga nakaposas na lalaki. Dahil