CHAPTER 5

UREA'S P.O.V.

"Ok! it's girls versus boys, huh?" saad ni Swiss habang hawak ang bola ng volleyball "No physical hurt, huh? Makinis pa nama itong mukha ko pag nagasgasan 'to ay ipapagawa niyo"

"Oo na! Bilisan mo na", utos ni Wry sa kanya.

Nasa buhanginan kami habang nakapwesto sa magkabilang side ng net. Lahat ng boys ay nasa kaliwa habang nasa kanan naman kami. Naka-shorts lang sila at topless kaya naman medyo ilang ko pwera na lang kay Dupe na nakasuot parin ng longsleeve niya. Samantala naman kami ay naka-one piece, except sa girlfriend ni Dupe na naka-two piece. Kung ilalarawan ay masasabi kong malaki ang pagkakaiba ng katawan namin.

Sexy siya, malaki ang hinaharap at matambok ang puwetan. Naiinggit nga ako dahil flat chested ako. Hindi katulad ni Tyranny, Swiss, Quinine at Cupola ay may maipagmamalaki sila kahit papaano. Kainggit.

"Oo na nga, eto na. Apurado ka ah!?", sagot ni Swiss atyaka biglang sinerve ang bolang hawak niya.

Malakas ang pagkakahampas niya roon kaya masyadong napalayo ang napuntahan ng bola.

"Kalma ka lang, mahal", nang-aasar na sabi ni Wry.

"Mama mo mahal", pilosopong sabi naman ni Swiss.

"Maglalaro ba tayo o mag-aasaran kayo?", tanong ni Tyranny.

"Maglalaro poooo", parang batang sagot ni Yore.

Inirapan lang siya ni Tyranny atyaka ipinosisyon ang sarili.

"Ako na ang magse-serve" presenta ni Zero atyaka kinuha ang bola kay Dupe "Para sayo 'to, Urea" sabi niya atyaka niya sinerve ang bola.

Maganda ang pagkakahampas niya kaya naman naging maganda ang paglalaro namin. Umabot rin kami ng dalawang oras sa paglalaro bago maabot ang maximum score na sinabi nila.

"It's 50/30", nagmamalaking sabi ni Quinine.

"Tsk. Pasalamat kayo babae kayo", sabi ni Vise.

"Duh? Bakit? Sinabi ba naming magpatalo kayo?", tanong ni Quinine.

"Hindi. Nirerespeto lang namin kayo. Kase we believe, a happy wife, happy life", singit ni Rosin.

"At nasaan ang wife doon?", mataray na tanong ni Cupola.

"Kayo... magiging wife namin kayo", sagot ni Rosin atyaka kinindatan si Cupola.

"Eh? Kadiri ka. Yuck!", nandidiring sabi ni Cupola.

Puro kami tawanan dahil sa sinasabi nila. Ngayon ko lang nakitang naaasar ang mga kaibigan ko dahil sa mga lalaking 'to. Habang tumatawa ay nalipat ang tingin ko kay Dupe.

Nakatingin siya sakin. Kanina niya pa ba ako tinitingnan?

Nginitian niya ako.

Sa pagkakataong yun ay para bang may kakaiba akong naramdaman para sa kanya. Sa bawat pagngiti niya ay ang pagkirot ng puso ko. Alam kong wala naman kaming koneksyon pero bakit ganito?

Iniwas ko ang tingin ko at hinanap si Zero.

Ganito rin kaya ang mararamdaman ko kapag nakita ko siya.

"Hanap mo ako?", tanong ni Zero sakin.

Nasa likuran ko lang pala siya.

Tinitigan ko siya.

Anong nararamdaman ko sa kaniya?

Bakit...

...parang normal lang ang tibok ng puso ko?

Hinanap ko muli si Dupe.

Nawala siya.

"So... since kayo ang nanalo. Anong unang ipag-uutos niyo?", tanong ni Wry.

"Bumili kami ng karne ng baboy. Tatlong kilo rin yun. Hatiin niyo at ihawin para may makain tayo. Tapos may bigas din doon sa kotse ni Rosin, magsaing kayo. Sa kotse naman ni Wry ay may dalawang galon ng tubig. Dahin niyo yun dito. May mga cracklings ding dala si Tyranny, dalhin niyo dito para may pulutan tayo", utos ni Cupola sa kanila.

"Tanong mo nga baka may nakalimutan pa siya", bulong ni Wry kay Rosin.

"Ow! Yeah. May mga kumot sa kotse ni Vise. Pakikuha narin. Malamig eh", utos ulit ni Cupola.

"Grabe namang pasakit 'to. Akala ko ba vacation 'to? Bat naging utusan tayo?", reklamo ni Yore.

"Tss. Face the consequences kase. Bilisan niyo na", sabi ni Tyranny.

Umalis naman lahat ng lalaki at sinunod ang inutos ni Cupola kaya naiwan kaming anim dito sa pampang. Tahimik lang ang girlfriend ni Dupe na nakaupo sa gilid na napansin din pala ng mga kasama ko.

"Phoebe? Tama, Phoebe?" Tyranny approached her "come here" yaya niya.

Mukha naman siyang mabait at mahinhin. Kahit nag-aalangan ay sumama na rin siya samin.

Nakaupo kami sa harap ng isang bonfire.

Tanging huni lang ng mga ibon at tunog ng dagat ang maririnig samin. Hindi ko alam pero nakaramdam ako ng hiya sa girlfriend ni Dupe.

"So? Ikaw pala yung girlfriend ni Dupe?", nagtatanong na sabi ni Swiss.

"A-Ahh... o-oo", medyo nahihiyang sagot ni Phoebe.

"Really? Akala ko ay sadboi ang lalaking yun. Noong una akala ko babaero kase no'ng nasa Red Blood's", tinakpan ni Cupola ang bibig ni Quinine.

"No. It's fine. I know it already", mahinahong sabi ni Phoebe.

"So ayun na nga" inirapan ni Quinine si Cupola "no'ng nasa Red Blood's Building kami ay akala mo may naghahanap sa kanya... sabihin ba namang "miss me?" like? may naghahanap ba?" nagtawanan kami "pero para siyang maamong tupa kapag kaharap niya si, Urea... nangiti-ngiti pa, buang ba yun?" 

Naramdaman kong medyo nasaktan si Phoebe sa sinabi ni Quinine pero, akala ko ay ako lang ang nakapansin no'n.

"Hehehe... pagpasensyahan mo na 'to, Phoebe huh? Kulang sa aruga 'to kaya di alam yung sinasabi eh", paumanhin ni Cupola atyaka siniko si Quinine.

Hindi na kami nagsalita pa hanggang sa dumating na yung mga lalaki. Para silang mga kargador dahil sa dami ng dala nila bukod kay Zero na taging isang kumot lang ang dala.

"Here" sabi niya atyaka pinatong sakin ang isang kumot "baka nilalamig ka na"

Gano'n din ang ginawa ng mga kasama niya bukod kay Dupe na may kinuha sa tent nila ni Phoebe. May dala itong damit, jogging pants, jacket, medyas at kumot atyaka iniabot kay Phoebe.

"Wear those clothes... lamigin ka pa naman baka mapaano ka", sabi niya atyaka umalis.

"Naks... ang papa Dupe natin... full package" puri ni Yore "Baby Tyranny, gusto mo rin jacket? o yayakapin na lang kita?" tanong niya kay Tyranny.

"No, thanks. I can hug myself", pagtataray ni Tyranny.

"Sungit mo"

"Pake mo?"

"I love you"

"Lol"

Nakatingin lang kami sa kanilang dalawa habang nag-aasaran sila. Bagay sila. Isang mapag-asar at isang pikunin.

"Baka nakakalimutan niyong magluluto pa kayo?", paninira ni Cupola sa asaran ng dalawa.

"Oo na, master. Apurado 'to. Pasalamat ka maganda ka", sabi ni Rosin atyaka sila umalis para magluto.

Hinigpitan ko ang hawak ko sa kumot ko. Ang lamig. Bakit parang mas lalong lumamig.

"Suotin mo 'to", rinig kong utos ng kung sino sa likod ko.

"Dupe?", tanong ko pa.

Nginitian niya lang ako atyaka ibinigay ang jacket at damit pangtulog na mukhang bagong bili pa dahil nasa plastik at may tag pa yun. Nalipat ang tingin ko kay Phoebe.

Nginitian niya lang ako.

"Maaalalahanin talaga si Dupe", sabi niya atyaka niya ako nginitian bago pumasok sa tent nila.

Maaalalahanin ba talaga siya? Bakit iba ang nararamdaman ko?

Hinanap ko si Dupe pero si Zero ang nakita ko. Ngumiti lang siya sakin atyaka pinagpatuloy ang pagluluto. Nakita niya kaya na binigyan ako ni Dupe ng damit?

"Hoy, Urea" tawag ni Quinine sakin. Apat silang nakatingin sakin ngayon at parang may sinusuri sa mga mata ko "ano ba kayo ni Dupe?" tanong niya "NBSB ako pero alam ko ang salitang respeto para sa manliligaw ko" 

Natahimik ako sa sinabi niya. 

"Ano ba ang meron sa inyo at bakit ganyan kayo magtinginan? Namamangka ka ba sa dalawang ilog, Urea?", tanong rin ni Swiss sakin.

Hindi ko rin alam kung bakit kami gano'n magtinginan. Naguguluhan din ako.

"Patigilin mo si Zero sa panliligaw kung may ganap sa inyo ni Dupe, pero may girlfriend si Dupe.. hindi ka ba nakokonsensya?", tanong naman ni Cupola sakin.

Napatingin ako sa tent nina Dupe kung saan naroon si Phoebe. Maiintindihan niyo kaya ako kung bakit ganito ang nararamdaman ko kung hindi rin naman ako sigurado. Kailan ko lang nakilala ang Ace's kaya nakakapagtakang ganito ang nararamdaman ko. Baliw na ba ako?

"Hindi naman siguro kasalanan ni Urea yun" singit ni Tyranny "Hindi kaya masyado lang tayong mapaghinala? Tulad ng sabi ni Phoebe, maaalalahanin lang talaga si Dupe. Sa tinginan naman ay natural lang yun. Minsan nga ay nagkakatitigan rin kami ni Zero, Rosin, Yore, Wri, Dupe, at Vise pero wala naman yung malisya. Come on, girls. OA kayo" medyo nakahinga ako sa sinabi ni Tyranny.

Normal nga siguro yun.

Napatingin akong muli sa mga lalaking kasalukuyang nagluluto ngayon. Nandoon narin si Dupe kasama nila. Nahuli niya akong nakatitig sakanya. 

Nakaramdam na naman ako ng kung ano.

Sino ka ba talaga?

Ngumiti ito atyaka bumigkas ng ilang mga salitang hindi ko maintindihan. 

Ano yun?