CHAPTER 07

" Kuya, kailan ka babalik dito? " mula sa paglalagay ng ilang damit ni Pablo sa kaniyang bag, natigil siya sa tanong na narinig mula sa bunsong kapatid. " Matagal raw po kayo mawawala sabi ni kuya Radzel. Puwede po bang huwag na kayo tumuloy bukas? "

" Sunny, kailangan mag trabaho ni Kuya sa malayo para kay Tatay, " sagot ni Radzel, nakaupo sa malamig na sahig habang binibilang ang mga baryang laman ng sinira niyang alikansya. " Hindi mo ba gustong gumaling ang Tatay? Gusto mo bang sa ospital lang siya nang matagal?"

" Siyempre gusto kong gumaling si Tatay! " ani Sunny, " Pero 'di ba may trabaho naman ang Kuya sa may farm? Bakit lalayo pa?! "

" Siyempre ganoon talaga. Hindi naman kasi tayo mayaman kaya kailangan natin nang maraming pera! " Bahagyang tumaas ang boses ni Radezel, hindi na maalala kung magkano na ang mga baryang binibilang niya dahilan para mapakamot siya sa ulo at umulit sa simula. " Tulungan mo na nga lang ako dito, Sunny. Nalito na ako sa bilang ko. Ikaw kasi, dami m