Chapter 89

"saan muna tayo ngayon, Ma'am?" Tanong ng driver sa akin.

Ngayon ang araw ng pagpunta ko doon sa San Fermin. Ipinuslit kong muli sa aking shoulder bag ang cellphone na ibinigay sa akin ni Anthony para just in case na tumawag s'ya o mag text ay malalaman ko kaagad.

"Sa Theme Park muna tayo, Kuya" sagot ko rito.

"Saang theme park ba, Ma'am? Madami kasing Theme Park doon e" ani ng driver.

Oo nga pala. Mabuti na lamang at nasabi ni Anthony kung saang lugar iyon sa San Fermin.

"Yung Theme Park sa bayan ng Imus, San Fermin po" sagot ko.

Hindi na umimik ang driver kaya tumingin-tingin na lang ako sa paligid. Grabe, para talaga akong bata na ngayon lang nakalabas sa mundo.

Amazed na amazed ako sa mga dinaraaanan namin. Ang gaganda ng view. Napaka relaxing pa. I wonder kung nakapunta na ba ako dito dati. O kung nakadaan man lang dito.

Habang busy sa pagtingin sa mga dinaraanan ay bigla akong napaisip. Papaano kaya kung ang nakaraan ko pala ay madilim, puno ng problema, heartbreak o kun