Chapter 20: Sweet smile that mesmerized him

NAPANGANGA si Serena sa narinig. Bakit naisip ng mga kasama niyang pangit si Kevin? Kung pangit nga si Kevin, alikabok na lang siguro sila! Sa sobrang kagwapuhan nito na parang lumabas sa male model's magazine, pag-iisipan at sasabihin lang na pangit? What the heck.

Nang tingnan ni Serena si Kevin, wala naman itong reaksyon kaya nakahinga siya nang maluwag.

Ramdam pa rin ni Serena ang tingin ng mga kasama at pinili niyang hindi pansinin iyon.

“Serena, andito ka na!” masayang sigaw ni Hanni. Sinulyapan din nito si Kevin at ngiting-ngiti ang kaibigan ni Serena.

“Hello, bayaw!”

Namula yata ang mukha ni Serena noong marinig ang sinabi ni Hanni. “Hanni!”

“Bakit, totoo naman. Sisters tayo kaya bayaw ko siya,” sabi nito at inakbayan pa si Serena.

Kumunot ang noo ni Kevin. “Bayaw?”

Nakita ni Hanni na parang hindi naintindihan ni Kevin ang sinasabi nito. “Brother-in-law. Bayaw. Ikaw 'yon.”

Sandaling nag-isip si Kevin at mayamaya ay napangiti ito. “I like that.”

“'Yan ganyan dapat. Serena,