9: Deserve To Hurt

Sinalakay ng kaba ang aking dibdib matapos ko makausap si Yaya Linda. Galit na galit lang naman itong si Thunder dahil hanggang ngayon ay hindi pa ako umuuwi. Hindi ko na rin kasi namalayan ang oras at pasado alas dyes na pala ng gabi.

“May problema po ba?” Tanong ni Lisa habang lulan kami ng sasakyan pauwi sa bahay ng mga Revamante.

Ngayon pa lang kasi habang papalapit sa bahay kung nasaan ang galit na dragon ay hindi na magkamayaw ang aking isip kung anong magiging reaction n’ya. Lalo na’t alam ko kada makakaltasan ang laman ng kanyang atm ay mai inform s’ya.

“Wala, ginabi lang tayo kaya tiyak na nag aalala na si Yaya Linda.” Sagot ko at ngumiti s’ya sa akin ng bahagya.

Ayoko naman na pati s’ya ay maramdaman ang kaba na s’yang nararamdaman ko ngayon.

Nang marating namin ang bahay ay sinalubong kami ni Yaya Linda. Pinauna ko ng papasukin si Lisa na s’ya namang sinundan ni Yaya sa loob. Ngunit bago ito tuluyang makapasok ay may sinabi pa ito na mas nakapagpatindig ng aking balahibo.