4: WHAT IF MALAMAN NILA?

Matapos ang kaunting usapan na naganap sa labas ay agad din naman kaming pumasok sa loob ng napakalaki at mawalawak na bahay.

"Hija, halika. I will show you your room." Nakangiti na wika ng ina ni Thunder.

Tumango ako bilang sagot habang nakangiti. Sinulyapan ko naman si Thunder na busy sa pakikipag-usap sa kanyang ama. Kaya naglakad na ako at sumunod sa ginang.

"Excited na talaga ako na maging mommy lola." Kinikilig na sabi ni tita Tina, ina ni Thunder.

Hindi ko kasi alam kung ano ba ang tama at dapat na itawag sa kanya pero napagpasyahan ko pa rin na tawagin siyang mommy sa harap ni Thunder o ng kahit sino. Pero kapag sa isip ko lang ay napagpasyahan ko na Tita Tina ang itawag sa kanya.

Nang marating namin ang isang pintuan ay agad na binuksan ni Tita Tina ang pinto at bumungad sa amin ang malawak na kwarto. Parang kasing laki lamang ito nang apartment na siyang inuupahan ko noon.

"Hindi ka ba sinasaktan ni Thunder?" Napaangat ako nang tingin kay Tita Tina dahil sa kanyang naging tanong. Binigyan pa niya ako nang isang magaan na ngiti na parang hinihintay niya ang pagsagot ko.

Tumikhim naman ako upang bumwelo at makahanap nang tamang isasagot.

"Hindi po, hindi naman po siya ganung klase ng uri ng tao mommy." Natatawa ko na sagot na siyang sinundan niya ng tawa. "He's moody but I can handle naman po." Sunod ko pa na sabi na mas ikinatawa ni Tita Tina.

"He is." May ngiti na sagot niya sa akin. "May pagkamatigas ang ulo ng anak kung ayon kaya kung meron kayong hindi pagkakaunawaan ay sabihin mo lang sa akin Rainy." Saad pa niya at lumapit sakin bago iginaya ako paupo sa malambot na kama. "Tanda mo ba noon? Ang dami niyang dinadala na babae dito, pero sa lahat ikaw pa rin ang pinakagusto ko. Nagpapasalamat nga ako dahil noong ikasal kayo ay naging matino yang si Thunder, hindi na naulit ang pambababae niya kaya mas napanatag ako ng pakasalan ka niyang muli." Magaan na kwento ni Tita Tina.

Parang may kung anong tinik ang bumara sa aking lalamunan dahil sa bawat salita na binibitawan nito.

Wala akong alam. Gustuhin ko mang matuwa pero ni isa wala akong alam sa ikwenento niya dahil hindi ako si Rainy na nakasama nila.

"Mom!" Isang buong boses naman ang aming narinig mula sa pintuan at sabay kaming napalingon.

Matutuwa ba ako sa pagdating ni Thunder o mas madadagdagan ang aking pagkailang?

"O'sya, maiwan ko na kayo ng kayo ay makapag pahinga, magluluto na rin ako ng ating hapunan." Pamamaalam ni Tita Tina bago marahan pa na hinaplos ang aking likod tsaka tumayo at nagtungo palabas ng pinto.

Bumilis naman ang tibok ng aking puso ng marinig ang pagsara ng pinto. Tumikhim ako at inabala ang sarili sa pag-aayos ng gamit namin at paglalabas noon sa maleta.

"Hindi mo kailangang gawin yan. You can rest, si Yaya Linda na ang mag aayos niyan mamaya." Imik ni Thunder ngunit hindi naman ako nag abala na siya ay lingunin at nagpatuloy.

Nawalan ako sa mood makipag usap dahil sa nasabi ni Tita Tina. Pero hindi ko naman sila masisisi o hindi naman ako pwedeng magalit dahil simula't sapol hindi dapat ako nahulog kay Thunder. Hindi ko dapat s'ya nagustuhan. Hindi ko dapat s'ya minahal.

Nabalik ako sa katinuan nang may humigit sa aking kamay at hinila pahiga ng kama. Para akong lantang gulay na basta na lamang bumagsak sa kama kasunod noon ay ang pagpatong ni Thunder sa aking ibabaw.

He grabbed my waist and pinned it on my top of my head. Ang hininga niya ay tumatama sa aking mukha at kanyang mga mata ay nakatitig lang sa akin.

"Hindi mo ba ako narinig?" Inis na tanong niya.

Teka bakit siya maiinis?

"Narinig." Maikili ko na sagot at pumiglas, ngunit bigo ako na makaalis.

Parang may nagkakarerahan na kabayo sa aking dibdib dahil sa aming posisyon ngayon at nakahinga lamang ako ng maluwag ng umalis siya sa ibabaw ko at nahiga sa aking tabi.

Nakatitig lamang ako sa kisame at hindi makapaniwala sa nangyari. Naramdaman ko ang pagtayo ni Thunder at mabilis na pumasok sa banyo. Narinig ko ang lagaslas ng tubig doon at napailing ako.

Napahinga ako ng malalim bago umayos ng higa, hindi maiwasan na mapakagat sa labi at nagpapadyak. Kinikilig ba ako?

No! Hindi maari. 'Bawal tayong kiligin Summer!'

Sa kakaisip ng kung anu-ano tungkol sa mga pinapakita ni Thunder ay hindi ko na namalayan na nakatulog na pala ako.

~~

Nagising ako dahil sa katok na naririnig ko mula sa labas ng pintuan. Sinulyapan ko ang relo ko na aking suot at pasado ala-syete na ng gabi.

Medyo naging mahaba rin ang tulog ko at hindi ko man lang namalayan o nakutaptapan kung nasaan na ba si Thunder.

"Ma'am Rainy." Rinig ko na boses mula sa labas. "Papasok na po ako." Sunod pa niyang sabi at kasunod noon ang pagbukas ng pintuan.

Bumungad sa akin si Yaya Linda. Isa sa kasambahay nina Tita Tina.

"Naku hija, kanina pa ako nakatok. Mukang pagod na pagod ka dahil hindi mo namalayan. Ay siya ikaw ay maghinaw na at magpalit ng damit, hinihintay kana nila sa baba." Dire-diretso na sabi ni Yaya Linda.

Naghikab pa ako ng bahagya at nag-unat bago tumango bilang sagot sa matanda.

Hindi naman ako nag aksaya pa ng segundo at nagsimula ng gawin ang dapat. Nang matapos ako ay ipinusod ko lang ng isa ang mahaba kung buhok na hindi ko man lang nagawang suklayin, bago napagpasyahan ng bumaba.

Nakita ko naman agad ang maamo na mukha ni Tita Tina, suot ang magaan na ngiti habang may pag kaway pa sa akin.

"Rainy, halika. Dito ka maupo." Turo ni Tita Tina sa tabing upuan ni Thunder.

"Mukang napasarap ang tulog mo hija." Ngingiti-ngiti na wika naman ni Tito Arthur.

"Opo eh, hindi ko na nga po namalayan ang oras." Medyo nahihiya ko pa na sagot at isang halakhak naman ang sinagot ng ama ni Thunder.

Habang si Thunder naman ay tahimik lamang na nakikinig at nakaupo.

"Mabuti naman at napagbigyan mo ako anak na makapunta kayo dito ng iyong asawa." Basag ni Tita Tina habang tanging mga kubyertos lamang ang mapapakinig sa bawat sulok ng kusina.

"Of course mom, basta para sayo. Kelan ba ako tumanggi." Magalang na sagot ni Thunder.

Gusto ko ng umirap sa kawalan kaso hindi ko magawa. Hindi lang kasi ako sanay na mabait siya, magalang o kahit na ano pang kinikilos niya ngayon.

Samantalang kapag nasa sariling bahay naman daig pa niyang si Elsa kung balutan ng kalamigan ang buong bahay.

Ang ibig kung sabihin, bilang sa daliri ang pag imik niya, ang pag uusap namin. Laging matalas ang tingin na parang anytime ay ihahagis ka na lang sa kung saan.

"Salamat naman kung ganun." Sagot pa ni Tita Tina.  "Rainy, basta sasabihin mo lang kapag may kalokohan na ginawa sayo ang anak ko ha, alam mo naman noon. Babaero yang anak ko noon."  Tumikhim ako sa huling sinabi sa akin ni Tita Tina.

Parang nag stock lahat ng aking kinakain sa aking lalamunan. Hindi ko alam, wala akong alam. Ngayon ko lang nalaman na babaero si Thunder.

"Mom." Buo at mababa na tono na suway ni Thunder sa kanyang ina.

Nginitian ko lang ang ginang dahil hindi ko rin naman alam ang dapat isagot, pakiramdam ko kung magtatagal kami dito ay unti-unti na akong mabubuko na hindi ako si Rainy. Hayst!

Natitiyak ko rin na kung malaman man nila ang totoo ay sukdulan din ang magiging galit nila sa akin.