Kabanata 6: His Wife's Decision

“Kasalukuyang na sa kanyang boutique si Madam Sierra, Boss.”

Muling ibinuka ni Nathan ang kanyang bibig upang magsalita ulit. “Is her stomach still aching?”

“Mukha naman pong maayos na,” sagot ni Travis kay Nathan.

“Okay,” mahinang sabi ni Nathan at saka ibinalik ang kanyang atensyon sa trabaho. Hindi na siya nagsalita pa. 

Bigla namang naalala ni Travis ang binigay ni Sierra kanina kaya ibinigay niya ito kay Nathan at sinabing, “Inutusan ako ni Madam Sierra na ibigay sa inyo ito, Boss.”

“Basahin mo.” Hindi man lang tumingin si Nathan sa kanya at inutusan na lamang siya.

“Sige po...” sagot ni Travis sa kanya at binuksan ang envelope. Nagulat siya nang mabasa ang dalawang letra na nakasulat doon. 

‘Annulment Agreement?’

Natuod si Travis sa kanyang direksyon at hindi sinubukang basahin ito.

“Why are you still not reading it?” takang tanong ni Nathan sa kanya.

“Gustong makipaghiwalay ni Madam Sierra sa 'yo, Boss Nathan. Sinabi dito na ang dahilan ng pagkikipaghiwalay ay dahil hindi mo na magampanan ang tungkulin mo bilang asawa niya...”

Walang ibang pagpipilian si Travis kung hindi ang basahin ito ng malakas kay Nathan.

“What the hell?” gulat at nandidilim ang gwapong mukha ni Nathan nang sabihin niya 'yon.

“I-Ito ang annulment agreement na gustong ipabigay sa 'yo ni Madam Sierra,” ani Travis sa kinakabahang boses. Halos hindi na siya huminga dahil sa sobrang takot niya kay Nathan. 

Nalaman niya ang dapat sekreto lang sana kaya hindi niya na sinubukan pang basahin ito. Iniabot niya ang annulment agreement kay Nathan. 

Hinablot ito ni Nathan at saka siya na ang nagbasa sa malamig nitong reaksyon. Nakapaloob rin sa kasunduan na kukunin ni Sierra ang dating property ng kanyang ama na si Albert sa Laguna kung saan nakatayo ang dating bahay nito.

“She's ridiculous!” singhal na sabi ni Nathan. 

Alam ni Sierra ang dahilan kung bakit pinakasal siya kay Nathan pero hindi niya binanggit ang tungkol sa pera ngunit kahit hindi niya 'yon binanggit, alam na ng lahat kung ano ang dahilan ng pagkikipaghiwalay. Sapat na rin 'yon para mangati ang bibig ng mga tao.

Agad niyang tinawagan si Sierra upang tanungin kung ano ang ibig sabihin ng kasunduan.

“Ano itong binigay mo sa 'kin, Sierra!?” tanong niya sa kabilang linya.

Samantala magkasama naman sina Sierra at Ynnah sa mga oras na ito dahil naghahanap sila ng mga gamit para sa bahay. Nang makarating si Sierra sa boutique ay agad niyang tinawagan ang kaibigan na si Ynnah dahil gusto niya na bumalik sa bahay nila sa Laguna. 

Dalawang taon na rin na walang tao ang bahay nila at kailangan niya munang bumili ng mga gamit bago siya lumipat doon. 

“Halata naman sigurong annulment agreement iyan,” sagot niya sa malamig na boses. Agad namang sinagot ni Sierra ang tawag nito. 

“Ang gusto kong malaman ay bakit ganito ang dahilan ng pagkikipaghiwalayan? Bakit mo sinabing may kakulangan ako sa pakikipagtalik? Kailan ba ako nabigo sa pagpapaligaya sa 'yo, ha?”

Alam ni Sierra kung gaano na kadilim ang reaksyon ni Nathan ngayon dahil dignidad nito ang tinamaan.

Napangisi si Sierra. “Halos isang beses kang umuuwi sa loob ng sampung araw at minsan umaabot pa ng halos kalahating buwan ay saka ka lang umuuwi. Minsan nga ay umaabot ka ng isang buwan o halos dalawang buwan saka mo naisip umuwi kaya totoo namang hindi mo nagagampanan ang tungkulin mo sa akin bilang asawa.”

“You are just telling me how obsessed you are about that thing? Do you want to do it seven times every night? Is that what you want, Sierra?” pasinghal na tanong ni Nathan kay Sierra.

Namula ang mukha ni Sierra sa sinabi nito pero walang bahid ng pag-aalangan at takot nang sagutin niya ito. “Yes, that's it. Hindi ako satisfied sa mga ginagawa mo at ramdam kong nanlalamig ka na kaya gusto ko na makipaghiwalay.”

“I'll make sure to satisfy you tonight when I come back. You won't be able to get out of bed tomorrow, I'll make sure of that.” Pasinghal ang pagkakasabi ni Nathan dito kay Sierra. 

‘Ano naman kaya ang naiisip ng babaeng ito? Ito ba talaga ang gusto niya ngayon?’  tanong ni Nathan sa kanyang isip.

Hindi siya makapaniwala na gusto nitong pakipahiwalay sa kanya.

“Hindi mo na kailangan pang gawin 'yan dahil hindi na ako babalik kahit kailan. Pirmahan mo na ang agreement sa mas lalong madaling panahon at maghiwalay na tayo ng landas!” malamig na sagot ni Sierra sa kanya.

Nang marinig ni Nathan ang sinabi ni Sierra na hindi na ito babalik ay mas lalong sumama ang timpla ng kanyang mukha at sinabing, “Nangako ba ako ng hiwalayan sa 'yo?”

“Hindi na effective sa akin ang pagbabanta diyan sa boses mo dahil hihiwalayan na kita. May hawak rin ako laban sa 'yo. Niloko mo ako kay Maurice at kapag hindi ka makikipaghiwalay sa 'kin ay ilalabas ko sa internet ang panlolokong ginawa mo sa akin. Kapag nadawit ang pangalan mo sa cheating issue na ito masisira ang pangalan mo. Sa tingin mo ba sino sa ating dalawa ang magdudusa?”

“Ang lakas na ng loob mo para takutin ako nang ganyan, Sierra,” sambit ni Nathan sa malamig na tono. 

“Oo!” aniya habang nakataas ang dalawang kilay. 

Hindi habang buhay na mananatili siyang tahimik at hindi lumaban. Hindi siya mananatiling duwag. Subalit hindi na siya dadating sa puno na kailangan pa niya itong labanan. 

Aminado sa sarili si Sierra na maraming naitulong si Nathan sa kanya kaya binigyan niya ito ng daan para makalabas. 

“Pirmaham mo ang kasunduan at tapusin na natin ang kasal na ito. Kailangan mong tratuhin nang maayos si Maurice dahil buntis siya. Kumalma ka na at huwag mo nang hayaan na malungkot ang babae mo.” Pagpapatuloy ni Sierra sa pagsasalita.

Natawa naman si Nathan at sinabing, “Naawa ka ba talaga sa kanya o gusto mo lang panindigan ang sarili mo, Sierra?”

“I don't need a bastard like you anymore, Nathan.”

Bago pa ito makapagsalita ay pinatay na ni Sierra ang cellphone. 

Walang nagawa si Nathan kung hindi ang mapatitig sa itim na screen ng kanyang cellphone habang madilim pa rin ang mukha. Makalipas ang ilang minuto, muling tumunog ang kanyang cellphone. 

Pagkabukas ni Nathan ay ang impormasyon tungkol sa nabawas na laman ng account ang kanyang nakita. Nalaman niyang bumili si Sierra ng iba't-ibang gamit sa bahay at mas lalong lumalaki ang nabawas sa account.

Naalala ni Nathan ang nakasulat sa loob ng kasunduan ng annulment agreement kaya naman ang kanyang gwapong mukha ay bigla na lang nabalot ng inis. 

“Alamin mo kung nagtungo ba siya sa Laguna  ngayong araw.” Utos ni Nathan kay Travis sa tabi niya. 

“Copy, Boss.”

Agad namang umalis si Travis upang alamin ang tungkol doon. Ilang sandali lang ay bumalik ito dala ang impormasyon na hinihingi niya.

“Nagpunta nga doon sa Laguna si Madam Sierra at may inutusan siyang maglinis doon,” ani Travis sa kanya. 

Napagtanto ni Nathan na gusto talaga ng asawa niyang lumipat sa Laguna. Dahil sa inis ay ginusot niya ang annulment agreement gamit ang kanyang kamay.

Dalawang taon ang nakalipas at may kinakaharap na pagsubok ang ama ni Sierra na si Albert sa kumpanya nito kaya lahat ng kanilang mga ari-arian ay naibenta kasama na doon ang kanilang mansyon sa Laguna. 

Hiniling ni Sierra sa kanya na bilhin ang mansyon kalaunan, ngunit ngayon hindi niya inaasahan na ito pala ang gagamitin ng asawa para tuluyan na siyang makatakas. 

“Travis, call the bank and tell them to suspend her card!” Singhal na sabi niya kay Travis. 

Sa loob ng isang mall, kasalukuyang namimili ng mga gamit sina Sierra at Ynnah...

“Kailangan pa nating bumili ng marami at kung ano pang gusto mong bilhin dahil nalaman kong binilhan ng asawa mo nang halos isang daang milyon para sa kanyang kabit. Kung kaya niyang gastusan ang kabit niya nang ganiyan kalaki, bakit ikaw hindi? Kahit anong mangyari ay ikaw pa rin ang original na asawa at habang hindi pa kayo annulled, hayaan mong magdusa ang bastardong asawa mo,” sabi ni Ynnah kay Sierra. 

Sa isip ni Sierra ay tama ang sinabi ng kanyang kaibigan. Hindi na siya nakabalik ng bahay para makuha ang kanyang mga damit kaya bumili na rin siya ng bago sa mall. Bumili na rin siya ng isang dosenang bags at sapatos nang hapon ding iyon. 

Ngumiti ang cashier sa kanya at tinawag siya bigla.

“3.6 million po ang total ng pinamili ninyo, Mrs. Delgado.”

Ibinigay naman ni Sierra ang kanyang black card sa cashier na kausap niya. Subalit walang perang lumabas sa card nang basahin ito ng machine.

“Mrs. Delgado, may limit po ang card ninyo,” ani ng cashier sa kanya.

Nagulat si Sierra sa kanyang narinig. Ang card na ito ay ang pangalawang card ni Nathan at imposibleng hindi ito gagana.

“That's impossible to happen,” aniya sa cashier.

Sumabat naman si Ynnah. “Hindi kaya kagagawan ito ng asawa mong si Nathan, Sierra?” 

Natigilan siya at biglang naisip na posibleng may kinalaman ito sa nangyayari sa card niya ngayon. Nakabili na si Sierra ng maraming mga gamit at halos sampung milyon na ang kanyang nagastos para dito. Malalaman iyon ni Nathan. 

Tinawagan ni Sierra ang bangko para malaman ang tungkol dito. 

“Pinasara po ni Mr. Delgado ang card at para mabuksan ito ay kailangan niyong tawagan ito, Mrs. Hidalgo,” paliwanag ng bangko sa kanya.

Pakiramdam ni Sierra ay tumigil sa pagtibok ang kanyang puso. Tama nga siya na may kinalaman ang hayop niyang asawa tungkol sa pagkasara ng card niya. 

“Sobra naman ‘yang asawa mo, Sierra. Ang bait niya sa kabit niya ngunit hindi niya magawang bigyan ka kahit kaonti lang!?” galit na usal ni Ynnah sa kanya. 

“Palaging mababa ang tingin niya sa 'kin, Ynnah,” ani Sierra sa kaibigan.

“Anong gagawin mo tungkol diyan?” tanong ni Ynnah sa kanya.

“Huwag na muna natin kunin ang mga damit sa ngayon at bumalik na lang sa Laguna. Tatawagan ko na lang si Manang Lilian at sabihin sa kanya na ligpitin ang mga gamit ko,” ani Sierra, at sa madaling salita ay hindi na siya babalik pa sa bahay ni Nathan.

“Okay lang 'yan, Sierra. Nakabili ka na naman ng mga gamit sa bahay at pwede ka na magsimula ng bagong buhay!” masayang sambit ni Ynnah sa kanya.

Nang marinig niya 'yon, hindi niya maiwasang isipin ang kanyang magiging bagong buhay pagkatapos ng kanilang paghihiwalayan. Simula sa araw na ito ay sa Laguna na siya titira. Malaya na siyang kumain at uminom kasama ng kanyang mga kaibigan na hindi kailangang makita pa niya si Nathan. 

Agad namang dinala ni Ynnah si Sierra sa Laguna at nang makarating sila ay gabi na rin.

“Maraming salamat sa pagsama mo sa akin ngayong araw, Ynn...” aniya sa kaibigan pagkababa niya sa sasakyan nito. 

“Walang ano man 'yon, Sie.”

Agad namang umalis si Ynnah dahil may lakad pa ito kasama ng kanyang kasintahan. May date sila mamayang gabi kaya mabilis na siyang umalis. Sinimulan nang maglakad ni Sierra patungo sa bahay nila.

Nang makalapit siya sa bahay ay may napansin siyang Lamborghini na naka-park sa bakuran nila. Nakaupo sa sasakayan si Nathan habang ang kanyang mataas na pigura ay tila nakikisabay sa madilim na gabi. 

Nang marinig niya ang papalapit na mga hakbang, itinaas niya ang kanyang ulo at tinitigan ang kararating na si Sierra sa kanyang misteryosong mukha na may kasamang pagbabanta.