Chapter 2

"Annoying!" I hissed after I finally got home. 

Inihagis ko ang bag ko pagkapasok ko pa lang sa kwarto. Hindi ko na alam kung saan nag landing.

Hindi mabura ang pagka-inis ko sa antipatikong lalaking 'yon. Nakaka stress siya. Lahat ata ng dugo ko umakyat sa ulo ko. Buti na lang buhay pa ko.

Imbes na makauwi ako after lunch, naabutan pa ako ng 2 PM bwisit siya.

Mang-aagaw!

Padabog akong umupo sa harap ng vanity mirror. Lalong nadagdagan ang inis ko nang makita ko ang pagmumukha ko'ng hindi na maipinta.

"Akala ko ba inayos to ni Ely kanina?" sabay ayos ko ulit sa buhok ko.

Bakit ba nagmumukhang noodles 'to? Tama siguro si Llianne, mukha akong tanga. At dahil wala ako sa mood, hinayaan ko na lang ang walang kwenta kong buhok at nahiga na sa kama.

Nagmumuni-muni na ako at nagpapakalma nang may marinig akong tunog. Naalala ko ang cellphone ko.

Naku naman ang malas. Natapon kasama ng bag.

Dali-dali kong pinulot ang bag ko at kinuha ang phone sa loob. Si Alise lang pala, nagchat.

Aika Annalise: Girl balita ko absent ka daw ngayong hapon. HAHAHAHAHAH

Ako: at least ako half day lang. Mahiya ka naman

Aika Annalise: alam kong walang papasok na teacher kaya di na rin ako pumasok. Pero kakauwi ko lang.

Aika Annalise: SKL! uunahan na kita.

Napairap na lang ako sa mga chat niya. Kahit kailan talaga, ang daming alam. Bagay sila ni kuya e.

Baka nga may namamagitan na sa kanila. 

Ako: punta ka dito sa bahay. Ngayon na.

Nag-offline na agad ako para hindi na makapag-angal.

Naligo ako ulit para makalimutan ko na ang walang hiyang lalaking 'yon. Kapag nagkita kami ulit, gaganti ako.

I ended up taking a bath for about 30 minutes. Naabutan ko na lang si Alise na komportableng nakaupo sa kama ko. She smiled widely when she saw me.

"Pasalubong ko sa 'yo." proud na sabi ni Alise habang ibinibigay sa akin ang isang brown box na kasing liit ng pasensya ko.

"Ano to?" sabay hawak ng box.

"Buksan mo" inis na sagot niya. 

Hinay-hinay kong binuksan ang box. Baka ipis pa ang laman. Pagsisihan ko pa.

Nang makita ko ang laman ng box, napa wow ako.

"Shockss. Ang ganda ng singsing na 'to!" sabi ko kay Alise.

Kinuha ko agad 'yon at isinukat sa daliri ko. It's intricate design made it more extraordinary. Isang silver crystal ring.

Sa sobrang pagkamangha, inalis ko ulit sa daliri ko. Isusuot ko na sana ulit pero may na notice akong naka engraved sa ilalim nito.

Liebe

Napatingin ako kay Alise. Nakangiti siya habang nakatingin saakin

"Babae, parang couple ring naman 'to eh. Ba't mo ko binigyan ng ganito? Don't tell me tomboy ka? " gulat na gulat kong tanong sa kaniya.

"Tanga!. Hindi ako tomboy. Ew, kung sa 'yo lang naman ako magpapakatomboy, huwag na! 'Di ka worth it" pambabara pa niya.

Tiningnan ko siya ng matalim. 'Yong parang nakakatusok talaga. Nang-iinis 'to ah.

"Eh, bakit may ganito?" turo ko pa sa naka engrave na salita. Hindi ko rin kasi alam ang meaning.

"Sinadya ko yan para makita mo na ang forever mo. May partner ang singsing na 'yan. Nasa lalaki na daw sabi ng nagtitinda. Basta sa Australia pa 'yon pero yung word na yan German ata. Malay mo magtagpo kayo at magkatuluyan". she said dreamily.

I don't know if I should be happy or sad. She's too unpredictable. Kaibigan ko ba talaga ito? Ang lakas makabugaw eh.

"Ewan ko sayo. Hindi ko susuotin 'to" sagot ko sa kaniya sabay balik ng singsing sa box.

Kahit anong ganda nito, hindi ko gagamitin. Baka mamaya may sumpa pala.

Itinago ko na lang ang pasalubong ni Alise sa akin.

Matapos magkwentuhan ay napapagpasyahan naming maglaro na lang ng ML sa kwarto. Pinagsisihan ko pa dahil inaya ko siya. 'Di pala marunong.

"Ang bobo mo naman Alise eh. Sabi nang wag kang aalis sa top. See? Walang bantay sa taas." reklamo ko sa kaniya

"Ikaw nga rin naman bobo ah. Sabi mo kanina magkasama dapat tayo bakit nandiyan ka na sa mid?" reklamo pa niya sakin habang naglalaro

"Ang bwisit. Napatay ako ng walang hiyang Gord". Dagdag pa niya.

Hindi ko na siya pinansin. Kita mo si Gord pa talaga naka patay sa kaniya. Pinagpatuloy ko na lang ang paglalaro.

Nakakainis, ilang game na 'to pero talo na naman. Ang sarap sipain ng pabuhat na si Alise.

"Ayoko na girl" sabi niya ulit. At dahil naabutan ako ng bwisit na Fanny, na deads din ako.

"Malamang girl. Patay na 'yong dala mo eh. Pabuhat ka talaga." sermon ko pa.

Na badtrip na 'ko kakalaro, puro naman defeat. Pinatay ko na lang ang phone ko. Walang kwenta.

"Uuwi na 'ko girl. It's already 5 PM. Pahatid sa driver niyo oh." she pleaded.

"Tawagan ko si kuya. Siya na lang kaya maghatid sa 'yo? " nakangisi kong sagot sa kaniya.

"Wag na! Maglalakad na lang ako." she strongly said. 

Natawa ako sa sagot niya. Ibang klase kapag may crush.

Inihatid ko na lang siya sa labas at pinasakay ng taxi bago ako bumalik sa loob.

At dahil mag-gagabi na rin, nag half bath pa ako kahit dalawang beses na ko naligo ngayong araw.

Hindi ko na hinintay ang dalawa kong kapatid pati na rin sina mommy at daddy dahil malamang gagabihin sila. Nauna na akong nagpahain ng pagkain kay Nanay Anna at maagang natulog.

The next Day, I woke up very early. Isinagawa ko ang morning routines ko and wore my uniform. Nakangiti akong pumasok sa University sa 'di ko malamang dahilan.

Nasa kalagitnaan na kami ng pagdadaldal nina Jay nang biglang dumating ang subject teacher namin.

"Marie Manalo" rinig na rinig ko ang boses ni ma'am kahit sa pinakalikod ako nakaupo.

Nakasigaw pa kasi habang nag-checheck ng attendance.

"Present po ma'am." sagot ni Marie habang nilalaro ang ballpen niyang may design na batman.

Anong trip niya? Batman pa talaga?

"Justice Jade Alcazar" tawag ulit ni ma'am sa isa pa naming kaklase.

"Present!" masiglang sigaw niya.

Parang kahapon madami siyang reklamo sa score niya, tapos ngayon hyper na. Ibang klase.

"Mary Joy Caste" tawag ni ma'am sa classmate naming may Joy ang pangalan pero palaging malungkot.

'Di ba natutulog 'to? Ba't parang ang payat niya pa rin? Wala bang baboy na nakain 'to noong Christmas break?. Nawala ang fats e. Puro buto ang nakikita ko.

"Kristier Arabella Sandoval" tawag sa akin ni ma'am

"I'm here, alive and present ma'am" walang kwenta kong sagot.

Nagpatuloy pa ang pagtawag niya ng mga pangalan ng mga kaklase ko. 'Di na 'ko nakinig, tapos naman na ako. Ang saya na sana ng buhay ko kung di ako siniko ni Jay.

"Ano?" inis kong tanong sa kaniya

"Besh. Alis tayo mamaya ha. Inom tayo. Na-chat ko na sina Niña, Chescha at Veronica. Kasama na rin ang ibang friends." excited na sabi ng bakla.

Mas nauna kong nahatala ang relo niya ngayon.

Bwisit talagang bakla to, show off ang gusto. Naka gucci watch pa. Ipa hold-up ko 'to eh.

"Ano game ka na ha! Sisipain ka namin ni Ely kapag hindi ka sumama." pahabol pa niya.

Dinamay na naman niya ako. Ang mga kaibigan kasi naming iba, sobrang open sa alak 'yon lalo na si Jay. Walwal lang ang alam niyan.

"Ewan" bagot kong sagot sa kaniya.

Hindi ko na siya pinansin pagkatapos. Ayokong sumama. Hindi naman ako umiinom. At mas lalong hindi ako kj, sadyang kakaladkarin ako ng kuya ko kapag nalaman niya.

Nang mag break time ay lumabas ako sa room. Pasimple pa akong dumaan sa canteen para makabili ng buko juice. Dumiretso ako sa benches malapit lamang sa building namin at doon muna tumambay.

I was already having a very good and peaceful time when one of our teachers suddenly talked to me.

"Miss Sandoval "

Napatayo ako sa kinauupuan ko dahil sa gulat nang may biglang tumawag sa akin. Muntik ko pang maibuga ang buko juice na iniinom ko.

Napatingin ako sa tumawag sa akin. Si Ma'am Gardose pala, teacher namin sa Chem at the same time, Adviser namin.

"Hala. Yes, ma'am? Ano po 'yon?" wala sa sarili kong sagot.

"Mabuti naman at nadaanan na kita rito. Please go to the office later, I need to give you some instructions about the presentation for Valentine's day. Ang result ng exam mo, hindi mo pa nakikita hindi ba?. Tingnan mo mamaya." mahabang litanya niya.

Valentine's Day? Sa February pa naman 'yon. Ang excited, January pa lang.

"Ah. Sige po ma'am. Pupuntahan ko na lang po kayo mamaya." mabait kong sagot sa kaniya.

Sobrang dami kong obligasyon ah. Gagabihin pa pala ako sa pag-uwi mamaya.

"Sige po ma'am. Salamat po sa info." nakangiti kong sabi sa kaniya.

"You're always welcome. Please, keep up the good work. Sige mauuna na muna ako may dadaanan pa ako sa faculty room." pahabol ni ma'am.

"Bye ma'am!" sagot ko ulit.

Pagbalik ko sa building, dumiretso na 'ko sa next class namin na nasa 3rd floor.

At around 1:30 PM, nandoon na ang teacher namin sa Biology. Namimigay ng test paper.

Wait, What? Testpaper?

MAY TEST BA?

Dali-dali akong pumunta sa upuan ko. Muntik na akong malate ah. Nakakabobo, hindi ako na inform sa test na 'to.

"All you need is your ballpen. Kapag may nakita akong ibang bagay maliban sa ballpen, sa ibabaw ng desk niyo, automatic minus 10 points. Kaya follow my simple instruction." giit niya pa

Ma'am naman, kakabalik pa lang namin sa school kahapon ah.

"Besh feeling ko lalabas atay ko" kinakabahang bulong ni Jay saakin

"Nag study ako. Kaso lang wala akong maintindihan. Last year pa 'yong lesson ah nakalimutan ko na tuloy." reklamo pa ni Ely

"Nasama ata sa fireworks ang utak ko besh. Baka piccolo at triangle ang maisagot ko mamaya." walang kwentang pahabol ni jay.

Natawa kami ng mahina sa tinuran niya. Napatingin si Ma'am sa banda namin, kaya natahimik kami.

Ipinapasa na ang mga testpapers mula sa harap papunta sa amin. Nahagilap ng mata ko si Alise na nasa tabi ko lang din, pero tulog.

Aba, ang tapang ng babaeng ito. Naglalaway pa talaga. Hinampas ko ng mahina ang ulo niya gamit ang G-tech kong ballpen. Kapag nasira ang ballpen ko, bilib na talaga ako sa katigasan ng bungo niya.

Noong una, hindi pa talaga niya naramdaman. Ako 'yong natatakot sa kaniya. Baka mahuli siya ni ma'am dito.

Hinipan ko lang naman ang tenga niya. Ayan, nagising

"Aww. Ang sakit ng tenga ko Kara! Patayin kita diyan eh!" she shouted.

Malakas ang pagkakasabi ni Alise kaya napatingin si Ma'am Gardose sa kanya.

"Baka ang grades mo ang patayin ko Ms. Cruz, para naman may mapaglamayan ka after this sem" nakakatakot na sabi sa kaniya ni ma'am kaya natahimik si Alise.

Pagkatapos niyang magsalita ay tumalikod na siya para ihanda ang timer.

Hala naman! May timer pa talaga!

"Shit. Mababaliw ako sa Bio. Ba't bigla'ng may quiz? " naiiyak na reklamo ni Alise pero mahina lang.

"Goals. Sabay tayong babagsak." sabi ko at nag-umpisa nang sumagot.

I was busy with my test paper the whole time. Hindi ko nga alam na patapos na ang oras namin. Nakakapagod pala sagutan ang mga tanong na 'di mo naman alam kung ano ang sagot.

"Cause of death, Bio." rinig kong sabi ni Justice nang matapos naming ipasa ang mga test papers.

Di ko alam kung matatawa ba ako sa reaksiyon niya o maaawa. Parang natatae kasi siya at the same time, parang naiiyak.

"Besh. Kapag hindi ako maka-graduate, alam mo na. Dalawin niyo na lang ako." Jay said, with too much panic in his voice. 

"Ang utak ko, wala na." mahinang usal ni Ely

"Hindi na ako masaya. Ang init ng ulo ko. Babalik na lang ako sa Australia. Magpapalamig ako ulit." si Alise, na parang tinakasan ng dugo sa sobrang putla.

"Lahat naman tayo nagulat doon. Kaya huwag kayong abnormal diyan." sabi ko

"Palibhasa may naisagot ka. Kaya ganyan mindset mo." usal pa ng bakla.

Inirapan ko na lamang. Masyadong praning. Tapos na, kaya move on dapat. Bawi lang.

"Class, I will dismiss you early dahil may gagawin pa ako. Pwede na kayong umuwi. Wala rin ang teacher niyo for last period." sabi ni Ma'am na nagpasaya sa lahat.

"Yes! Let's go people. Let's partyyyy!" si bakla sabay kuha ng bag niya at hinatak na si Ely. Parang hindi na-praning kanina sa test ah.

"Kayong dalawa bilisan niyo. Tatawagan ko na ang iba para naman makalabas sila ng school nila as early as possible." hirit pa niya sa amin ni Alise.

"Susunod ako, ma-una na kayo. Aayusin ko pa ang bag ko." sabi ni Alise.

Mabilis ang galaw ni Alise. Excited ata uminom. Hinayaan ko na sila. Bahala sila sa buhay nila. Hindi ako sasama.

"Alise. Sabihin mo na hindi ako makakasama ha. Pupunta pa ako kay ma'am. Ingat kayo" paalam ko sa kaniya.

"Okay girl. Bye!" sabay beso niya sa akin at tumakbo na palabas.

At dahil kailangan ko pang e-meet si ma'am sa faculty room, bumaba na ako sa second floor.

I saw our teacher at the corner of the said room. I languidly walked towards her and gave my greetings when I'm already in front of her. 

"Good afternoon, ma'am" bati ko sa kaniya.

Napatingin siya saakin at ngumiti.

"Kakatapos lang ng klase niyo?" tanong niya habang may kinukuha sa drawer ng table niya.

"Opo, ma'am." sagot ko ulit.

"Heto na ang results ng exams mo. Hindi mo raw kasi natingnan sabi ng mga kaklase mo kahapon." sabay pakita ng papel.

Akala ko bagsak. Buti naman puro line of 9 pa ang scores ko sa lahat ng subject. Ang galing pala kapag hindi nag-aaral ng mabuti. I almost laugh because of that thought.

Ibinalik ko na ang papel kay ma'am. She explained the details about our presentation for the upcoming Valentine's celebration. 

"Kaya kailangan, madisiplina mo 'yang mga kaklase mo. May mga sungay pa naman sa ulo."

Napatawa ako sa turan niya. Medyo totoo. Pati ako may sungay na.

"Excuse me." singit ng isang lalaki sa likod ko

"Oh Ismael, bakit napa-rito ka?" Sagot ni ma'am sa nagsalita.

Pumagilid na lang ako. Hindi ko na hinarap 'yong lalaki. Kinuha ko na lang ang phone ko sa bag para mag text kay kuya na hintayin nila ako.

"Hindi ko mahanap si Andrei. Baka nauna na po umuwi. Napadaan ba siya dito?" dagdag pa nung lalaki.

"Hindi naman. Kanina pa natapos ang klase nung batang 'yon ah. Wala ba sa gym? Nakikipag-usap ako dito kay Ms. Sandoval kaya hindi ko namalayan." sabay turo ni ma'am sa akin kaya napaangat na rin ako ng tingin. Napadako ang mata ko sa kausap nito.

Nanlaki ang mga mata ko nang ma realize ko kung sino ang lalaking 'to!.

Ang walang modong lalaki na mang-aagaw! .

Mukhang nagulat din siya pero napalitan agad iyon ng nakakalokong ngisi.

"Nice to see you again, taxi girl." sabay mahinang tawa ng antipatikong lalaki.

Bumalik ulit lahat ng inis ko sa kaniya. Bakit kailangan namin magkita sa ganitong sitwasyon? 

"Magkakilala kayo Kara?" takang tanong ni ma'am saakin.

"Hindi po ma'am. Nakasabay ko lang siya sa daan, once." pakikipag plastic ko pa, para lang hindi mahalata na sobrang inis na inis na ko.

"Ismael, eto nga pala si Kara one of my top students at President ng class ko. Kara, eto si Ismael, pamangkin ko." pagpapakilala pa ni ma'am.

Aba wala akong pakealam sa walang modong lalaking 'to.

Hindi ko na lang pinahalata kay ma'am. Baka kung ano pa ang masabi sa akin.

"Nice to meet you." plastic kong sabi sa kaniya. Ginantihan pa ako ng nakakainis na ngisi. Napairap tuloy ako.

"By the way ma'am, aalis na po ako. Kailangan ko na po umuwi." dagdag ko pa. Baka maubos ang dugo ko sa lalaking 'to.

"Sige Ms. Sandoval. Ingat" sagot ni ma'am.

Ngumiti ako sa kaniya at naglakad na paalis

"Mauuna na rin ako, tita" rinig kong sabi rin ng manok sa likod. Napairap ulit ako at binilisan ang lakad.

Bago ko pa mabuksan ang pinto, may nauna na. Napatingin ako sa bwisit na lalaki.

Mang-aagaw na nga, paharang-harang pa.

"It's nice to finally know your name, taxi girl."

Bulong niya saakin bago siya lumabas ng pinto na parang hindi niya ako ininis ng todo.