Kabanata 54 Agony

Kinabukasan, pinuntahan niya sa kwarto si Kaye. Umupo siya sa gilid nag kama. Concern siya sa kaibigan. Mukhang may malaking problema ito. Hindi ito umiinom ng alak. “Kumusta na ang pakiramdam mo?”

“Maddie, I’m so sorry. Hindi ko alam kung ano ang nangyari kagabi. Wala akong matandaan. Sabi lang sa akin ni yaya Mina na hinatid ako ni Noah. Dahil sa akin, nagkita ang mag-ama. Huwag kang magalit, please.”

“Shhhh! Matagal na nilang alam na mag-ama sila. Nagsabi sa akin si Eli. Anyway, nangyari na. Huwag mong sisihin ang sarili mo. Pero bakit ka naglasing kagabi? May problema ba?”

“Wala naman. Medyo nagkasagutan kami ng kapatid ko. Naisipan ko lang magpalipas ng oras sa bar. Napadami na pala ang nainom ko. At aksidente kong nakita si Noah sa bar na mag-isang umiinom.”

“Look, kapag may problema ka, magsabi ka lang sa amin ni Caleb. Kapatid ang turingan natin.”

“Oo alam ko naman ‘yun. Ayoko lang na sumabay sa celebration ninyo at magdala ako ng problema. I can handle. Pupuntahan ko ang kapa