CHAPTER 4

     "LUKE, you in?" Hinihingal na idiniin ni Luke ang telepono sa kaniyang tainga. Sumagot siya sa kaklase bago tuluyang ibinaba ang tawag. "Sige. No problem."

Nahuli ng ilang minuto si Luke sa pagsundo sa mga bata. Marami kasi siyang tinapos sa kanilang paaralan kaya naman hindi niya namalayan ang oras. Noong matapos siya, dali-dali siyang nanakbo hanggang sa makita siya ng isa niyang kaklase at inayang isabay papunta sa eskwelahan ng mga bata.

Ginalugad ng tingin ni Luke ang gate ng eskwela bago tuluyang pumasok. Nang makitang wala ang mga bata ay saka na siya tumakbo papunta sa playground.

Si Tanya ay kanina pang natapos sa klase. Si Travis ay mayamaya pa ang labas.

"Gotcha!" tili ng isang bulilit kasabay ang pagyapos nito sa baywang ni Luke. "I caught you, kuya!"

Nakahinga siya nang maluwag. "Tanya, kumusta ang araw mo, hmn?"

Nakasuot ng mahabang palda ang batang babae. Umabot ito sa bukong bukong. Ang mahaba nitong buhok ay nakapusod. Batang bata pa man ay mukha na itong dalaga dahil sa hitsura nito. Astang college student na stressed sa gawain. "Gusto mo bang ayusan kita? Hindi pa lumalabas si Travis."

Pinalobo ng bata ang pisngi bago sumagot. "Okay! I won't promise that I'll be good in it. Ayaw ni Uncle Logan na nag-pe-pretty ako, e."

"Bakit naman?" Inalis ni Luke ang suot na jacket at ibinuklat ito sa damuhan. Pinaupo niya si Tanya rito habang siya'y umupo sa likuran ng bata. Habang hinihintay si Travis ay aayusan niya muna ito. "Dapat pretty ka kasi only girl ka namin."

"Hmn. I don't know too. Ayaw niya daw na magka-boyfriend ako." Ngumiti si Tanya. "Okay, please fix my hair then."

'Magka-boyfriend?' Halos mapahalakhak doon si Luke. 'Masyado ka pang bata para pagbawalan!' Baka nga ay hindi pa nito alam kung ano ang ibig sabihin ng pagnonobyo.

"You're pretty." Maingat na sinuklay ni Luke ang buhok ni Tanya gamit ang mga daliri. Kahit kasi suklay ay wala ang bata sa bag nito. Kakausapin niya si Logan tungkol dito. Dapat habang bata pa ay marunong ng mag-ayos ang mga ito dahil ang first impression ay matagal na tumatatak! Isa pa, dapat masanay ang mga bata na maging presentable at maayos ang pananamit. "Siguro nakuha mo 'yan sa mommy mo, ano?"

"Yes po." Nanatiling tuwid ang likod ni Tanya. Takot na maistorbo ang pag-bi-braid ni Luke. "I heard something before. Kuya Luke, ang sabi nila si Uncle Logan ay may gusto sa mommy ko."

Napamulagat si Luke dahil doon. Huminto ang mga kamay niya sa pagkilos. Kahit ang bibig niya ay nagbukas-sara at hindi alam kung ano ang sasabihin. "Sinong nagsabi sa 'yo niyan?"

Tanya smiled sheepishly. "Si Kuya Travis! Hindi siya magsisinungaling sa akin. I know what he said was real."

Tumango-tango si Luke at nakinig sa mga sinabi ni Tanya pagkatapos noon pero hindi niya naman talaga ito naisasaulo.

Si Logan ay may gusto sa ina ng mga bata?

Kung ganoon ay kaya naman pala hindi ito malapit at napakaistrikto pa kina Travis at Tanya!

Hindi man tsismoso si Luke ay napukaw ang kaniyang interes. Tungkol ito kay Logan. Dapat alam niya ang mga kahinaan nito. Ngunit tama bang pati ang bagay na ito ay pagkainteresan pa niya? Sigurado siyang pati ang mga bata ay nalilito. Mukhang matagal na nila itong kinikimkim at naghahanap ng kumpirmasyon kaya ganoon na lang ang tiwala ng mga itong sabihin iyon sa kaniya.

Puwede kayang tanungin niya si Logan tungkol dito? Tutal ay para iyon sa ikatatahimik ng mga bata.

'Ang mga bata nga kaya?' kuwestyon ni Luke sa sarili. Umiling siya at pinandilatan ng mga mata ang kalangitan. Mula noong mag-usap sila ni Logan kagabi, sa kaniyang isip ay nagbago na rin ang pananaw niya rito. Masama si Logan pero hindi sa puntong ganoon na kagrabe.

Pinalakas ni Luke ang loob at nagpasya. Tatanungin niya si Logan mamaya.

     "LOGAN!" Umigkas si Felix sa bolang papel na nilukot mismo ni Logan. Humalakhak ito dahil problemado niyang ekspresyon. Sumigok-sigok pa ito bago siya binuyo. "Nako, ha, iba pakiramdam ko sa batang 'yan. I've seen him. He's hard working, fine. Pero may kutob akong medyo pusong babae 'yang si Luke."

Logan shrugged. Tumunog ang kaniyang telepono. Mabilis na sinilip ni Logan ang pangalan ng tumatawag bago diretsong pinatay iyon. 'Istorbo.'

"What? She's still coming on to you?" Ngumisi si Felix. Umiling si Logan bago humugot ng hangin. "Unfortunately," sagot niya.

"Woah!" Manghang lumapit si Felix sa kaniya. "Why not make a deal with her, then? Kung kaya niyang bantayan ang mga sisiw mo sa bahay, marry her."

Nalukot ang mukha ni Logan. "Hindi ako ganoon kababaw."

Felix rolled his eyes. "Maniniwala na sana ako diyan kung hindi mo lang ako tinawagan kagabi at inaming nagseselos ka kay Luke kasi mas gusto na siya ng mga bata." Huminto ito ng ilang segundo bago bumunghalit ng tawa. "Logan, nababaliw ka na ba? You hired him for that tapos ikaw 'tong ganiyan."

Logan kept a straight face but his gums is itching from the need to grit his teeth. "Nag-sorry ako kaagad. That shows that I'm still mature—"

"—you said sorry after I've scolded you," kastigo ni Felix, "admit it. Mali ka naman talaga kagabi."

"Fine. Mali ako kagabi." Logan eyed Felix' unfinished lunch. "Hindi binabae si Luke. He's just a sweet kid."

Naningkit ang mga mata ni Felix. "Sweet."

Kumibot ang labi ni Logan dahil sa pagkukuwestyon ni Felix. Umiling siya't ibinida si Luke upang ipakita na hindi na siya nagtatago ng sama ng loob sa lalaki. "Actually, ever since he came, naging mas tahimik na ang bahay—" 'Dahil sa kuwarto na sila nag-iingay palagi at hindi na sa sala.' "—the kids are fed in the exact time—" 'Yeah, that kid can cook. I am convinced.' "—at hindi na ako nag-aalala tuwing hapon at nasa eskwela pa sila dahil nag-te-text lagi si Luke sa akin. See? I do appreciate him."

Felix guffawed. "Logan, para ka talagang bata!"

Logan threw his hands up. Sumenyas siya na umalis na si Felix upang makapag-umpisa na siya sa kaniyang trabaho. Hindi niya gusto ang tabas ng dila nito kapag siya ang kinukutya. Lagi itong tuwang tuwa sa kaniya at nangangati na siyang bangasan ito.

Logan's phone issued an angry tone. Pinakatitigan ni Logan ang pangalan ng tumatawag bago nababagot na pinatay ito muli.

 "But seriously though, Logan. My intuition never disappoints. 'Wag mo sabihing hindi mo napapansin ang kakaibang kilos ni Luke?" Felix sighed. "Either he's gay or bi."

Logan lowered his eyes. Nakaharap sa kaniya ang blankong presentation. Kumikilos ang kaniyang mga kamay ngunit walang nababago sa monitor.

Napapansin niya ang sinabi ni Felix kay Luke. Imposibleng hindi. Natutukoy niya ang interes at mga tanong sa mga mata nito. Sa katunayan ang sagot niya ay 'hindi puwede'.

Logan is a straight man. At kahit pa maging silahis siya ay hindi niya pipiliin si Luke. Si Luke ang taong bersyon ng salitang 'komplikado'.

'But those eyes are indeed worthy of attention.' Sumandal si Logan sa silya at nagpasyang sagutin ang tawag ng babaeng kanina pa tumatawag sa kaniya. Kailangan niya ng makakausap ngayong gabi upang alisin ang kaniyang pagkalito.

"Hey, baby? Salamat naman at sumagot ka na!"

Logan fixed his glasses. "Miley."