Chapter 24

Hindi pa tapos ang event ay nagpaalam na si Erries, upang umuwi at makapagpahinga. Hinayaan naman siya ni Cassy at hindi na siya nito nagawang ihatid dahil nga nakainom na rin ito. Hindi naman nakalapit si Lance kay Erries dahil sa mga taong nasa paligid. Tiningnan lang niya itong makaalis ng event. Nais niya pa sana itong kausapin pero mukhang pagod nga ito dahil sa event.

Samantala, nang makarating si Erries sa kanyang bahay ay nakita niya ang kotse ni Julliana at nasisiguro niyang nasa loob ang kanyang kaibigan. Pagpasok niya sa pinto ay nagulat siya nang may sumabog na confetti.

"Congratulations bessy!" masayang sigaw nito.

Natawa na lang si Erries dahil sa ginawa nito at talagang naghanda ito ng pagkain, saka tarpulin kung saan naroon ang kanyang mukha.

"Tsss, tapos na akong naka-graduate. Hindi mo na kailangang gumawa ng ganyan," tukoy niya sa tarpulin na nakita niya.

Natawa si Juliana matapos niyang ituro ito. Lumapit ito sa kanya at yumakap sa braso nito.

"C'mon, I'm just happ