Chapter 9

“Nasaan naman kaya silang dalawa?” tanong ni Theon habang hinahanap ang kambal nila.

“Kapag may nangyaring masama sa kanilang dalawa, it was all your fault Neo.” biglang sabi ni Deimos habang naglalakad sila na ikinalaki ng mata ni Neo.

Natawa naman si Theon dahil doon, hindi naman na maka-angal pa si Neo dahil alam ‘din naman niya na may kasalanan siya.

Habang naglalakad sila, papalapit na sila ng papalapit sa school. Maya maya pa ay nakita na ‘rin nila ang isa sa kambal nila.

“Hush! Ako gugulat sa kaniya!” agad na sabi ni Neo na tatawa tawa ng mahina at tahimik na tumakbo papunta sa likuran nito.

Nakita kasi nila ito na nagtatago sa isang puno. Malamang na mayroong kalaro ang mga ito lalo na at nasa park sila. Hinayaan naman nila si Neo at nanood nalamang.

Habang papalapit si Neo ay mas lalo siyang natatawa lalo na’t alam niya na magugulat ito at maiinis. Gustong gusto pa naman niya na iniinis ang mga ito. Silang dalawa ni Theon ang pasimuno inisin ang dalawa.

“Hoy!”