Chapter 2

Pero makapal ang balat nito kaya kinukulit siya nang kinukulit.

Huminga muna siya nang malalim. Kulang sa pang-unawa si Marius kaya hindi uubra na sabayan niya ang galit nito. Kailangan niyang utuin si Marius para tigilan siya kahit ngayon lang. Isa pa, ayaw niya rin na may masabi siyang masakit na salita na mas dadagdag sa sama ng loob nito. Hindi niya naman kasi ito masisisi kung patay na patay ito sa kanya. Wala e, diyosa siya. 

"Marius... can we talk, baby? Like a two sensible adults? Hmm?" Mas pinalambing niya ang boses niya. Hinawakan niya pa ang kamay nitong mahigpit na nakakapit sa braso niya at marahang hinaplos iyon. Saglit na tinitigan siya nito pero mayamaya rin ay lumuwag na ang pagkakahawak sa kanya. Kinuha niya ang kamay nito at ginagap.

"I know what you feel, baby... and it's... normal..." umpisa niya. Parang maamong tupa naman itong nakikinig sa kanya. Mabilis naman siyang naghahagilap ng idudugtong sa sasabihin niya. Inagat na ingat siyang ma-trigger na naman si Marius. Ang kaso wala siyang maisip. Wala pa kasi siyang almusal, ni hindi pa nga siya naghihilamos. Napakaaga naman kasing mambulabog ng letse na 'to.

Napansin naman ata ni Marius na inuuto niya ito kaya mabilis na binawi nito ang kamay sa kanya at muling bumalasik ang mukha.

Shit!

"Inuuto mo lang ako! D'yan ka magaling, sa pang-uuto mo!" halos mayanig ang buong condo niya sa lakas ng sigaw ni Marius. Natakot siya. Lalo na ng para itong baliw na nagpaikot-ikot sa harapan niya habang sabu-sabunot ang buhok.

Napaatras siya nang huminto ito sa harapan niya at duru-duruin siya. "Hindi ako papayag na basta mo na lang ako itapon, Erika! Kung hindi ka mapapasakin, mabuti pa patayin na lang kita!"

Nahindik siya huling sinabi ni Marius. Nabaliw na nga nang tuluyan. Bumunot ito ng baril mula sa likod ng pantalon nito at itinutok sa maganda niyang mukha!

Shit! I'm gonna die!

Kung nalaman niya lang na baka ito ang huling araw niya sa mundo e, di sana nag-ayos muna siya, kahit ng kilay man lang. Nakakahiya kapag nakita ng SOCO ang bangkay niya. Pi-picture-an siya. Ipapakita sa pamilya at kaibigan niya. Baka nga lumabas pa sa internet at mag-viral siya.

Shit! Ang haggard niya if ever. Makaligtas lang siya ngayon hindi niya kakalimutang puntahan ang prettyworks para ipa-microblading ang kilay niya saka gusto rin niyang subukan yung bb natural blush.

Mariin siyang pumikit. Dumaan sa isip niya ang mga magulang, naiiyak siya kasi ngayon niya lang napagtanto na ang huling pag-uusap nila ng daddy niya ay nagsisigawan sila. Di man lang siya nakapag 'I love you' pero sabagay di naman uso sa kanila yon. Mami-miss niya rin ang lolo Damien niya. My gosh mas mauuna pa niya sa langit sa lolo niya. Pero sa langit nga ba ang punta niya? Sa dami ng kasalanan niya, papasukin kaya siya ni San Pedro--

Nahinto siya sa pag-iisip at mabilis na nagmulat ng mga mata nang makarinig ng lagabog. Yumuko siya at nakita niya roon si Marius, nakadapa at duguan ang ulo. Nagkalat din ang basag na vase sa sahig.

"Shit, mahal yang chinese vase na yan!" mura niya ng mapagtanto kung anong vase ang nabasag. Dala 'yon ng mommy niya mula sa collection nito para naman daw magkaroon ng class ang condo niya.

"O-okay ka lang, girl?" nanginginig ang boses na tanong ni Patty, ang humampas ng vase sa ulo ni Marius. Sa buong buhay niya ngayon lang siya natuwa na makita ang kaibigang si Patty o Pedro. Nanlalaki ang mga mata nito at tagaktak ang pawis. Halatang shock ang accla.

Bigla siyang napaiyak. Akala niya katapusan niya na talaga. Sa sobrang katuwaan nilundag niya si Patty ng yakap. Malaking lalaki naman ito kaya kayang-kaya nito ang bigat niya.

"Oh my ghaaaad, Pattyyy! Omo, akala ko mamamatay na ko!" humahagulgol na sumbong niya rito. Sobrang saya niya at dumating si Patty dahil paano na lang kung hindi? Sa sobrang tuwa niya pinupog niya ng halik sa mukha ang kaibigan. Ambango. Amoy baby.

"Stooppp! You, witch! Pinagsasamantalahan mo 'ko!" malakas na tili nito at diring-diri na tinanggal ang pagkakapulupot ng mga binti niya sa baywang nito. "Shit! Ang lagkit ng laway mo! Yuck!"

Malakas na natawa siya dahil sa reaksyon nito. Bumitiw na siya rito at muling hinarap si Marius. Muli, bumalik ang takot niya. Muntik na siyang mapatay ni Marius kung hindi dumating si Patty.

"Is he dead?" natatakot na tanong niya. Hindi na kasi gumagalaw ang binata sa pagkakadapa nito. May dugo rin na umaagos sa ulo nito.

"Holy mother of Jesus! N-napatay ko ba siya?" kabado ring tanong ni Patty na umusog papalapit sa kanya. Magkatabi silang nakatunghay sa nakadapang si Marius. Pareho silang kabado na baka nakagawa na sila ng krimen.

"Papasa kayang self defense kung napatay mo siya?" tanong niya kay Patty na nilingon ito sa tabi niya.

Nandumilat naman ang mata nito. "Bruha, ba't ako lang? At talagang ididiin mo 'ko? Inggrata!"

Pinandilatan niya rin ito ng mga mata. "Ikaw ang humampas eh!"

"Oh, shit!" sabay na mura nila ngang umungol si Marius.

"Buhay pa!" bulalas ni Patty.

"Pukpukin mo uli!" takot na utos niya sa kaibigan.

"Gaga!" singhal nito sa kanya sabay pagpag ng kamay niyang nakakapit sa manggas nito.

Malakas naman siyang napatili nang hawakan ni Marius ang binti niya. Buhay pa nga ang hayup! Sa sobrang takot na nararamdaman niya agad niyang pinagpag ang paa. Hindi na niya alintana na nasipa-sipa na niya ang mukha ni Marius kaya naman umuungol na nabitawan siya nito. Nagmamadali naman siyang tumakdo. Dinaanan niya pa ang cellphone niyang nakapatong sa console table saka dali-dali lumabas ng condo niya.

"Hoy, luka-luka, hintayin mo 'ko!" sigaw ni Patty na nakasunod rin sa kanya.

Sa elevator na siya nito inabutan. Nakahinga siya nang maluwag nang sumara na ang elevator. Hinihingal na nilingon niya ang kaibigan. Natawa na siya sa itsura nito. Namumutla at pawis na pawis.

"Letse ka talaga! Pagkatapos kitang iligtas iiwanan mo ako! Walang utang na loob!" talak nito sa kanya.

Sumandal siya sa dingding ng elevator para kumuha nang lakas. Nakakawala ng ganda ang eksena kanina.

"Damn all men!" mura niya nang mag-sink in sa kanya ang lahat ng nangyari.

Lumambot naman ang ekspresyon ni Patty at may pag-aalalang hinawakan siya sa braso.

"Ano'ng plano mo? Malamang na hindi ka tigilan ni Marius?"

Marahas na napabuga siya ng hangin. "I'm going back home," aniya na tila nanlulumo. Wala siyang choice kundi ang bumalik ng San Ignacio para makapagtago kay Marius.