Kabanata 962

Pinatawag ni Thomas ang isa sa mga tauhan niya. “Ipakuha mo ang batang babae.”

Nagulat ang tauhan, pero hindi na siya nagtanong pa at lumabas na lang.

Tiningnan ulit ni Thomas si Nolan at kumunot ang noo. “Ikaw ba si Nolan Goldmann ng mga Goldmann?”

Narinig niya na ang tungkol kay Nolan, pero hindi niya pa ito nakita sa personal, at bihira niyang bigyang pansin ang mga balita mula sa mainland.

Inayos ni Nolan ang damit niya, at bahagyang nabawasan ang lamig sa mga mata niya. “Opo, Elder Master Clifford. At sana maintindihan niyo na hindi ko intensyon na saktan ang mga tauhan niyo sa pagpunta ko dito.”

Bigla naman nagtanong si Thomas, “Anong pangalan ng nanay mo?”

Naningkit ang mga mata ni Nolan. “Malapit naman ang relasyon niyo kay Madam Knowles. Hindi niya ba sinabi sa inyo ang pangalan ng nanay ko?”

Hindi sumagot si Thomas.

Pinagpagan ni Nolan ang manggas niya. “Ampon ng mga Knowles ang nanay ko, siya si Natasha Knowles.”

Natigilan ulit si Thomas at natulala. Bigla siyang na