Chapter 7 - The First String

Kapwa hirap si Lily at Maymay sa pagbibitbit ng kanilang mga pinamili mula sa palengke. Isang sapad ng saging saba at isang basket na puno ng isdang tilapia ang dala-dala ni Lily samantalang sampung kilong bigas naman ang kay Maymay. 

“Oh my gas-bigas! Anak ng tilapia naman oh! Ang layo na ng nilakad natin wala pa ring tricycle na nagpapasakay.” Reklamo ulit ni Maymay.  

Maya’t-maya ang ginagawa nitong pagsusumpa sa mga tricycle na dumadaan ngunit tumatangging pasakayin sila. Ang iba kasi ay may mga karga ring samu’t-saring gulay at kakanin habang ang iba naman ay pakiyawan ang biyahe. 

Si Lily man ay nahihirapan na rin sa bigat ng mga dalahin. “Dalawang araw na lang kasi at fiesta na. Baka kagaya natin, last minute na pagbili na rin ang ginagawa ng ilan.” 

Napapadyak sa lupa ang dalagita dahil sa tinuran niya. “Tweeeh! Ang beauty ko – “ 

“Ay beauty pa rin...” Kagyat na dugtong ni Kaloy sa gagawin sanang pagsisintir muli ng dalagita. ‘Di man lang nila namalayan ang paglapit nito sa kanila. 

Teka...teka...tekaaa! Nandito si Kaloy. Ibig sabihin – Dahil sa dagliang paglingon ng dalaga ay hindi niya napansin ang isang malaking bulto na nakasunod sa kanya. Tuloy ay napasubsob ang beauty niya sa dibdib nito. Dahil sa gulat ay bigla siyang napaatras at muntik nang mawalan nang panimbang. Buti na lang at maagap nitong nahawakan ang magkabila niyang balikat at nahila siya palapit sa katawan nito. Muling napadikit ang mukha niya sa dibdib nang lalaki. Muscles… check! Abs…mukhang double check!

“Are you really that excited to see me?” Aliw na aliw na turan ng baritonong tinig. He was looking down at her, smiling. 

Nang mapatingala si Lily sa mukha ng lalaki ay ‘di niya napigilang mahigit ang hininga. The guy was ridiculously gorgeous upclose! Kung sa malayo ay ulam lang, sa malapitan ay ala king meal ito. But the one best thing that drew her was his eyes. They were dark, mysterious and consuming. Chaaar! ‘Di niya mapigilang mapalunok. And those lips – 

“Eherm! Ang susunod na programa ay may temang nangangailangan ng striktong patnubay at gabay ng magulang.”  

Napapitlag silang pareho ni Miguel at dali-dali silang naghiwalay.  

“Intense ah!” Pangiti-ngiti pang dugtong ni Maymay. 

Lupaaaa! Lamunin mo ako! Pakiramdam ni Lily ay puputok ang ulo niya sa pag-uunahan ng pag-ragasa ng kanyang dugo sa mukha. 

“’Wag na lang natin silang istorbohin.” Patawa-tawa namang tukso ni Kaloy.  

Kinuha na nito kay Maymay ang dala nitong bigas at bahagya pang yumukod. Inilahad pa nito ang kamay sa daraanan. “Ladies first.” 

Kaagad na naglakad palayo ang dalawa habang nagbubulungan. Napapalo pa sa balikat ng binata at napahagikhik si Maymay dahil sa sinabi ng binata rito. 

Naiwan silang nakatayo at nagpapakiramdaman ni Miguel. Nahihiya siyang tumingin sa huli. Ahhh...ehhh ano bang magandang sabihin? Huhuhu

Nagulat na lang siya ng biglang kunin ng lalaki ang kanyang mga dala.  

“Ah ako na niyan.” Alanganin niyang tugon. Akmang babawiin na sana niya rito ang basket. 

“Na-eye-rape mo na ako’t lahat, mahihiya ka pa ba?” Tudyo nito sa kanya. 

“Graaaahh! Unbelievable!” Kakaripas na sana siya ng takbo palayo rito ngunit mabilis nitong nahawakan ang kanyang braso.  

“Hoooy! Grabe ka naman. Ako na nga nagdala nito, iiwan mo pa ako?”  

“Bakit? Sinabi ko bang kunin mo ha?” Inis na tanong niya rito.  

At ang kumaaag! Ngiting-ngiti pa sa kanya. Hahalikan ko na ‘to! Este babalian ng buto pala! Napaismid siya sa kanyang naisip. 

“Okay… sorry na. Peace na tayo.” Nagbeautiful eyes pa ito. 

“Isa pa, pagsumunod ka kina-Maymay, baka masira ang diskarte ng alaga ko. Kaya…please...sa’ken ka na lang sumabay.” Nagsusumamo pa nitong dagdag. 

Nagdadalawang-isip siya. Napatingin siya sa direksiyon tinahak nila Maymay at Kaloy and then glanced back at Miguel. 

“Sige na…promise I’ll behave at hindi na kita aasarin.” Nagcross-my-heart pa ito sa kanya na animo balewala rito ang dala.  

Humalukipkip siya at nagpatiuna ng lumakad. Kagyat naman na sumunod ang lalaki sa kanya. 

“So, hindi pa pala talaga tayo pormal na nagkakakilala. Miguel nga pala.” Maya-maya ay wika nito. Animo gusto sana nitong ilahad ang palad ngunit hinahadlangan ito nang mga bitbit nito. 

Tinapunan niya ito ng tingin. “Emilyn. Lily for short.” Tipid niyang tugon. 

“Now that we’re formally introduced, pwede na rin ba tayong maging magkaibigan?” 

Napahinto siya sa paglakad dahil sa sinabi nito. And when she tried to look at him, she found that he was already staring at her. Heto na naman po kami sa staring contest namin.

Syempre pa, siya na naman ang unang umiwas. Tumikhim siya at nagpatuloy sa paglakad. 

“Hmm… pag-iisipan ko.” Palihim niyang sinilip ang naging reaksiyon nito.  

Nakakunot-noo ang binata. Tila pinag-iisipan nito ang susunod na sasabihin. She found his expression cute lalo pa at napapakagat-labi ito. Matapos niyon ay nawalan ito ng imik. 

Pakipot pa kasi! Nagbehave na nga oh. ‘Yan tuloy mukhang silent treatment tayo. Gusto na niyang sabunutan ang sarili dahil sa sinabi. Kung hindi lang siya magmumukhang timang ay literal niyang kakainin ang hangin para mabawi ang binitiwan niyang salita.  

“So napag-isipan mo na ba?” 

Nagulat pa siya ng bigla na lang itong nagsalita makaraan ang ilang minutong pananahimik.  

“Ha?” Napatanga siya rito. 

There he goes again, staring intently at her with those piercing dark eyes. Kanina ko pa puring-puri ang mga mata mo. Ba! Kala mo! Kung may sariling katauhan lang ang kanyang isip, malamang kanina pa ito nagpakendeng-kendeng sa harap nang lalaki. ‘Wag kasheee..

“Diba sabi mo pag-iisipan mo kung pwede mo akong maging kaibigan? Napag-isipan mo na ba?” Tila batang tanong nito sa kanya. 

Natawa siyang bigla. She sighed. “Talagang niliteral mo ah?” Tumawa pa ulit siya. “Sure…friends na tayo.” 

Umaliwalas naman kaagad ang mukha nito. And he smiled…oh that heart-stopping smile. Yaaaarn! Ganyaaarn! Konti pa at titigil na sa pag-ikot ang daigdig! Hiyaw ng malanding isip niya. 

….... 

Miguel P.O.V 

Dagli siyang napangiti nang tanggapin ni Lily ang kanyang pakikipagkaibigan. Nothing’s wrong with being friends, right? Basta ang alam niya, magaan ang loob niya sa dalaga. He liked it when she is around. 

“Kanina pa ba kayo nakasunod sa’min?” Narinig niyang usisa nang dalaga. 

Natawa siya nang maalalang mukha silang stalker ni Kaloy sa pagbuntot kina Lily at Maymay. On his defence, gusto na niyang lapitan ang dalawa. Ito lang si Kaloy, gusto pang mag-ipon nang self-confidence. 

“Mhmm... natanaw namin kayo kanina sa palengke. Medyo natagalan lang kami kasi kinailangan pa naming ligpitin ‘yung pwesto.” Paliwanag niya. 

“Ibig sabihin, naubos kaagad ang paninda ninyo?” Manghang tanong naman nito. 

“Yeah, daming namamakyaw. Isa pa, ang gwapo kaya nang tindero.” He smiled coyly at her. 

Itinirik naman nito ang mga mata bilang tugon. “Luh! Signal #3 na po ‘yung hangin, please lang wala akong makakapitan.” 

Pinanlakihan niya ito nang mata. “Okay lang ‘yan, Lily. Alam ko namang gustong-gusto mong kapitan ang mga braso ko, nahiya ka pa. ‘Eto na oh, free invite.”  

“Aba talaga naman! Kapal ah!” Pinalo pa siya nito. Napahalakhak siya. And he’s back to teasing her.  

Hindi naman talaga niya ugaling mang-asar, lalo pa at babae. But there’s something about this woman that brings out that side of him. Nakucute-tan siya rito kapag nagbablush ito, may it be because she’s shy or annoyed. 

Nag-alala naman siyang baka tuluyan itong mapikon. He was just getting on her good side. Nag-eenjoy rin siyang kausap ito at ayaw niyang ma-silent treatment. 

Inilihis na lang niya usapan. “Maraming nga pala akong napansing mga bakasyunista kanina. Parang mga kagaya mo ring taga-Maynila.” 

Akala niya ay tuluyan na itong naasar sa kanya dahil nawalan ito nang imik. Nang tapunan niya ito nang tingin, napansin niyang wari ay may malalim itong iniisip. Pag-aalala ba ang nababanaag niya sa mga mata nito? 

Humarang siya sa daraanan nito at yumukod upang maging magka-eye level sila. Nagulat naman ito sa ginawa niya. Hindi niya tuloy napigilan ang sarili na pagmasdan ito. Kay amo-amo nang mukha.

“Ayos ka lang?” Malumanay niyang tanong rito.  

Napatango naman ito bilang tugon. Umiwas ito at nagpatuloy na sa paglakad.  

“Malapit na kasi ang pista.” Tugon nito maya-maya. He stared at her intently. Ayaw naman niyang manghimasok na lang basta kaya pinalagpas na lang niya iyon. 

Speaking of fiesta, naalala niyang may sayawang magaganap sa gabi nang bisperas. Pupunta kaya ito? For sure, maraming lalapit at mag-aaya ritong makisayaw. Lily is undeniably beautiful after all. Hindi niya alam pero biglang bumigat ang kanyang pakiramdam. Ipinilig niya ang ulo upang maalis ang mga nasa isip.  

“Ah oo, tutulong nga kami ni Kaloy bukas kina Kapitan Andoy.” Pilit niyang ibinalik sa normal ang usapan. 

“Ano pa bang ibang ganap bukod sa sayawan?” Tanong pa ni Lily. Mukha namang nakabawi na ang dalaga at maayos na ulit ang mood nito. 

“Ang alam ko, may mga palaro na gagawin. Bukas ko pa malalaman kung ano ang mga ‘yun pag nagmeeting na kami nina Kap.”  

Muli itong napatango sa mga sinabi niya. “Hoy, baka nabibigatan ka na sa mga pinamili ko.” 

Natawa siya. “Ito ba?” Sadya pa niyang iniangat sa harap nang dalaga ang mga bitbit. “Parang ‘di ko nga ramdam eh.” Pabiro pa niyang I-flinex dito ang biceps niya. 

Umingos naman ito. Nakita niyang nanulis pa ang nguso nang dalaga. “Yabang!” 

“Well, I accept free massage bilang pa-thank you.” Nakakaloko siyang ngumiti rito. 

Napamulagat naman sa kanya si Lily. “Wow! Akala ko pa naman bukal sa kalooban.”  

Malakas siyang napatawa sa itsura nito. Halatang naasar na naman ito ulit sa kanya.  

…........ 

Marami silang napag-usapan ni Miguel habang nasa daan. Sa umpisa eh patungkol sa pista. Nabahala pa nga siya dahil nabanggit nang lalaki na marami itong namataang mga bakasyunista. Pinilit niyang hindi magpahalata rito. 

Sa palagay niya’y epektibo naman dahil nagpatuloy ang kanilang masayang usapan na napadpad sa mga random na bagay. ‘Yung kung anong maisip o makita nila sa daanan, pinag-uusapan nila. And she found out that this guy could talk...a lot! Madaldal ito at masayang kausap. A little playful but most of the time, a tease. 

Muli din niyang napapansin ang accent nito lalo na kapag napapaenglish ito. Sa totoo lang, the guy could be a DJ at any radio station at siguradong magniningning ang career nito. There’s something about his voice na maeengganyo kang makinig. Oh ayan! Pwede na ngang mag-DJ, pwedeng pang model ng Armani at Calvin Klein. Makakabuhay ng pamilya bes! Sa-sideline pang toothpaste model yarn.

Tinatanong din siya ni Miguel tungkol sa mga paborito niya. ‘Yung pagkain, bulaklak, kulay, hobbies…parang interview nga ang ginawa nito sa kanya. She would answer and ask back some same questions. But what she was really tempted to ask is kung talaga bang taga San Bernardino ito. Pakiramdam kasi ni Lily, him and the barrio just doesn’t add up. It’s either dayo rin ito at nagbabakasyon lang or nakapag-asawa ng foreigner ang nanay nito kaya ganoon na lang kabongga ang anyo nito. But his answer to his hobbies, likes, and interests, lahat ng sagot ng binata ay sagot ng isang typical na lalaking lumaki sa isang baryo. So baka nga half siya…at dito na sa San Bernardino pinalaki ng mga magulang.

Sa bagay, karamihan naman sa mga foreigners, mas gustong manirahan dito sa Pilipinas dahil mas mura ang cost of living at mas warm and friendly ang mga tao. 

 “Kamusta naman ang stay mo sa munting baryo namin?” Maya-maya’y saad nito. Nabanggit na rin kasi niya kani-kanina lang ang biglaang desisyon niyang pagbabakasyon sa San Bernardino. Siyempre pa, naghabi siya nang kwento upang maitago ang tunay na dahilan. 

“Hmmm…nag-eenjoy naman ako. At infairness, mababait talaga ang mga tao rito.” Napangiti siya dahil sa maikling panahon ng paglalagi niya sa baryo ay pakiramdam niya, nakakita siya ng isang lugar where she felt that she belongs. 

“Nakakapagod siguro sa Maynila, ano?”  

“Sobra.” Sagot niya rito. “Sobrang nakakapagod.” Kung pwede lang ‘di na bumalik ‘dun.

 “Well, it’s a good thing na naisipan mong magpahinga muna. ‘Di naman kasi maganda sa katawan na puro trabaho na lang.” 

“Coming here was one of the best decisions I made.” Wika niya. 

Napangiti naman ang binata. “Yeah…the best… baka nga may plano ang Nasa Itaas kaya ka Niya pinagbakasyon at dinala rito.” And he looked right at her. ‘Yung tingin na with chunks…malaman!  

Hoooy hanu nah! Puso behave! Katinuan kapit lang huh! Wala sa loob na nag-iwas siya ng tingin. Alam niyang namumula na naman siya. 

“Ah ano… sa fiesta… imbitado kang kainin ang bahay namin!” Nagkukumahog niyang pag-iiba ng usapan. 

Bigla ay tumawa ito ng malakas. “Ano kamo? Imibitado akong kainin ang bahay niyo? Mukha ba akong anay sa paningin mo?”  

Nataranta siya. Gaaaaaahh! Engot! Engot! Wala na bang mas obvious?! Alam niyang pulang-pula na ang kanyang pisngi.” 

“Ang ibig kong sabihin – “  

“Relax! ‘Di ko uubusin ang bahay niyo.” Isa pang malutong na tawa ang pinakawalan nito. 

And he’s back to teasing her again. Nang akmang hahampasin niya ito sa braso ay bigla na lamang itong kumaripas ng takbo. Sinubukan niya itong habulin. 

“Miguel! Bumalik ka dito!” 

Pero hindi siya pinakinggan nito. Bagkos ay tawa lang ito ng tawa sa kanya.