Chapter 51

Hindi nagdalawang-isip si Carnation na lisanin ang bahay ni Wren. Hindi pa man niya naririnig ang lahat-lahat, nagpasya na siyang umalis. Lulan ng taxi na pinara niya sa labas ng subdivision ng bahay ni Wren, nagmadali siyang bumalik sa kanilang bahay. Walang ibang laman ang isip ni Carnation kundi ang mga salitang binitawan ng ina ni Wregan. Ano ang ibig sabihin ni Francoise nang sabihin nitong older brother nila si Wren? Ang ibig sabihin ba ay kapatid niya si Wregan?

Hinilot ni Carnation ang sumakit na sintido. Akala niya tapos na ang mga nakakagulat na rebelasyon ng buhay niya. Akala niya p'wede na niyang simulan ang pagpapatawad sa magkapatid na Leath, at putulin ang masama at masalimuot na ugnayan niya sa mga ito, ngunit hindi pa pala natatapos ang lahat. Ang hindi niya maintindihan. Paano siya nagkaroon ng relasyon sa mga Leath?

"Daddy! Daddy!" tawag niya agad sa ama nang pumasok siya sa kanilang bahay. Kung may nakakaalam man ng totoo niyang pagkatao, at ng ko