Prologue

"Nyx, sigurado ka na ba dito? Alam kong ayaw mo sa ganitong environment. Inaalala lang kita."

"Sure na ako dito, Kim. Nagpapasalamat nga ako sayo dahil pinaki-usapan mo iyong manager mo na papasukin ako bilang serbidura." sagot niya sa kaibigan. Isang ngiti ang namutawi sa kanyang mga labi.

"Iyan ang spirit ng isang Nyx Artemis Olivers, palaban. You're welcome, by the way," ngising saad ng kaibigan, "At alam ko namang kailangan mo ng pera." dagdag pa nito.

"Hmm... Kailangan kong kumayod para sa kambal kong kapatid. Wala na silang maaasahan kung hindi ako na lang. Gusto ko silang mapagtapos ng pag-aaral." sagot niya sabay ngiti ng mapait.

Simula nang mamatay ang kanilang mga magulang sa isang aksidente, siya na ang tumayong ama't-ina ng kambal niyang kapatid. Labing-limang taon ang agwat niya sa dalawa, kaya kung susumahin ay sampong taon gulang pa lang ang mga ito.

Wala din siyang kilalang mga kamag-anak nila na pwedeng hingian ng tulong. Inaalala din niya kung tutulungan sila, kung meron man.

"Pero, paano ka Nyx? Hindi ba, hindi ka pa tapos mag- aral? Hindi mo ba ipagpapatuloy?" tanong ulit ng kanyang kaibigan. Isang iling lang ang isinagot niya.

"Sa ngayon ay ang kambal muna ang inaalala ko Kim. Bahala nang hindi ako makapagtapos basta sila ay makapag-aral, ayos na iyon sa akin."

"Sayang naman kung gan 'on. Pero para sa akin, ikaw ang da best na ate." lintaya nito sabay tawa ng pagkalakas-lakas. Mukha na itong nababaliw.

Baka nga nababaliw na ang kaibigan niya. Huwag naman sana.

Pero nagpapasalamat siya sa kaibigan dahil andiyan ito palagi sa tabi nila upang damayan sila. Kung hindi dahil kay Kim, baka nasa lansangan na sila pupulutin.

Biglang huminto ang sinasakyan nilang tricycle. Ibig sabihin ay nakarating na sila sa kanilang distinasyon.

Pagkababa nila ng tricycle, ang unang nakakuha ng kanyang atensiyon ay ang signage ng bar.

Rove's Bar, iyon ang nakasulat sa signage na neon light ang kulay. Ang sabi nang kaibigan niya, isang exclusive bar ito. Ibig sabihin ay ang mga may kaya lamang ang nakakapasok roon.

Nagulat siya ng bigla siyang hawakan ni Kim sa kamay, kaya napalingon siya sa kaibigan. Kanina pa kasi siya nakatingin sa signage ng bar. Masyado siyang namangha roon. Nangalay tuloy siya.

"Handa ka na ba? Kung handa ka na, tara na sa loob." Tumango naman siya bilang sagot.

'Ito na Nyx. Inhale, exhale. Wala ng atrasan ito. Para sa kambal. Para sa kambal. Aja! Fighting Nyx Oliveros. Kaya mo ito.' bulong niya sa sarili.

Isang malalim na buntong-hininga ang pinakawalan niya bago sumunod sa kaibigan.

Malakas na ugong ng musika ang sumalubong sa kanya. Ano pa nga ba ang dapat sumalubong sa kanya? Pa welcome? Napa-iling nalang siya sa mga pinag-iisip niya.

Inikot niya ang kanyang paningin. Habang nililibot niya ang kanyang tingin, may mga tao siyang nakikita na may kanya-kanyang ginagawa. May mga grupo-grupo at meron ding nagsosolo lang. Pero karamihan talaga ay iyong may grupo.

Ano nga ba ang aasahan niya sa isang bar? Syempre mga taong nag-iinuman. Alangan namang nagjajack-empoy.

'Utak mo Nyx, saan mo ba nilalagay?' sita niya sa sarili.

Dati kapag naririnig niya ang salitang bar, ang akala niya ay puros mga babaeng labas na ang kaluluwa. Iyong mga babaeng akala mo ay kinulang ang tabas ng tela ang damit. In short, mga naka-panty at bra na lang. Pero nang makita niya ang bar na iyon, nagbago ang description niya. May mga katanungan sa utak niya ang biglang nabuo na ipinagsawalang bahala niya.

Isang tikhim ang nagpagising sa kaluluwa niyang natutulog na ata. Isang babaeng tantiya niya ay nasa mid-30's na. Medyo matangkad ito pero syempre mas matangkad siya. Maputi at may mahabang buhok.

'Ito siguro ang manager.' bulong niya sa sarili.

Pinakatitigan siya ng babae na para bang sinusuri siya. Ano bang klaseng tingin iyon? Naiilang siya sa mga titig nito. Para bang binubusiksik ang kaluluwa niya.

"Siya ba iyong tinutukoy mo Kim?" tanong ng babae sa kanyang kaibigan, na ngayon lang niya nalaman na nasa tabi na pala niya.

"Opo, Ma'am Lanie." sagot naman ng kaibigan. Tango ang isinukli nang babae, na tinawag na Ma'am Lanie ng kaibigan.

"You can go Kim. I'm going to interview your referred applicant." utos nito bago bumaling sa kanya at sinabing sumunod siya.

Bago siya tuluyang sumunod ay nagpaalam siya sa kaibigan. They bid their goodbye's before turning their back.

Sumunod siya sa kausap niya kanina. Tumambad sa kanya ang isang pinto na sa tantiya niya ay iyon ang opisina nito. Pumasok siya sa loob at nakitang naka-upo ang babae sa swivel chair nito.

"You can seat, Ms.?"

"Nyx Artemis Olivers po. Pero pwede niyo naman akong tawaging Nyx." pakilala niya. Tumango-tango lang ito na para bang sang- ayon.

"And I'm Shalanie Reyes. I'm the manager of Rove's Bar. You can call me, Ma'am Lanie. Everyone call's me that name." pakilala din nito.

Nagpatuloy sa pagsasalita ang manager ng bar habang siya ay nakikinig ng maayos. Pinaliwanag nito ang patakaran ng bar at ng kung ano-ano pa.

"Hindi ko alam kung saan ka galing pero maganda ka para maging serbidura lamang. Huwag kang mag-alala dahil nirerespeto kita at sa kung saan ka nanggaling. I'm just wondering, you're too much beauty. By the way, here's the contract. Permahan mo siya at makakapagsimula ka na bukas ng gabi. Alas otso ang bukas ng bar kaya dapat andito ka na ng alas syete or 7:30. Bawal ang late. You're going to serve the costumer but I saw you're resume that you know how to mixed a drink, so basically pwede kitang ilagay sa bar counter." paliwanag nito. Tumango naman siya upang maiparating na naintindihan niya.

Totoo ang sabi ng kanyang manager. Marunong siyang maghalo ng alak dahil itinuro iyon sa dati niyang trabaho.

"Here's your uniform.Hindi masyadong maiksi ang palda niyan. Ayaw ng big boss na may nababastos na empleyado. At kung mababastos ka man, please inform me at ng masabi ko sa big boss. We don't tolerate those kind of person here. Kaya naman, you don't have to worry. You're safe here." mahabang paliwanag nito sabay ngiti, ngiting may assurance na safe talaga siya.

Sinuklian niya iyon ng isang matamis na ngiti. Sana lang talaga ay walang tinga ang ngipin niya dahil kahihiyan ang aabutin niya. Tumayo na siya at nagpasalamat sa pagtanggap sa kanya sa trabaho. Bago siya tuluyang lumabas, paulit-ulit siyang nagpasalamat. Narindi na ata ang manager nila sa kanya.

Nang tuluyan na siyang makalabas sa kwartong iyon, hinanap ng kanyang mga mata ang kaibigan. Nakita niya itong nagseserve ng alak sa isang grupo ng mga lalake. Hindi niya maaninag ang mukha ng pinagseserbihan ng kaibigan dahil pawang mga nakatalikod ito sa kanya.

Nagtungo siya sa may bar counter para doon na lang hintayin ang kaibigan at nang makapagpa-alam siya rito. Isang ngiti ang pumaskil sa kanyang mga labi ng mamataang palapit na ang kaibigan sa kanya.

Nang makalapit ito sa kanya ay kung ano-ano ang tinanong nito. Feeling niya ay ito ang manager ng bar. Dinaig pa kasi sa dami ng tanong. Nagkwentuhan muna sila saglit bago tuluyang magpaalam sa kaibigan.

As they bid their goodbye's, tumalikod na siya at naglakad palabas. Bago tuluyang makalabas sa bar ay inikot muna niya ang kanyang tingin sa kabuuan ng bar. Malawak ito at dalawang palag din ito. Sa ikalawang palalapag ang nagsisilbing VIP room at kita ang kabuuan ng bar.

Halos malibot na ng paningin niya ang kabuuan ng bar nang dumako ulit ang kanyang paningin sa mga kalalakehang pinagserbihan ng kaibigan niya kanina.

Ngayon ay nakita na niya ang mga mukha ng ibang lalake doon. Ang iba kasi ay nakaside- view at ang iba ay nakatalikod. Kung susumahin ay lagpas sampo ang mga kalalakehang iyon. Agaw pansin na nga ang grupong iyon sa kadahilanang, ang gwagwapo nila. She can say that all of them has a look. They are all gorgeous man.

Dumako ang kanyang tingin sa lalakeng may hawak na baso ng alak. Isa lang ang masasabi niya, gwapo ito at gwapo nga ito. Biglang tumingin ang lalake sa kanyang direksyon at nagulat siya nang magtama ang kanilang mga paningin.

Para siyang binuhusan ng malamig na tubig nang bigla itong ngumisi. Napanawan na ata siya ng ulirat dahil sa ginawa nito. Nakatitig pa rin ito sa kanya at ganoon din siya. Bigla siyang napakurap.

'Hala ang gaga mo selp. Jusko naman Nyx, ano bang ginagawa mo? Talikod na! Talikod na kasi!!'

At iyon nga ang kanyang ginawa. Tumalikod siya at tuluyan nang lumabas ng bar. Pumara siya ng taxi at sumakay doon. Bago lumarga ang sinasakyan niya ay lumingon ulit siya sa bar. Rove's Bar. Simula bukas ay dito na siya magtratrabaho. Ano kaya ang magiging kapalaran niya? Magtatagal kaya siya? Napa-iling nalang siya at sinabi sa driver na pwede ng lumarga.