CHAPTER 23- 9 YEARS AGO

—|•~9 YEARS AGO~•|—

Napangiti ako nang mabasa ang text ni Faller Coleman. Magkikita kami mamaya sa bar ng tito kong kalbo. Mag-iisang buwan pa lang naman simula nang magkaroon ng pagkakataong mapalapit ako sa kanya pero pakiramdam ko ay ilang taon na kaming magkakilala.

Napabuntonghininga na lang ako nang maalalang hindi ko pa nasasabi sa kanya ang totoong dahilan kung bakit nagkaroon kami ng koneksyon. Hindi ko pa nasasabi sa kanya na ginusto kong gamitin siya para ipamukha sa kay Hance na kaya ko ring maghanap ng iba at mas lamang pa sa kanya sa lahat ng bagay.

Sasabihin ko na talaga sa kanya mamaya.

Napapitlag ako nang biglang bumukas ang pinto ng aking kwarto. Bumungad ang hindi mahitsurang mukha ni Mommy.

"Mom? Something wrong?" takang tanong mo pa. Mababakas din ang pag-aalinlangan sa kanyang mukha. "Mom?" untag ko na naman.

Nag-away ba sila ni Daddy?

"Kenshane, anak, kailangan mo ng pumunta ng Pilipinas."

"Mom?" may kalakasan kong sambit, nangungumpirma kong totoo ba ang aki