Chapter 19

MAKAILANG beses munang humugot ng hangin si Elysse bago siya nagdesisyong sagutin ang pagtawag ni Carson sa kanyang cellphone. Hindi siya nagsalita at hinayaan na ito ang maunang magsalita.

“Hi,” narinig niyang bati nito mula sa kabilang linya.

Ang marinig lamang ang boses nito mula sa kabilang linya ay lalong nagpapakaba kay Elysse at naging ganoon na siya mula ng gabing may mangyari sa kanila.

“H-hello.”

“Have you already received the flowers?”

Her eyes automatically flew to the red roses. Kung gayun ay ito pala ang nagpadala ng mga mamahaling bulaklak.

Napahugot siya ng hangin. “Yes. W-why?” she nervously asked.

“Ely, hindi pa rin ako susuko na mapapayag kitang magpakasal sa akin.”

Napapikit siya nang mariin. 'Heto na naman tayo!'

“Carson, thank you for the flowers pero sana hindi ka na nag-abala pa.”

“Bakit? Hindi mo ba sila nagustuhan?”

Huminga siya nang malalim saka inipon ang lahat ng lakas ng loob. Tatapatin na niya si Carson na hindi puwede ang gusto nitong mangyari.

“Ang to