34. Inamin ang lihim

Sa Studio

Ibinigay ni Maureen ang cake sa mga empleyado para kainin, at pagkatapos ay dinala niya si Brix sa lugar ng display para sa mga panglalaking disenyo. Naka-display rin dito ang maraming mga natapos na produkto, na lahat ay idinisenyo niya.

Isa-isa itong tiningnan ni Brix, may paghanga sa kanyang mga mata, "Ikaw ba ang nagdisenyo ng lahat ng ito?"

"Oo," tumango siya na may ngiti, "Ang damit ba na gusto mo, Mr. Lauren ay iyong susuotin sa birthday party ni Shane?"

"Brix na lang. Masyado tayong pormal kaka Mr. Lauren mo sa akin eh," ngumiti si Brix sa kanya, "paano mo nalaman na doon ko susuotin?"

Ngumiti siya at sinabing, "sinabi sa akin ni Shane ngayong hapon na ang birthday party niya ay sa katapusan ng buwang ito."

Tumango tango si Brix, "Pumunta siya sa'yo para magpagawa ng damit. Nalulungkot ka ba? I mean, okay lang ba iyon sayo?"

"Hindi ako malulungkot. Kumita kami ng dahil sa kanya, kaya okay lang iyon," nakangiti niyang tugon dito, "okay ba ito sayo, Mr. L