Samantala sa loob ng simbahan ay nanlambot ang mga tuhod ng ama ni Girly ng malaman nilang tinakasan ng dalaga ang driver at mga bantay nito.
Galit na galit si Vincent ng mabatid niya ang ginawa ni Girly. Kahit na nasa loob sila ng simbahan ay nagwala siya roon. Nagpaputok siya ng baril ng ilang beses at sinuntok ang ilan sa mga bodyguards nila. Nagtakbuhan palabas ang ilan sa mga bisita, abay at mga nakikiusyoso. Pinatigil lang siya ng ama niyang Gobernador dahil napapahiya na sila ng sobra sa mga bisitang nasa simbahan na gustong makasaksi sa kasal, pati na rin sa pari na nag sign of the cross na ata dahil sa takot. Umiiyak naman sa takot at kaba ang ina ni Girly. Ang kapatid naman ng dalaga na si Andrie ay parang balewala lang sa kanya ang mga nangyayari. Napaupo at napayuko na lamang si Mayor Arnulfo Francisco sa nalaman at dahil wala rin siyang mukhang maiharap kina Vincent at Governor Maceda. Tahimik na nilapitan ni Governor Maceda si Mayor Francisco at halos pabulong na kinausap ang ama ni Girly. "Hindi ko papalagpasin ang ginawang ito ng iyong anak Mayor sa pamilya namin lalong-lalo na sa aking anak." usal ni Governor na narinig ng asawa ni Mayor dahil magkakatabi sila sa mahabang upuan. "Governor, wala kaming alam sa planong hindi pagsipot ni Girly sa kasal." paliwanag ni Arnulfo sa Gobernador. "Wala akong pakialam kung may kinalaman kayo o wala sa pagtakbo ng anak mo. Napahiya ako, ang anak ko, ang buong pamilya ko sa ginawa ng panganay mo, Mayor. Pasensiyahan na lang tayo!" pagbabanta ni Governor kay Mayor. "Governor, pakiusap pag usapan natin ito ng maayos." wika ng ina ni Girly. "Wala na tayong pag uusapan pa. Mula ngayon ay ayoko ng makita o makausap pa kayong mga Francisco." galit na saad ni Governor Maceda at naglakad na palabas ng simbahan kasunod ang asawa't mga anak pati na rin si Vincent na sinulyapan muna si Mayor habang nakakuyom pa rin ang kamay nito na para bang gustong suntukin ang ama ni Girly dahil halatang nagtitimpi lang. Dumiretso sa reception ng kasal si Vincent at doon niya ibinuhos ang lahat ng galit na nararamdaman. Nagwala siya uli, pinagbabasag niya ang mga platong nakaayos na sa mga lamesa. Pinagsisipa niya ang mga upuan at itinumba niya ang ilang mga lamesa. Pinagsisira niya ang mga bulaklak na naka-arranged doon at lahat ng mahawakan niyang ibang bagay ay ibinabato niya. Sinira niya rin ang wedding cake sana nila ni Girly. Nagsusumigaw sa galit si Vincent dahil hindi niya matanggap na nagawa ni Girly na takasan siya sa mismong araw ng kanilang kasal. Pahiyang-pahiya siya sa mga tao. Pakiramdam niya ay pinagtatawanan siya ngayon ng mga kakilala niya. "Hindi ka makakatakas sa akin, Girly. Hahanapin kita kahit saan ka pa magtago. Kapag nakita kita, gaganti ako.., gaganti ako!!" pasigaw na banta ni Vincent na narinig ng mga taong nasa paligid lang din niya. Nanlilisik ang matang tinignan ni Vincent ang mga bodyguards at waiter na naroon sa reception. "Kayo, ano pang ginagawa ninyo rito? hanapin ninyo si Girly at ibalik ninyo sa akin." pagalit na utos ni Vincent sa mga tauhan nila. "Yes boss, hahanapin po naman si Ma'am Girly." nagmamadaling wika ng isa sa mga inutusan ni Vincent. "O ano pang tinatanga-tanga ninyo rito? kumilos na kayo. Huwag kayong magpapakita sa akin ng wala kayong hatid na magandang balita." utos ar bilin ni Vincent sa mga tao niya. "Bakit? anong plano mo kapag nakita nila ang anak ni Mayor?" tanong ng kapatid ni Vincent na panganay sa kanilang magkakapatid. "Hindi mo na kailangang malaman, Ate Melissa." mahinahong sagot ni Vincent. "Huwag kang gagawa Vincent ng bagay na pagsisihan mo sa huli. Hayaan mo na lang si Girly na lumayo. Batid naman ng lahat na hindi niya gustong makasal sa iyo. Ikaw lang itong makulit at si Dad naman ay hinahayaan at kinukunsinti ka. Kasalanan mo rin kung bakit ito nangyari sa iyo ngayon. Pinipilit mo ang mga bagay na gusto mo." "Tumahimik ka, Ate Melissa. Hindi kita pinakikialaman, kaya wag mo rin akong pakialaman!" bulyaw ni Vincent sa panganay na kapatid. "Matigas ang ulo mo, Vincent. Bahala ka sa buhay mo. Siraulo ka!" singhal din sa kanya ng ate niya. "Umalis ka, iwanan ninyo ako rito. Umalis kayong lahat!" sigaw ni Vincent sa inis niya sa ate Melissa niya. "Tanga! magwala ka man ng magwala dito, ikaw lang ang mapapagod. Kung sumama ka sa paghahanap baka mas madali mong makita ang runaway bride mo." wika naman ng isa sa mga kapatid ni Vincent na si Mariel. Pinanlisikan ng mata ni Vincent ang kapatid na mas nakababata sa kanya ng dalawang taon. "Tara na nga ate Melissa, nakakainit lang lalo nang ulo yang paboritong anak ni Dad. Ini-spoiled kase kaya ganyan yan." aya na ni Mariel kay Melissa na tinanguan naman nito ang kapatid. Naiwan si Vincent mag isa sa reception at nagsimula na naman siyang magwala. Nakakita siya ng bote ng alak na hindi pa nabubuksan at iyon naman ang kanyang pinagdiskitahan. Binuksan niya ang bote ng alak at tinungga ang laman hanggang sa maubos."Girly.., gising na. Narito na tayo sa bahay." pang iistorbo ni Enrico sa natutulog na dalaga. "Uhmm..," mahinang ungol naman ang isinagot ni Girly kaya napailing ang ulo ni Enrico. "Tulog mantika," usal ng binata. "Narinig ko 'yon! Gising ako, tinatamad lang akong magdilat ng mata." wika ni Girly na nakapikit pa rin at nais makalusot. "Talaga lang ha!" nakangising komento ng binata na halata namang hindi pinaniniwalaan ang sinabi ng dalaga dahil kanina ay sinubukan nito na gisingin ito pero hindi naman nagising. "Oo na, tulog mantika na ko." aminadong wika ni Girly na nagmulat na ng kanyang mga mata. "Halata namang puyat ka at naiintindihan ko rin na napagod ka sa pagtakbo mo kanina. Hindi mo kailangang magpanggap sa akin." wika ni Enrico na inaalis na ang seatbelt sa katawan niya. "Pasensiya ka na, napuyat talaga ako kagabi sa kakaisip sa gagawin kong pagtakas. Malakas ba ang hilik ko?" aning saad ng dalaga. "Hindi naman sobrang lakas, medyo lang." sagot ni Enrico at lumabas
Pagkaakyat ni Girly ay nanatili pa si Enrico sa sala. Hindi pa rin maalis sa kanyang mga labi ang ngiti. "Bebe Labs! in fairness ang cute ng naisip niyang itawag sa akin." mahinang sambit niya ng maalala na naman ang huli nilang pag uusap ni Girly. "May lahi kayang mangkukulam ang babaeng iyon? Paano nangyaring napapayag niya akong tulungan siya?" usal ni Enrico na hindi maunawaan ang naging desisyon niya. Naalala ni Enrico na may nakausap na siyang magpapanggap na girlfriend niya sa plano niyang alamin kung talaga ba na hindi na siya mahal ng dati niyang nobya. Ang usapan ay mauuna lang siya ng tatlong araw at susunod sa kanya si Lynette sa probinsya. Si Lynette ay isang escort girl na baguhan pa lang sa trabaho ng ipakilala sa kanya ng kaibigan niyang si Nick. Naging regular costumer siya ng babae kaya nakapalagayan na niya ito ng loob. Nakapagbigay na nga siya ng paunang bayad sa kanilang usapan. Kaya hindi niya maintindihan kung bakit bigla siyang nakipag-deal kay Girly at ito
"Nakasabayan ko nga palang mamili si Caroline at ang Mommy niya sa supermarket. Sinabi kong parating ka na at kasama mong darating ang girlfriend mo. Itinanong sa akin ni Caroline kung kailan ang balik mo dito, kaya ko naman nasabi." pagpapabatid sa kanya ni Aling Myrna na isa sa nakakaalam ng dating relasyon nila ni Caroline. "Anong sabi ng malaman niya na may kasama ako?" curious niyang tanong. "Wala naman, tipid lang siyang ngumiti. Ikakasal na siya sa pinsan mong si Kelvin next month kaya dapat lang na okay lang sa kanya na may iba ka na rin." komento ni Aling Myrna na biglang nagpaalam sa kanya na pupunta na ng kusina para makapagluto na ng hapunan dahil biglang siyang nanahimik kaya nakaramdam siguro ang ginang na napasobra na ng kadaldalan. Tinanguan lang ni Enrico si Aling Myrna at naiwan na naman siyang mag isa sa sala. Naisip niya na tama naman ang sinabi ng ginang na ikakasal na si Caroline kay Kelvin at wala na dapat na maramdaman pang pagseselos ang dati niyang nobya
Mabilis namang inilock ni Girly ang pinto at napangiti na lang siya sa nangyari. Wala naman kase talagang kasalanan si Enrico at kasalanan niya ang lahat. Dinadaan lang niya sa galit-galitan ang nakakahiyang tagpo. Mahina siyang natawa ng maalala niya ang reaksyon ng mukha ni Enrico ng makita siya nitong hubad bago tumalikod. Sa ginawang pagtalikod ng binata kanina ay nalaman na niyang safe siya kay Enrico. Dahil kung iba sigurong lalaki ay baka hinila na siya at inihiga sa kama at pinagsasamantalahan na. Ang alam niya sila lang dalawa sa bahay. Magsusumigaw man siya sa loob ng silid ay walang makakarinig sa kanya dahil napansin niyang nakasoundproof ang kwarto ng binata. Nagmabilis na si Girly sa pagligo. Naghanap na rin ang dalaga ng bagong sepilyo sa mga cabinet na nasa loob ng banyo. Nakakita siya kaya nagsepilyo na rin siya. Dahil napansin niyang may bath throbe naman ay ginamit na niya iyon para kung sakali ay hindi na maulit ang nangyari kanina. Nang buksan niya ang pinto
Nang magising si Girly ay medyo madilim na sa labas ng bahay dahil pasado alas sais na rin ng gabi. Pagpasok niya uli kanina ng kwarto ay muli na naman siyang nakatulog pagkahiga niya sa malambot na kama. Palabas na sana siya ng silid ng marinig niya ang pagkatok at mahinang pagtawag sa kanya ni Enrico sa labas ng pinto. Binuksan niya ang pintuan at bumungad sa kanya ang maaliwalas na mukha ni Enrico. "Kanina ka pa ba gising?" bungad na tanong sa kanya ng binata. "Kakabangon ko lang. Bakit?" "Nagpahanda na ako ng hapunan natin kina Aling Myrna. Baka kase gutom ka na at nahihiya ka lang na lumabas ng silid mo kaya naman kumatok na ako." saad ni Enrico. "Ah, medyo nagugutom na nga ako. Actually palabas na ako ng kumatok ka." masayang turan niya na ikinangiti naman ni Enrico. "May lakad ka ba?" tanong niya sa binata ng mapansin niyang nakaporma ito. "Wala, dito lang ako sa bahay. Bakit mo natanong?" sagot ni Enrico. "Nakaporma ka eh! Tapos halatang bagong shave ka pa." pagpuna
"Ma'am Ging-ging, sigurado kang gusto mong gawin 'to?" napapakamot sa ulong tanong ni Shiela. "Nagtataka ka ba kung bakit ginagawa natin 'to?" sagot na patanong niya sa anak ni Aling Myrna. "Oo Ma'am eh," nahihiyang sagot ni Shiela. "Ngayong gabi lang naman ito. Ang totoo ay gusto ko lang pagtripan ang mga pinsan ng sir Enrico mo. S'yempre ipapakilala akong girlfriend ni Enrico sa mga relatives niya sa mother side niya mamaya, gusto ko makilala at makita nila akong nerd ngayong gabi. I'm sure pag uwi nila ipapamalita nila sa ibang kamag anak nila na ang girlfriend ni Enrico ay panget na nerd." Nakita niya sa salamin na napangiwi si Shiela sa isinagot niya. Tahimik naman din siyang natutuwa sa reaction ng kasambahay at ipinagpatuloy ang kanyang pagpapakapal sa kilay gamit ang eyebrow pencil. "Ma'am, wag kang magagalit sa itatanong ko ha. May something ka ba?" Natawa si Girly sa sinabi ni Shiela. "Something what? straight to the point, Shiela. What do you mean?" aniya na nakang
Samantala si Enrico naman ay nasa ibaba pa rin at iniisip ang pinag-usapan nila kanina ni Girly habang sila ay naghahapunan. Ang mga gawa-gawang kwento na hinabi nila para maging katotohanan ang pag arte nila mamaya at sa mga susunod pang araw. Napag-usapan nila ang mga ilang bagay na maaaring itanong sa kanilang dalawa na dapat ay pareho sila ng maisasagot. Kung sakali na hindi magtutugma ay dapat malusutan nila ng maayos upang hindi sila paghinalaan na nagsisinungaling. Sinabi sa kanya ni Girly na magpapakita muna siyang nerd sa mga pinsan niya mamaya at bukas ay gagawin na nila ang plano ng dalaga na make over. Pumayag siya sa plano ni Girly dahil ayaw niya munang makipagtalo sa dalaga dahil maraming gumugulo sa isipan niya ngayon. Natawagan at nakausap na niya si Lynette at nasabi na niya sa babae na hindi na niya itutuloy ang plano nila dahil may iba siyang naisip na magandang idea. Hindi niya ipinaalam kay Lynette ang tungkol kay Girly dahil hahaba lang ang kanilang usapan.
"Bebe Labs, ayos ba?" tanong ni Girly na mabilis na nilapitan si Enrico. "Ano yang itsura mo? bakit naman ganyan?" takang tanong niya sa dalaga na naiiling pa ang ulo at nakangiti. "Huwag kang aangal, pinaghirapan ko ito." angil ni Girly. "Hindi kaya ako pagtawanan nung dalawa kapag nakita ka. Akala ko simpleng ayos lang ang gagawin mo. Bakit naman ganyan, Girly?" reklamo ni Enrico. "Sabi ko sa iyo Ma'am, hindi magugustuhan ni Sir ang ayos mo." sabat ni Shiela na ikinatawa ni Girly ng mahina. "Hayaan mo na, babawi ako bukas. Wala akong preparation para makipagkilala sa mga relatives mo ng hindi nila ako mamumukhaan eh! nag iingat lang ako, okay!" pabulong na usal ni Girly kay Enrico. "Ay may pagbulong!" wika ni Shiela na hindi pinansin ng dalawa. "Ma'am, Sir Enrico, okay lang naman kayo, ano?" tanong ni Shiela ng mapansin niyang sumeryoso na ang amo. Napasulyap ng sabay kay Shiela sina Girly at Enrico. "Nakita mo ang kakulitan ng girlfriend ko Shiela, wag mong idadaldal yan s