Chapter 61

Makalipas ang dalawang araw ay nahawakan na rin ni Leslie ang katawan ni baby Dylan. Karga ito ng biyenan niyang babae, natatakot pa kase si Dave na buhatin ang anak nila na naiintindihan naman niya kung bakit. Napakaliit naman kase ng baby nila na natural lang dahil kulang pa sa araw ang baby nila ng ipanganak niya.

"Kamukha mo Leslie ang anak ninyo, tignan mo oh!" saad ni Digna na magiliw na ipinapakita ang mukha ng sanggol sa manugang.

"Mas mahal ko kase siya Mommy kaya ganon." komento ni Dave na natutuwa na pinagmamasdan ang ang ina niya, asawa at anak.

"Naniniwala ka sa ganong sabi-sabi? Parang hindi naman yun totoo. Mahal na mahal kaya kita.. Kaya dapat hawig natin dalawa si baby Dylan dahil pareho lang naman natin na mahal ang isat isa." malawak ang pagkakangiting saad ni Leslie.

"Sa ngayon mas kahawig ni Leslie si baby pero malalaman ninyo kung sino ang kamukha ng bata talaga sa paglipas pa ng ilang buwan. Kahit naman sino ang kamukha nitong baby ay napakaguwapo pa rin ng apo